Satua I Lutung teken i kekua

TutlencAksaraBaliEdu - satua bali i kekua lan ilutung mungkin udah biasa kamu baca di website.

Satua I Lutung teken I Kekua versi aksara bali

Nah, kali ini kita akan belajar membaca satua i kekua teken i lutung. Kamu dapat melihat dan membaca versi huruf latinnya di I Lutung teken I Kekua. Sedangkan versi aksara balinya silahkan baca dibawah ini

---

ᬳᬶ ᬮᬸᬢᬸᬂ ᬢᭂᬓᬾᬦ᭄ᬳᬶᬓᭂᬓᬸᬯ᭟​

ᬳᬤ ᬢᬸᬢᬸᬭᬦ᭄ᬲᬢ᭄ᬯ ᬳᬶ ᬮᬸᬢᬸᬂ ᬢᭂᬓᬾᬦ᭄ᬳᬶᬓᭂᬓᬸᬯ᭟ ​ᬳᬶ ᬮᬸᬢᬸᬂ ᬲᭂᬤᭂᬓ᭄ᬫᬲᬬᬸᬩᬦ᭄ᬤᬶᬩᭂᬢᬾᬦ᭄ᬓᬬᬸᬦᬾ᭞ ​ᬲᬕᭂᬢ᭄ᬤᬶᬗᭂᬳ ᬳᬶᬓᭂᬓᬸᬯ ᬜᭂᬲᭂᬮ᭄ᬳᬶᬩ᭞​ᬓᭂᬦᬾ ᬫᬸᬜᬶᬦᬾ᭞​ 

”ᬩᭂᬄ᭞​ᬓᭂᬦᬾ ᬮᬘᬸᬭᬾ᭞ ᬫᬲᬦ᭄ᬳᬸᬚᬦ᭄ᬳᬸᬚᬦ᭄ᬓᭂᬯᭂᬄ ᬧᭂᬲᬦ᭄ᬗᬮᬶᬄ ᬳᬫᬄ᭞ᬬᭂᬦ᭄ᬫᬓᭂᬮᭀ ᬓᭂᬦᬾ᭞ ᬲᬶᬂ ᬩᬹᬗᬦ᭄ᬤᭂᬯᭂᬓᬾ ᬮᬓᬃ ᬫᬢᬶ”᭟

ᬫᬭ ᬦᬶᬗᭂᬄ ᬫᬸᬜᬶ ᬓᭂᬢᭀ ᬳᬶ ᬮᬸᬢᬸᬂ ᬫᬳᭂᬓᬶᬦ᭄ᬢᭀᬗᭀᬲᬾ ᬳᭂᬦ᭄ᬢᭀ᭟ ᬲᬕᭂᬢ᭄ᬢᭂᬧᬸᬓᬶᬦ ᬳᬶ ᬓᭂᬓᬸᬯ ᬩᭂᬭᬕ᭄ᬳᬓᬶᬕ᭄᭞ ᬲᬚᬦ᭄ᬫᬶᬭᬶᬩ᭄ᬢᬸᬦ ᬳᬫᬄ᭟ᬮᬦ᭄ᬢᬲ᭄ᬳᬶᬮᬸᬢᬸᬂ ᬗᭀᬫᭀᬂ ᬦᬶᬫ᭄ᬩᬮ᭄᭞ 

“ᬳᬶᬄ ᬓᭂᬓᬸᬯ᭞ ᬲᬸᬯᬸᬤ᭄ᬫᭀᬦ᭄ᬢᭀ ᬫᬲᭂᬮ᭄ᬲᭂᬮᬦ᭄᭟ ᬦᬾ ᬳᬯᬓᬾ ᬦᭂᬧᬸᬓᬶᬦ᭄ᬢᭀᬗᭀᬲ᭄ᬫᭂᬮᬄ ᬤᬶᬢᬸ ᬤᬯᬸᬄ ᬢᬸᬓᬤ᭄ᬘᭂᬂᬘᭂᬗᬾ ᬳᬤ ᬧᭀᬦ᭄ᬤᭀᬓ᭄᭞ ᬳᭂᬦ᭄ᬢᭀ ᬧᭀᬦ᭄ᬤᭀᬓ᭄ᬳᬶᬓᬓᬶ ᬧᭂᬭᭀᬤᭀᬂ᭟ ᬤᬶᬲᬶᬲᬶᬦ᭄ᬳᬩᬶᬬᬦᬾ ᬩᭂᬓ᭄ᬳᬤ ᬧᬸᬜᬦ᭄ᬩᬶᬬᬸ᭟ ᬳᬩᬸᬮᬦ᭄ᬳᬦᬾ ᬲᬸᬩ ᬮᬶᬯᬢ᭄ᬳᬯᬓᬾ ᬫᬵᬦ᭄ᬮᬶᬯᬢ᭄ᬤᬶᬢᬸ᭟ ᬩᬸᬯᬶᬦ ᬮᬶᬬᬸ ᬯᬬᬄᬯᬬᬄ᭞ ᬫᬶᬭᬶᬩ᭄ᬚᬦᬶ ᬲᬸᬩ ᬧᬤ ᬦᬲᬓ᭄”᭟

ᬩᬾᬄ᭞ ᬧ᭄ᬭᭂᬚᬦᬶᬤᭂ ᬳᬶᬮᬂ ᬲᭂᬤᬸᬓ᭄ᬦᬾ ᬳᬶ ᬓᭂᬓᬸᬯ᭞ ᬫᬭ ᬦᬶᬗᭂᬄ ᬳᭀᬃᬢ ᬓᭂᬢᭀ᭟ ᬫᭂᬦ᭄ᬓᭂᬦᭂᬳ᭄ᬦᬾ ᬮᬓᬃ ᬗᬫᬄ ᬩᬶᬬᬸ ᬦᬲᬓ᭄᭞ ᬮᭁᬢ᭄ᬳᬶᬬ ᬫᬲᬳᬸᬢ᭄ᬳᬾᬗ᭄ᬕᬮ᭄᭞

 ”ᬳᬤᬸᬄ ᬲᬂ ᬮᬸᬢᬸᬂ᭞ ​ᬬᭂᬦ᭄ᬓᭂᬢᭀ ᬳᬧ ᬓᬤᭂᬦ᭄ᬫᭂᬮᬳ᭄ᬦᬾ᭞​ ᬦᬗᬶᬂ ᬓᭂᬦ᭄ᬓᭂᬦ᭄ᬓᭂᬫ᭞ ​ᬲᬯᬶᬭᬾᬄ ᬧᭀᬦ᭄ᬤᭀᬓᬾ ᬳᭂᬦ᭄ᬢᭀᬚᭀᬄ᭞​ᬢᬸᬓᬤ᭄ᬘᭂᬂᬘᭂᬗᬾ ᬮᬶᬗ᭄ᬕᬄ᭞ ​ᬩᬸᬯᬶᬦ ᬓᬾᬯᭂᬄ ᬧᭂᬲᬦ᭄​ᬗ᭄ᬮᬶᬯᬢ᭄”᭟​

ᬫᬭ ᬓᭂᬢᭀ ᬫᬸᬜᬶᬦᬾ ᬳᬶᬓᭂᬓᬸᬯ᭞ ᬮᬦ᭄ᬢᬲ᭄ ᬳᬶᬮᬸᬢᬸᬂ ᬫᬲᬳᬸᬢ᭄᭞

 ”ᬩᬾᬄ᭞ ​ᬩᭂᬮᭀᬕ᭄ᬳᬶᬩ ᬓᭂᬓᬸᬯ᭞​ ᬘᬿ ᬓᬤᬾᬦ᭄ᬤᬸᬯᭂᬕ᭄ ​ᬗ᭄ᬮᬗᬶ᭞​ ᬬᭂᬦ᭄ᬢᬸᬯᬄ ᬘᬳᬶ ᬲᬓ᭄ᬢᬶ᭞ ​ᬚᬮᬦ᭄ᬓᭂᬫ ᬲᬶᬩᬋᬗᬦ᭄᭟​ᬕᬦ᭄ᬤᭀᬂ ᬳᬯᬓᬾ ᬗ᭄ᬮᬶᬯᬢᬶᬦ᭄ᬢᬸᬓᬤ᭄᭞ ​ᬲᬸᬩᬦᭂᬓᭂᬤ᭄ᬤᬶᬢᬸ᭞ ​ᬳᬯᬓᬾ ᬫᭂᬦᬾᬓ᭄ᬧᬸᬜᬦ᭄ᬩᬶᬬᬸ᭞​ ᬘᬳᬶ ᬗᬦ᭄ᬢᭀᬲᬂ ᬩᭂᬢᬾᬦ᭄ᬤᬶ ᬩᭀᬂᬓᭀᬮ᭄ᬦᬾ᭟​ ᬬᬾᬦ᭄ᬫᬵᬦ᭄ᬩᬶᬬᬸ ᬢᭂᬢᭂᬮᬸ᭞​ ᬘᬳᬶ ᬳᬩᭂᬲᬶᬓ᭄ᬳᬯᬓᬾ ᬤᬤᬸᬯ”᭟​

ᬕᭂᬮᬶᬲᬂ ᬲᬢ᭄ᬯ ᬳᬾᬗ᭄ᬕᬮ᭄᭞​ ᬫᬚᬮᬦ᭄ᬓᭀᬦᬾ ᬳᬚᬓ ᬤᬤ᭄ᬯ ᬗ᭄ᬮᬶᬯᬢᬶᬦ᭄ᬢᬸᬓᬤ᭄ᬘᭂᬂᬘᭂᬗᬾ᭞​ ᬳᬶ ᬮᬸᬢᬸᬂ ᬫᬕᬦ᭄ᬤᭀᬂ ᬤᬶᬢᬸᬦ᭄ᬤᬸᬦ᭄ ᬳᬶᬓᭂᬓᬸᬯᬦᬾ᭟​ ᬗᭂᬲᬶᬃ ᬧᭂᬚᬮᬦᬾ ᬳᬶᬓᭂᬓᬸᬯ ᬦᬸᬢ᭄ᬬᬾᬄ᭞ ᬯᬶᬋᬄ ᬳᬶᬬ ᬤᬸᬯᭂᬕ᭄ ᬗ᭄ᬮᬗᬶ᭟ ​ᬳᬶᬮᬸᬢᬸᬂ ᬲᬫ᭄ᬩᬶᬮᬗ ᬓᭂᬚᭂᬗᬢ᭄ ​ᬓᭂᬚᭂᬗᬶᬢ᭄ᬦᭂᬕᬓ᭄ᬤᬶᬢᬸᬦ᭄ᬤᬸᬦ᭄ᬳᬶ ᬓᭂᬓᬸᬯᬦᬾ᭟ ​ᬳᬾᬗ᭄ᬕᬮ᭄ᬓᭀᬦᬾ ᬗᬦ᭄ᬢᭂᬕ᭄ᬤᬶᬲᬶᬲᬶᬦ᭄ᬢᬸᬓᬤᬾ᭞​ ᬮᬦ᭄ᬢᬲ᭄ᬩᬋᬂ ᬫᬚᬮᬦ᭄᭞​ ᬢᬸᬃ ᬲᬕᬾᬢ᭄ᬗᭂᬦᬄ ᬳᬤ ᬧᭀᬦ᭄ᬤᭀᬓ᭄᭟​ ᬧᭀᬦ᭄ᬤᭀᬓᬾ ᬳᭂᬦ᭄ᬢᭀ ᬕᭂᬮᬄ ᬳᬶ ᬓᬓᬶ ᬧᭂᬭᭀᬤᭀᬂ ᬤᬶᬢᬸ ᬮᬦ᭄ᬢᬲ᭄​ ᬳᬶᬮᬸᬢᬸᬂ ᬢᭀᬮᬄ ​ᬢᭀᬮᬶᬄ ᬗᬶᬯᬲᬂ ᬳᬶ ᬓᬓᬶ ᬧᭂᬭᭀᬤᭀᬂ᭟ ᬓᭂᬓᬤᬾᬦ᭄ ​ᬳᬶᬮᬸᬢᬸᬂ ᬧᭀᬦ᭄ᬤᭀᬓᬾ ᬲᬹᬂ᭞ ᬗᬾᬗ᭄ᬕᬮᬂ ᬳᬶᬬ ᬫᭂᬦᬾᬓ᭄ᬧᬸᬜᬦ᭄ᬩᬶᬬᬸ ᬳᬦᬾ ᬲᭂᬤᭂᬂ ᬫᬩᬸᬯᬄ ᬦᬲᬓ᭄᭟ ᬳᬶ ᬓᭂᬓᬸᬯ ᬗᬦ᭄ᬢᭀᬲᬂ ᬤᬶᬩᭀᬂᬓᭀᬮ᭄ᬧᬸᬜᬦ᭄ᬩᬶᬬᬸᬦᬾ᭟ ​ ᬕᭂᬮᬶᬲᬂ ᬲᬢ᭄ᬯ ᬳᬶ ᬮᬸᬢᬸᬂ ᬗᬾᬫ᭄ᬧᭀᬓ᭄ᬩᬶᬬᬸ ᬲᬦᬾ ᬦᬲᬓ᭄ᬤᬸᬯᬂ ᬩᬸᬮᬶᬄ᭞ ​ᬢᬸᬃ ᬧᭂᬮᬸᬢ ᬳᬫᬳ ᬫᬓ ᬤᬤ᭄ᬯ᭟ ​ᬳᬶ ᬓᭂᬓᬸᬯ ᬩᬵᬗ ᬓᬸᬮᬶᬢ᭄ᬦᬾ ᬤᭀᬕᬾᬦ᭄᭟​ ᬫᬓᭂᬮᭀ​ ᬓᭂᬮᭀ ᬳᬶ ᬓᭂᬓᬸᬯ ᬕᭂᬤᭂᬕ᭄ᬲᬯᬶᬭᬾᬄ ᬳᬶ ᬮᬸᬢᬸᬂ ᬢᬸᬲᬶᬂ ᬲᬢᬶᬦᬸᬢ᭄ᬢᭂᬓᬾᬦ᭄ᬚᬜ᭄ᬚᬶ᭟​ ᬚᭂᬕ᭄ᬳᬶᬬ ᬧ᭄ᬭᬕᬢ᭄ᬫᬵᬦ᭄ᬓᬸᬮᬶᬢ᭄ᬩᬶᬬᬸᬦᬾ ᬤᭀᬕᬾᬦ᭄᭟​ ᬲᭂᬤᭂᬂ ᬳᬶᬢᭂᬳ ᬳᬶ ᬮᬸᬢᬸᬂ ᬗᬫᬄ ᬩᬶᬬᬸ᭞​ ᬮᬦ᭄ᬢᬲ᭄ᬢᭂᬓ ᬳᬶ ᬓᬓᬶ ᬧᭂᬭᭀᬤᭀᬂ ᬗᬩ ᬢᬸᬫ᭄ᬩᬓ᭄ᬮᬜᬶᬂ ᬢᬸᬃ ᬗᭀᬫᭀᬂ᭞​

”ᬩᬄ᭞​ ᬦᬾ ᬳᬶ ᬮᬸᬢᬸᬂ ᬗᬫᬄ ᬩᬶᬬᬸᬦᬾ᭞ ​ᬚᬦᬶ ᬮᬓᬃ ᬫᬢᬶᬬᬂ​”᭟​

ᬳᬶ ᬓᭂᬓᬸᬯ ᬫᭂᬂᬓᭂᬩ᭄ᬤᬶᬩᭂᬢᬾᬦ᭄ᬧᬸᬜᬦ᭄ᬩᬶᬬᬸᬦᬾ᭞​ ᬓᬓᬶ ᬧᭂᬭᭀᬤᭀᬂ ᬫᬚᬮᬦ᭄ᬳᬤᬾᬂ ​ᬳᬤᬾᬂ ᬗᬶᬦ᭄ᬢᬶᬧ᭄ᬳᬶᬮᬸᬢᬸᬂ᭟ ​ᬳᬶ ᬮᬸᬢᬸᬂ ᬓᬮᬶᬯᬢ᭄ᬤᭂᬫᭂᬦ᭄ᬓᭂᬦᭂᬳ᭄ᬦᬾ ᬗᬫᬄ ᬩᬶᬬᬸ ᬦᬲᬓ᭄᭞​ ᬢᬸᬲᬶᬂ ᬢᬳᬸ ᬢᭂᬓᬾᬦ᭄ᬓᭂᬢᭂᬓᬦ᭄ᬩᬬ᭞ ​ᬳᬶᬢᭂᬄ ᬗᬫᬄ ᬩᬶᬬᬸ ᬦᬲᬓ᭄ᬤᬶᬧᬸᬜ᭟​ ᬲᭂᬤᭂᬂ ᬳᬶᬢᭂᬳ ᬳᬶ ᬮᬸᬢᬸᬂ ᬗᬫᬄ ᬩᬶᬬᬸ ᬮᬦ᭄ᬢᬲ᭄ᬓᬢᬸᬫ᭄ᬩᬓ᭄ᬩᬵᬦ᭄​ ᬳᬶ ᬓᬓᬶ ᬧᭂᬭᭀᬤᭀᬂ ᬩᭂᬦᭂᬂ ᬮᬫ᭄ᬩᬸᬗ᭄ᬦᬾ᭟​ ᬳᬶ ᬮᬸᬢᬸᬂ ᬫᬕ᭄ᬮᭂᬩᬸᬕ᭄ᬳᬸᬮᬸᬂ ᬓᬢᬦᬳᬾ ᬮᬦ᭄ᬢᬲ᭄ᬫᬢᬶ᭟​ ᬩᬗ᭄ᬓᬾᬦ᭄ ​ᬳᬶ ᬮᬸᬢᬸᬂ ᬢᬤ᭄ᬢᬤ ᬓᬧᭀᬦ᭄ᬤᭀᬓ᭄ᬦᬾ ᬩᬵᬦ᭄​ ᬳᬶ ᬓᬓᬶ ᬧᭂᬭᭀᬤᭀᬂ᭟​ ᬓᬾᬢᭀ ᬲᬸᬩ ᬳᬸᬧᬄ ᬳᬦᬓᬾ ᬤᭂᬫᭂᬦ᭄ᬫᬫᬮᬶᬂ ᬢᬸᬃ ᬤᭂᬫᭂᬦ᭄ᬗᬸᬮᬸᬓ᭄ ᬗᬸᬮᬸᬓ᭄ᬢᬶᬫ᭄ᬧᬮ᭄᭟

---

Pesan dari cerita pendek i lutung teken i kekua

Ini adalah, ¹perbuatan mencuri adalah perbuatan tidak benar dan bisa berisiko kematian. ²Perbuatan membohongi teman, itu akan mengurangi kepercayaan sahabatku, yang bisa saja mereka balas dengan tidak memperdulikan dirimu.

Selamat belajar membaca satua bali yang menggunakan aksara Bali.