KUMPULAN SEKAR RARE

tut balance
January 06, 2022

10 Sekar Rare yang pernah populer

Sekar rare adalah nyanyian yang sering dinyanyikan oleh anak-anak pada jaman dulu ada juga dinyanyikan sampai sekarang. berikut saya rangkum 10 Sekar Rare yang pernah populer

1. MADE CENIK

made cenik,

lilig montor ibi sanja *2x

montor badung ka Gianyar *2x

Gadebege muat batu.

Batu cina,

bais lantang cunguh  barak *2x

mangumbang-ngumbang I Jodar *2x

I Jodar katetulupan.

Tunjung biru,

margi I bagus masiram *2x

Masiram saling enggokin *2x

tepuk api dong ceburin.

Macan rangreng,

mangelur ngebekin gumi *2x

kadi kilap manyanderin *2x

tepuk api dong ceburin.

jangkak jongkok,

manyaru manyongcong jakrik *2x

jangkrik kawi, Ni Luh tama *2x

Ni Luh Tama tunjung beru.

Singa warak,

gajah lembune macanda *2x

macanda saling cetakin *2x

tepuk api dong ceburin.

ᬫᬤᬾᬘᭂᬦᬶᬓ᭄᭞
ᬮᬶᬮᬶᬕ᭄ᬫᭀᬦ᭄ᬢᭀᬃᬳᬶᬩᬶᬲᬜ᭄ᬚ᭞ 2x
ᬫᭀᬦ᭄ᬢᭀᬃᬩᬤᬸᬂᬓᬕᬶᬬᬜᬃ᭞ 2x
ᬕᬤᭂᬩᭂᬕᬾᬫᬸᬯᬢ᭄ᬩᬢᬸ᭟
ᬩᬢᬸᬘᬶᬦ᭞
ᬩᬳᬶᬲ᭄ᬮᬦ᭄ᬢᬂᬘᬸᬗᬸᬄᬩᬭᬓ᭄᭞2x 
ᬫᬗᬸᬫ᭄ᬩᬂᬗᬸᬫ᭄ᬩᬂᬳᬶᬚᭀᬤᬃ᭞2x 
ᬳᬶᬚᭀᬤᬃᬓᬢᬢᬸᬮᬸᬧᬦ᭄᭟
ᬢᬸᬜ᭄ᬚᬸᬂᬩᬶᬭᬸ᭞
ᬫᬃᬕᬶᬳᬶᬩᬕᬸᬲ᭄ᬫᬲᬶᬭᬫ᭄᭞2x
ᬫᬲᬶᬭᬫ᭄ᬲᬮᬶᬂᬳᭂᬗ᭄ᬕᭀᬓᬶᬦ᭄᭞2x 
ᬢᭂᬧᬸᬓ᭄‌ᬳᬧᬶᬤᭀᬂᬘᭂᬩᬸᬭᬶᬦ᭄᭟
ᬫᬘᬦ᭄ᬭᬗᬺᬂ᭞
ᬫᬗᭂᬮᬸᬃᬗᭂᬩᭂᬓᬶᬦ᭄ᬕᬸᬫᬶ᭞2x 
ᬓᬤᬶᬓᬶᬮᬧ᭄ᬫᬜᬦ᭄ᬤᭂᬭᬶᬦ᭄᭞2x 
ᬢᭂᬧᬸᬓ᭄‌ᬳᬧᬶᬤᭀᬂᬘᭂᬩᬸᬭᬶᬦ᭄᭟
ᬚᬗ᭄ᬓᬓ᭄ᬚᭀᬗ᭄ᬓᭀᬓ᭄᭞
ᬫᬜᬭᬸᬫᬜᭀᬂᬘᭀᬂᬚᬗ᭄ᬓ᭄ᬭᬶᬓ᭄᭞2x 
ᬚᬗ᭄ᬓ᭄ᬭᬶᬓ᭄ᬓᬯ᭄᭞ᬦᬶᬮᬸᬄᬢᬫ᭞2x 
ᬦᬶᬮᬸᬄᬢᬫᬢᬸᬜ᭄ᬚᬸᬂᬩᬶᬭᬸ᭟
ᬲᬶᬗᬯᬭᬓ᭄᭞
ᬕᬚᬄᬍᬫ᭄ᬩᬸᬦᬾᬫᬘᬦ᭄ᬤ᭞2x 
ᬫᬘᬦ᭄ᬤᬲᬮᬶᬂᬘᭂᬢᬓᬶᬦ᭄᭞2x
ᬢᭂᬧᬸᬓ᭄‌ᬳᬧᬶᬤᭀᬂᬘᭂᬩᬸᬭᬶᬦ᭄᭟

2. Jenggot Uban

kaki kaki ta nguda mabok,

dibatan cunguhe ked dijagute

neked kapipine bek misi ebok

buwin putih buka kapase.

apa kaki kamulan keto

mabulu uling dimara lekade

tusing cening, kaki majenggot reko,

kaki tua mara ya mentik.

 ᬓᬓᬶᬓᬓᬶᬢᬗᬸᬤᬫᬩᭀᬓ᭄᭞
ᬤᬶᬩᬢᬦ᭄ᬘᬸᬗᬸᬳᬾᬓᭂᬤ᭄ᬤᬶᬚᬕᬸᬢᬾ᭞
ᬦᭂᬓᭂᬤ᭄ᬓᬧᬶᬧᬶᬦᬾᬩᭂᬓ᭄ᬫᬶᬲᬶᬳᭂᬩᭀᬓ᭄᭞
ᬩᬸᬯᬶᬦ᭄ᬧᬸᬢᬶᬄᬩᬸᬓᬓᬧᬲᬾ᭞
ᬳᬧᬓᬓᬶᬓᬫᬸᬮᬦ᭄ᬓᬾᬢᭀ᭞
ᬫᬩᬸᬮᬸᬳᬸᬮᬶᬂᬤᬶᬫᬭᬍᬓᬤᬾ᭞
ᬢᬸᬲᬶᬂᬘᭂᬦᬶ᭞ᬓᬓᬶᬫᬚᭂᬗ᭄ᬕᭀᬢ᭄ᬋᬓᭀ᭞
ᬓᬓᬶᬢᬸᬯᬫᬭᬬᬫᭂᬦ᭄ᬢᬶᬓ᭄᭟

3. KETUT GARING

ketut garing, nyeneng di menguwi

raras cara kuta, semu cara badung

tindak cara tabanan, tayungane cara denbukit.

cara denbukit, nganutin denbukit

boya tiang boya, tiang wang kadungu,

tiang juru pencar, di arep tiange dungki,

dungki cenik, misi be kepiting,

adepa di klating, banga pipis satus,

nanggu satus tigang benang.

ᬓᭂᬢᬸᬢ᭄ᬕᬭᬶᬂ᭞ᬜᭂᬦᭂᬂᬤᬶᬫᭂᬗ᭄ᬯᬶ᭞
ᬭᬭᬲ᭄ᬘᬭᬓᬸᬢ᭞ᬲᭂᬫᬸᬘᬭᬩᬤᬸᬂ᭞
ᬢᬶᬦ᭄ᬤᬓ᭄ᬘᬭᬢᬩᬦᬦ᭄᭞ᬢᬬᬸᬗᬦᬾᬘᬭᬤᭂᬦ᭄ᬩᬸᬓᬶᬢ᭄᭞
ᬘᬭᬤᬾᬦ᭄ᬩᬸᬓᬶᬢ᭄᭞ᬗᬦᬸᬢᬶᬦ᭄ᬤᬾᬦ᭄ᬩᬸᬓᬶᬢ᭄᭞
ᬩᭀᬬᬢᬶᬬᬂᬩᭀᬬ᭞ᬢᬶᬬᬂᬯᬂᬓᬤᬸᬗᬸ᭞
ᬢᬶᬬᬂᬚᬸᬭᬸᬧᭂᬜ᭄ᬘᬃ᭞ᬤᬶᬬᬋᬧ᭄ᬢᬶᬬᬗᬾᬤᬸᬗ᭄ᬓᬶ᭞
ᬤᬸᬗ᭄ᬓᬶᬘᭂᬦᬶᬓ᭄᭞ᬫᬶᬲᬶᬩᬾᬓᭂᬧᬶᬢᬶᬂ᭞
ᬳᬤᭂᬧᬤᬶᬓ᭄ᬮᬢᬶᬂ᭞ᬩᬗᬧᬶᬧᬶᬲ᭄ᬲᬢᬸᬲ᭄᭞
ᬦᬗ᭄ᬕᬸᬲᬢᬸᬲ᭄ᬢᬶᬕᬂᬩᭂᬦᬂ᭟

4. PANGELONG

dija bulane sing ngenah uli ibi

ia jani pules reh majalan ejoh gati *2x

uli dija bulane majalan, kaki

uli tanggu kangin teked kauh, keto cening *2x

pidan lakar bangun bulane tur mai

lamun ilang kenyelne ya teka lakar buwin *2x

ᬤᬶᬚᬩᬸᬮᬦᬾᬲᬶᬂᬗᭂᬦᬄᬳᬸᬮᬶᬳᬶᬩᬶ᭞
ᬳᬶᬬᬚᬦᬶᬧᬸᬍᬲ᭄ᬭᬾᬄᬫᬚᬮᬦ᭄ᬳᭂᬚᭀᬄᬕᬢᬶ᭞*2x
ᬳᬸᬮᬶᬤᬶᬚᬩᬸᬮᬦᬾᬫᬚᬮᬦ᭄ᬓᬓᬶ᭞
ᬳᬸᬮᬶᬢᬗ᭄ᬕᬸᬓᬗᬶᬦ᭄ᬢᭂᬓᭂᬤ᭄ᬓᬳᬸᬄ᭞ᬓᬾᬢᭀᬘᭂᬦᬶᬂ᭞*2x
ᬧᬶᬤᬦ᭄ᬮᬓᬃᬩᬗᬸᬦ᭄ᬩᬸᬮᬦᬾᬢᬸᬃᬫᬳᬶ᭞
ᬮᬫᬸᬦ᭄ᬳᬶᬮᬂᬓᭂᬜᭂᬮ᭄ᬦᬾᬬᬢᭂᬓᬮᬓᬃᬩᬸᬯᬶᬦ᭄᭞*2x

5. BIBI RANGDA

bibi bibi rangda, apang durus karyan bibi,

bibi majauman, kelod kangin jumah dane jegeg leseng.

suba jani keto tiang ngaba aled munyi,

sasanganan kaon, jaja sirat, kekuluban bungan duren.

duren-duren ijo, sumangkane kuning gading,

kantilampa nguda, salak, nangka, kaliasem mangaronce.

ᬩᬶᬩᬶᬩᬶᬩᬶᬭᬗ᭄ᬤ᭞ᬳᬧᬂᬤᬸᬭᬸᬲ᭄ᬓᬃᬬᬦ᭄ᬩᬶᬩᬶ᭞
ᬩᬶᬩᬶᬫᬚᬳᬸᬫᬦ᭄᭞ᬓᭂᬮᭀᬤ᭄ᬓᬗᬶᬦ᭄ᬚᬸᬫᬄᬤᬦᬾᬚᭂᬕᬾᬕ᭄ᬮᬾᬲᭂᬂ᭞
ᬲᬸᬩᬚᬦᬶᬓᬾᬢᭀᬢᬶᬬᬂᬳᬍᬤ᭄ᬫᬸᬜᬶ᭞
ᬲᬲᬗᬦᬦ᭄ᬓᬳᭀᬦ᭄᭞ᬚᬚᬲᬶᬭᬢ᭄᭞ᬓᬓᬸᬮᬸᬩᬦ᭄ᬩᬸᬗᬦ᭄ᬤᬸᬭᬾᬦ᭄᭞
ᬤᬸᬭᬾᬦ᭄ᬤᬸᬭᬾᬦ᭄ᬳᬶᬚᭀ᭞ᬲᬸᬫᬗ᭄ᬓᬦᬾᬓᬸᬦᬶᬂᬕᬤᬶᬂ᭞
ᬓᬦ᭄ᬢᬶᬮᬫ᭄ᬧᬗᬸᬤ᭞ᬲᬮᬓ᭄᭞ᬦᬗ᭄ᬓ᭞ᬓᬮᬶᬬᬲᭂᬫ᭄ᬫᬗᬭᭀᬜ᭄ᬘᬾ᭞

6. Miong-miong

Miong-miong, alih ja bikule

Bikul gede-gede, nuin mokoh-mokoh

kereng pesan ngerusuhin.

juk meng juk kul 3x

dija nemeng ditu nengkul

ᬫᬶᬬᭀᬂᬫᬶᬬᭀᬂ᭞ᬳᬮᬶᬄᬚᬩᬶᬓᬸᬮᬾ᭞
ᬩᬶᬓᬸᬮ᭄ᬕᭂᬤᬾᬕᭂᬤᬾ᭞ᬩᬸᬳᬶᬦ᭄ᬫᭀᬓᭀᬄᬫᭀᬓᭀᬄ᭞
ᬓᭂᬋᬂᬧᭂᬲᬦ᭄ᬗᭂᬭᬸᬲᬸᬳᬶᬦ᭄᭟
ᬚᬸᬓ᭄ᬫᬾᬂᬚᬸᬓ᭄ᬓᬸᬮ᭄᭞3x
ᬤᬶᬚᬦᭂᬫᬾᬂᬤᬶᬢᬸᬦᭂᬗ᭄ᬓᬸᬮ᭄᭟

7. Juru Pencar

Juru Pencar, Juru... pencar

mai jalan mencar ngejuk ebe

be gede-gede 2x

di sawane ajaka liu

ᬚᬸᬭᬸᬧᭂᬜ᭄ᬘᬃ᭞ᬚᬸᬭᬸ...ᬧᭂᬜ᭄ᬘᬃ
ᬫᬳᬶᬚᬮᬦ᭄ᬫᭂᬜ᭄ᬘᬃᬗᭂᬚᬸᬓ᭄ᬳᭂᬩᬾ᭞
ᬩᬾᬕᭂᬤᬾᬕᭂᬤᬾ2x
ᬤᬶᬲᬯᬦᬾᬳᬚᬓᭂᬮᬶᬬᬸ᭟

8. Merah Putih

Merah putih, Benderan tiange

berkibaran dilangite terang galang

nika lambang jiwa rakyat Indonesia

Merah brani medasar atine suci

Pusaka adi leluhur jaya sakti

Merah putih benderan tiange

ᬫᬾᬭᬄᬧᬸᬢᬶᬄ᭞ᬩᭂᬦ᭄ᬤᬾᬭᬦ᭄ᬢᬶᬬᬗᬾ᭞
ᬩᭂᬃᬓᬶᬩᬭᬦ᭄ᬤᬶᬮᬗᬶᬢᬾᬢᭂᬭᬂᬕᬮᬂ᭞
ᬦᬶᬓᬮᬫ᭄ᬩᬂᬚᬶᬯᬭᬓ᭄ᬬᬢ᭄‌ᬇᬫ᭄ᬤᭀᬦᬾᬲ᭄ᬬ᭞
ᬫᬾᬭᬄᬩ᭄ᬭᬦᬶᬫᬤᬲᬃᬳᬢᬶᬦᬾᬰᬸᬘᬶ᭞
ᬧᬸᬲᬓᬅᬥᬶᬮᬮᬸᬳᬸᬃᬚᬬᬲᬓ᭄ᬢᬶ᭞
ᬫᬾᬭᬄᬧᬸᬢᬶᬄᬩᭂᬦ᭄ᬤᬾᬭᬦ᭄ᬢᬶᬬᬗᬾ᭟

9. Ratu Anom

Ratu anom matangi mailen-ilen

dong pirengan munyin sulinge dijaba

Enyen ento manyuling di jaba tengah

Gusti ngurah alit jambe pamecutan

ᬭᬢᬸᬯᬦᭀᬫ᭄ᬫᬢᬗᬶᬫᬳᬶᬮᬾᬦ᭄ᬳᬶᬮᬾᬦ᭄᭞
ᬤᭀᬂᬧᬶᬋᬗᬦ᭄ᬫᬸᬜᬶᬦ᭄ᬲᬸᬮᬶᬗᬾᬤᬶᬚᬩ᭞
ᬳᭂᬜᬾᬦ᭄ᬳᭂᬦ᭄ᬢᭀᬫᬜᬸᬮᬶᬂᬤᬶᬚᬩᬢᭂᬗᬄ᭞
ᬕᬸᬲ᭄ᬢᬶᬗᬸᬭᬄᬳᬮᬶᬢ᭄ᬚᬫ᭄ᬩᬾᬧᬫᭂᬘᬸᬢᬦ᭄᭟

10. Cening Putri Ayu

Cening putri ayu, Ngijeng dewa jumah

Meme luas malu, Ka peken mablanja

apang ada daaran nasi

Meme titiang ngiring, ngijeng dewa jumah

Sambilang makumpul, ajak titiang dadua

Dimulihne nyan gapgapin

ᬘᭂᬦᬶᬂᬧᬸᬢ᭄ᬭᬶᬳᬬᬸ᭞ᬗᬶᬚᭂᬂᬤᭂᬯᬚᬸᬫᬄ᭞
ᬫᬾᬫᬾᬮᬸᬯᬲ᭄ᬫᬮᬸ᭞ᬓᬧᭂᬓᭂᬦ᭄ᬫᬩ᭄ᬮᬜ᭄ᬚ᭞
ᬳᬧᬂᬳᬤᬤᬵᬭᬦ᭄ᬦᬲᬶ᭞
ᬫᬾᬫᬾᬢᬶᬢ᭄ᬬᬂᬗᬶᬭᬶᬂ᭞ᬗᬶᬚᭂᬂᬤᭂᬯᬚᬸᬫᬄ᭞
ᬲ?ᬳᬫ᭄ᬩᬶᬮᬂᬫᬓᬸᬫ᭄ᬧᬸᬮ᭄ᬳᬚᬓ᭄ᬢᬶᬢ᭄ᬬᬂᬤᬤ᭄ᬯ᭞
ᬤᬶᬫᬸᬮᬶᬳ᭄ᬦᬾᬜᬦ᭄ᬕᬧ᭄ᬕᬧᬶᬦ᭄᭟

***

kaketus saking: kasusastran Bali

oleh: Dinas Kebudayaan Provinsi bali

tahun: 2005

di denpasar