Satua Bali Kambing takutin Macan

tutlencBlog - Mari mesatua bali lagi adik-adik. kali ini kita mesatua satua bali bawak saja.

Satua bali Kambing takutin Macan

satua ini mengisahkaan seekor harimau yang ketakutan melihat kambing, karena dia tidak tahu kambing itu binatang apa, karena penampilannya menyeramkan I Macan menjadi takut dan kalang kabut, Dikisahkan juga ada seekor monyet yang mengompori macan agar memangsa si Kambing, namun sayang, pada akhir kisahnya I Macan dan I Bojog mati karena ketakutan Si Macan.

Satua Kambing takutin Macan

---

Kambing takutin Macan

Ada katuturang satua I Kambing madan Ni Mesaba. Sedek dina anu makeneh ia maleluasan ke alase ngalih amah. Setondene majalan, ia morahan teken pianakne kene, "Duh pianak meme I Dewa cening, ne jani jumah I Dewa apang melah, meme luas ka gunung alas ngulurin keneh ngalih  pangan kinum sane jaan jaan. Krana ane malu ada sesangin meme lakar ngulurin keneh ngalih don-donan muah padang gadang ane lumbung-lumbung ke alase wayah". Sumaur pianakne ane madan Ni Wingsali, "Yen keto, tiang lakar bareng ka alase".

Kacritayang jani sang kalih suba majalan ka alase. Suba joh pajalane masusupan ka tengah alase, kaliwat kendel kenehne ngamah don ane lumbung muah padang gadang, tusing pesan inget keneh keweh. Saget tingalina ajak I Macan. Kewala ngon keneh I Macan, wireh tumben nepukin buron buka keto ditengah alase, "Ih ento buron apa sujatine, matanduk, awakne poleng, tumben pesan I dewek ngatonang buron buka kene". keto kaengane I Macan.

Suba lantas keto paekina I Kambing, sasubane paek, nyerit I Macan ulian takutne. Kene Munyine I Macan, "Ih buron apa saja iba, bani malelincahan ka alase ne mirib iba tusing nawang indik alase ene, sekancan burone katitah baan kai". Mesaut Ni Mesaba sada ninjak, bulune kajeringin, matane nelik, tandukne kaungsiang teken I Macan sambilanga ngomong, "Ih cai Macan, cai tusing nawang awake, yen baan Macan paingonan papat telah baan kai ngamatiang acepok, tur kaamah kanti dekdek remuk, ditu lantas awake kaine pesu api nyidayang ngeseng alase ene, ne iwasin tanduk kaine gede buin lantang, nyen kaden cai malinggih dini? Apang cai nawang Ida Sang Hyang Tiga tuah malinggih dini, tusing taen matinggal, da... da... pesan cai bani ngelawan awake, sinah cai lakar mati". Makecos metangkis I Kambing ngawe gedug egar tangkahne I Macan, laut I Macan ngengseh malaib patikaplug palaibne. Dening I Macan kaliwat takut ada lantas Bojog matakon. "Eh Macan nguda beli malaib?" Ningeh munyin I Bojoge ngae takut tur jejeh kenehne I Macan, kadena I Kambing ane nutugin.

Kanti suba joh palaibne I Macan, lantas nepuk I Bojog selem, ditu lantas I macan nyatua indik buron ane tepukina di alase. Saget suba suud I Macan nyatua I Bojog lantas ngomong kene, "Beh Macan beli sajan Macan, adi nyak beli percaya teken omongane I Buron ento, ia sing ja tuara len I Kambing wantah buron sane becik tadah beli, lan jani alih I kambing ka alase". Sawireh keto munyin I Bojog lantas guguna baan I Macan.

Kacrita suba reko sangkalih majalan, nglilitang ikuh tur matali di bangkiang, teked arepane Ni Mesaba, tepukina sedek ia ngilag padang ajaka panakne. Mara tepuk I Macan teka, Ni Wingsali lantas jejeh malaib ngajakin memene magedi apang tusing sarap ajak macan.

Nanging Ni Mesaba dueg, sing ja jejeh ia teken I Macan, orahina panakne ngoyong, tur mengkeb di punyan kayune gede. Lantas paekina I Macan lan I Bojog masebeng egar tur mamunyi, "Duh cai teka Bojog, tui tuah cai tuah inget pesan teken pasubayane ane malu, dugas caine kalah matoh-tohan marep teken mbok, cai masanggup ngerahang macan patpat, ane jani cai ngaba macan mara aukud. Enggalang aba mai, lakar caplok, suba makelo embok ngidam mabudi ngamah macan, mai... mai... enggalang!

Mara keto munyine Ni Mesaba sarwi miringang liatne I Macan, reko kesiabne I macan, sinambi mapineh, "Aduh, idewek bayahanga utang ko baan I Bojog".

Kala ento I Macan makecos ngengseh malaib tan patolihan pati purug-purugin laut ulung ka jurange nepen batu, dekdek remuk tenggekne. Pamuput mati makadadua I Bojog lan I Macan

---

Satu Bali Kambing takutin Macan versi Aksara Bali

---

᭚ ᬓᬫ᭄ᬩᬶᬂᬢᬓᬸᬢᬶᬦ᭄ᬫᬘᬦ᭄᭟

ᬳᬤᬓᬢᬸᬢᬸᬭᬂᬲᬢ᭄ᬯᬳᬶᬓᬫ᭄ᬩᬶᬂᬫᬤᬦ᭄ᬦᬶᬫᭂᬲᬩ᭟ ​ᬲᭂᬤᭂᬓ᭄ᬤᬶᬦᬳᬦᬸᬫᬓᭂᬦᭂᬄᬳᬶᬬ ᬫᬍᬮᬸᬯᬲᬦ᭄ᬓᬳᬮᬲᬾᬗᬮᬶᬄᬳᬫᬄ᭟​ ᬲᭂᬢᭀᬦ᭄ᬤᬾᬦᬾᬫᬚᬮᬦ᭄᭞​ ᬳᬶᬬᬫᭀᬭᬳᬦ᭄ᬢᭂᬓᬾᬦ᭄ᬧ᭄ᬬᬦᬓ᭄ᬦᬾᬓᬾᬦᬾ᭞​​ "ᬤᬸᬄᬧ᭄ᬬᬦᬓ᭄ᬫᬾᬫᬾᬳᬶᬤᬾᬯᬘᭂᬦᬶᬂ᭞​ ᬦᬾᬚᬦᬶᬚᬸᬫᬄᬳᬶᬤᬾᬯᬳᬧᬂᬫᭂᬮᬄ᭞​ ᬫᬾᬫᬾᬮᬸᬯᬲ᭄ᬓᬕᬸᬦᬸᬂᬳᬮᬲ᭄ᬗᬸᬮᬸᬭᬶᬦ᭄ᬓᭂᬦᭂᬄ ᬗᬮᬶᬄᬧᬗᬦ᭄ᬓᬶᬦᬸᬫ᭄ᬲᬦᬾᬚᬵᬦ᭄ᬚᬵᬦ᭄᭟​ ᬓ᭄ᬭᬡᬳᬦᬾᬫᬮᬸᬳᬤᬲᭂᬲᬗᬶᬦ᭄ᬫᬾᬫᬾ ᬮᬓᬃᬗᬸᬮᬸᬭᬶᬦ᭄ᬓᭂᬦᭂᬄᬗᬮᬶᬄᬤᭀᬦ᭄ᬤᭀᬦᬦ᭄ᬫᬸᬯᬄ ᬧᬤᬂᬕᬤᬂᬳᬦᭂᬮᬸᬫ᭄ᬩᬸᬂ​ᬮᬸᬫ᭄ᬩᬸᬂᬓᬳᬮᬲᬾᬯᬬᬄ​᭟" ​ᬲᬸᬫᬯᬸᬃᬧ᭄ᬬᬦᬓ᭄ᬦᬾᬳᬦᬾᬫᬤᬦ᭄ᬦᬶᬯᬶᬗ᭄ᬲᬮᬶ᭞ ​​"ᬬᬾᬦ᭄ᬓᬾᬢᭀ᭞​ ᬢᬶᬬᬂᬮᬓᬃᬩᬋᬂᬓᬳᬮᬲᬾ​᭟"

ᬓᬘ᭄ᬭᬶᬢᬬᬂᬚᬦᬶᬲᬂᬓᬮᬶᬄ ᬲᬸᬩᬫᬚᬮᬦ᭄ᬓᬳᬮᬲᬾ᭟​ ᬲᬸᬩᬚᭀᬄᬧᬚᬮᬦᬾ ᬫᬲᬸᬲᬸᬧᬦ᭄ᬓᬢᭂᬗᬄᬳᬮᬲᬾ᭞​ ᬓᬮᬶᬯᬢ᭄ᬓᭂᬦ᭄ᬤᭂᬮ᭄ᬓᭂᬦᭂᬳ᭄ᬦᬾᬗᬫᬄ ᬤᭀᬦ᭄ᬳᬦᭂᬮᬸᬫ᭄ᬩᬸᬂᬫᬸᬯᬄᬧᬤᬂᬕᬤᬂ᭞​ ᬢᬸᬲᬶᬂᬧᭂᬲᬦ᭄ᬳᬶᬗᭂᬢ᭄ᬓᭂᬦᭂᬄᬓᬾᬯᭂᬄ᭟​ ᬲᬕᭂᬢ᭄ᬢᬶᬗᬮᬶᬦᬳᬚᬓ᭄ᬳᬶᬫᬘᬦ᭄᭟ ​ᬓᬾᬯᬮᬗᭀᬦ᭄ᬓᭂᬦᭂᬄᬳᬶᬫᬘᬦ᭄᭞​ ᬯᬶᬭᬾᬄᬢᬸᬫ᭄ᬩᬾᬦ᭄ᬦᭂᬧᬸᬓᬶᬦ᭄ᬩᬸᬭᭀᬦ᭄ᬩᬸᬓ ᬓᬾᬢᭀᬤᬶᬢᭂᬗᬄᬳᬮᬲᬾ᭞ "​​ᬳᬶᬄᬳᭂᬦ᭄ᬢᭀᬩᬸᬭᭀᬦ᭄ᬳᬧᬰᬸᬚᬵᬢᬶᬦᬾ᭞​ ᬫᬢᬦ᭄ᬤᬸᬓ᭄᭞ ​ᬳᬯᬓ᭄ᬦᬾᬧᭀᬮᬾᬂ᭞​ ᬢᬸᬫ᭄ᬩᬾᬦ᭄ᬧᭂᬲᬦ᭄ᬳᬶᬤᬾᬯᬾᬓ᭄ᬗᬢᭀᬦᬂ ᬩᬸᬭᭀᬦ᭄ᬩᬸᬓᬓᬾᬦᬾ​"᭟​ ᬓᬾᬢᭀᬓᬳᭂᬗᬦᬾᬳᬶᬫᬘᬦ᭄᭟​

ᬲᬸᬩᬮᬦ᭄ᬢᬲ᭄ᬓᬾᬢᭀᬧᬳᭂᬓᬶᬦᬳᬶᬓᬫ᭄ᬩᬶᬂ᭞​ ᬲᬲᬸᬩᬦᬾᬧᬳᭂᬓ᭄᭞ ​ᬜᭂᬭᬶᬢ᭄ᬳᬶᬫᬘᬦ᭄ᬳᬸᬮᬶᬬᬦ᭄ᬢᬓᬸᬢ᭄ᬦᬾ᭟​ ᬓᬾᬦᬾᬫᬸᬜᬶᬦᬾᬳᬶᬫᬘᬦ᭄᭞​​ "ᬳᬶᬄᬩᬸᬭᭀᬦ᭄ᬳᬧᬲᬚᬳᬶᬩ᭞​ ᬩᬦᬶᬫᬍᬮᬶᬜ᭄ᬘᬳᬦ᭄ᬓᬳᬮᬲᬾᬦᬾ ᬫᬶᬭᬶᬩ᭄ᬳᬶᬩᬢᬸᬲᬶᬂᬦᬯᬂᬳᬶᬦ᭄ᬤᬶᬓ᭄ᬳᬮᬲᬾᬳᭂᬦᬾ᭞​ ᬲᭂᬓᬜ᭄ᬘᬦ᭄ᬩᬸᬭᭀᬦᬾᬓᬢᬶᬢᬄᬩᬵᬦ᭄ᬓᬳᬶ​"᭟​ ᬫᭂᬲᬳᬸᬢ᭄ᬦᬶᬫᭂᬲᬩᬲᬤᬦᬶᬜ᭄ᬚᬓ᭄᭞​ ᬩᬸᬮᬸᬦᬾᬓᬚᭂᬭᬶᬗᬶᬦ᭄᭞​ ᬫᬢᬦᬾᬦᭂᬮᬶᬓ᭄᭞​ ᬢᬦ᭄ᬤᬸᬓ᭄ᬦᬾᬓᬳᬸᬂᬲ᭄ᬬᬂᬢᭂᬓᬾᬦ᭄ᬳᬶ ᬫᬘᬦ᭄ᬲᬫ᭄ᬩᬶᬮᬗᬗᭀᬫᭀᬂ᭞​​ "ᬳᬶᬄᬘᬳᬶᬫᬘᬦ᭄᭞​ ᬘᬳᬶᬢᬸᬲᬶᬂᬦᬯᬂᬳᬯᬓᬾ᭞​ ᬬᬾᬦ᭄ᬩᬵᬦ᭄ᬫᬘᬦ᭄ᬧᬳᬶᬗᭀᬦᬦ᭄ᬧᬧᬢ᭄ᬢᭂᬮᬄ ᬩᬵᬦ᭄ᬓᬳᬶᬗᬫᬢᬶᬬᬂᬳᬘᭂᬧᭀᬓ᭄᭞​ ᬢᬸᬃᬓᬵᬫᬄᬓᬦ᭄ᬢᬶᬤᭂᬓ᭄ᬤᭂᬓ᭄ᬋᬫᬸᬓ᭄᭞​ ᬤᬶᬢᬸᬮᬦ᭄ᬢᬲ᭄ᬳᬯᬓᬾᬓᬳᬶᬦᬾᬧᭂᬲᬸᬳᬧᬶ ᬜᬶᬤᬬᬂᬗᭂᬲᭂᬂᬳᬮᬲᬾᬳᭂᬦᬾ᭞​ ᬦᬾᬳᬶᬯᬲᬶᬦ᭄ᬢᬦ᭄ᬤᬸᬓ᭄ᬓᬳᬶᬦᬾᬕᭂᬤᬾᬩᬸᬯᬶᬦ᭄ᬮᬦ᭄ᬢᬂ᭞​ ᬜᬾᬦ᭄ᬓᬤᬾᬦ᭄ᬘᬳᬶᬫᬮᬶᬗ᭄ᬕᬶᬄᬤᬶᬦᬶ᭞​ ᬳᬧᬂᬘᬳᬶᬦᬯᬂᬳᬶᬤᬲᬂᬳ᭄ᬬᬂᬢᬶᬕᬢᬸᬯᬄ ᬫᬮᬶᬗ᭄ᬕᬶᬄᬤᬶᬦᬶ᭞​ ᬢᬸᬲᬶᬂᬢᬳᬾᬦ᭄ᬫᬢᬶᬗ᭄ᬕᬮ᭄᭞​ ᬤ...ᬤ...ᬧᭂᬲᬦ᭄ᬘᬳᬶᬩᬦᬶᬗᭂᬮᬯᬦ᭄ᬳᬯᬓᬾ᭞ ​ᬲᬶᬦᬄᬘᬳᬶᬮᬓᬃᬫᬢᬶ​"᭟​ ᬫᬓᭂᬘᭀᬲ᭄ᬫᭂᬢᬂᬓᬶᬲ᭄ᬳᬶᬓᬫ᭄ᬩᬶᬂ ᬗᬯᬾᬕᭂᬤᬸᬕ᭄ᬳᭂᬕᬃᬢᬂᬓᬳ᭄ᬦᬾᬳᬶᬫᬘᬦ᭄᭞​ ᬮᬳᬸᬢ᭄ᬳᬶᬫᬘᬦ᭄ᬗᭂᬗ᭄ᬲᭂᬄ ᬫᬮᬳᬶᬩ᭄ᬧᬢᬶᬓᬧ᭄ᬮᬸᬕ᭄ᬧᬮᬳᬶᬩ᭄ᬦᬾ᭟​ ᬤᬾᬦᬶᬂᬳᬶᬫᬘᬦ᭄ᬓᬮᬶᬯᬢ᭄ᬢᬓᬸᬢ᭄ᬳᬤ ᬮᬦ᭄ᬢᬲ᭄ᬩᭀᬚᭀᬕ᭄ᬫᬢᬓᭀᬦ᭄᭟​​ "ᬳᬾᬄᬫᬘᬦ᭄ᬗᬸᬤᬩᭂᬮᬶᬫᬮᬳᬶᬩ᭄"᭟​​ᬦᬶᬗᭂᬄᬫᬸᬜᬶᬦ᭄ᬳᬶᬩᭀᬚᭀᬕᬾᬗᬳᬾ ᬢᬓᬸᬢ᭄ᬢᬸᬃᬚᭂᬚᭂᬄᬓᭂᬦᭂᬳ᭄ᬦᬾᬳᬶᬫᬘᬦ᭄᭞​ ᬓᬤᬾᬦᬳᬶᬓᬫ᭄ᬩᬶᬂᬳᬦᬾᬦᬸᬢᬸᬕᬶᬦ᭄᭟​ 

ᬓᬦ᭄ᬢᬶᬲᬸᬩᬚᭀᬄᬧᬮᬳᬶᬩ᭄ᬦᬾᬳᬶᬫᬘᬦ᭄᭞​ ᬮᬦ᭄ᬢᬲ᭄ᬦᭂᬧᬸᬓ᭄ᬳᬶᬩᭀᬚᭀᬕ᭄ᬲᭂᬍᬫ᭄᭞​ ᬤᬶᬢᬸᬮᬦ᭄ᬢᬲ᭄ᬳᬶᬫᬘᬦ᭄ᬜᬢ᭄ᬯᬳᬶᬦ᭄ᬤᬶᬓ᭄ᬩᬸᬭᭀᬦ᭄ᬳᬦᬾ ᬢᭂᬧᬸᬓᬶᬦᬤᬶᬳᬮᬲᬾ᭟​ ᬲᬕᬾᬢ᭄ᬲᬸᬩᬲᬸᬯᬸᬤ᭄ᬳᬶᬫᬘᬦ᭄ᬜᬢ᭄ᬯ ᬳᬶᬩᭀᬚᭀᬕ᭄ᬮᬦ᭄ᬢᬲ᭄ᬗᭀᬫᭀᬂᬓᬾᬦᬾ᭞ "​​ᬩᬾᬄᬫᬘᬦ᭄ᬩᭂᬮᬶᬲᬚᬦ᭄ᬫᬘᬦ᭄᭞​ᬳᬤᬶᬜᬓ᭄ᬩᭂᬮᬶᬧᭂᬃᬘᬬ ᬢᭂᬓᬾᬦ᭄ᬳᭀᬫᭀᬗᬦᬾᬳᬶᬩᬸᬭᭀᬦ᭄ᬳᭂᬦ᭄ᬢᭀ᭞​ ᬳᬶᬬᬲᬶᬂᬚᬢᬸᬯᬭᬍᬦ᭄ᬳᬶᬓᬫ᭄ᬩᬶᬂᬯᬦ᭄ᬢᬄ ᬩᬸᬭᭀᬦ᭄ᬲᬦᬾᬩᭂᬘᬶᬓ᭄ᬢᬤᬄᬩᭂᬮᬶ᭞ ​ᬮᬦ᭄ᬚᬦᬶᬳᬮᬶᬄᬳᬶᬓᬫ᭄ᬩᬶᬂᬓᬳᬮᬲᬾ​᭟"​ ᬲᬯᬶᬭᬾᬄᬓᬾᬢᭀᬫᬸᬜᬶᬦ᭄ᬳᬶᬩ ᭀᬚᭀᬕ᭄ᬮᬦ᭄ᬢᬲ᭄ᬕᬸᬕᬸᬦᬩᬵᬦ᭄ᬳᬶᬫᬘᬦ᭄᭟​

ᬓᬘ᭄ᬭᬶᬢᬲᬸᬩᬋᬓᭀᬲᬂᬓᬮᬶᬄᬫᬚᬮᬦ᭄᭞​ ᬗ᭄ᬮᬶᬮᬶᬢᬂᬳᬶᬓᬸᬄᬢᬸᬃᬫᬢᬮᬶᬤᬶᬩᬗ᭄ᬓ᭄ᬬᬂ᭞​ ᬢᭂᬓᭂᬤ᭄ᬳᬋᬧᬦᬾᬦᬶᬫᭂᬲᬩ᭞​ ᬢᭂᬧᬸᬓᬶᬦᬲᭂᬤᭂᬓ᭄ᬳᬶᬬᬗᬶᬮᬕ᭄ᬧᬤᬂ ᬳᬚᬓᬧᬦᬓ᭄ᬦᬾ᭟ ​ᬫᬭᬢᭂᬧᬸᬓ᭄ᬳᬶᬫᬘᬦ᭄ᬢᭂᬓ᭞​ ᬦᬶᬯᬶᬂᬲᬮᬶᬮᬦ᭄ᬢᬲ᭄ᬚᭂᬚᭂᬄᬫᬮᬳᬶᬩ᭄ᬗᬚᬓᬶᬦ᭄ᬫᬾᬫᬾᬦᬾ ᬫᬕᭂᬤᬶᬳᬧᬂᬢᬸᬲᬶᬂᬲᬭᬧ᭄ᬳᬚᬓ᭄ᬫᬘᬦ᭄᭟​ 

ᬦᬗᬶᬂᬦᬶᬫᭂᬲᬩᬤᬸᬯᭂᬕ᭄᭞ ​ᬲᬶᬂᬚᬚᭂᬚᭂᬄᬳᬶᬬᬢᭂᬓᬾᬦ᭄ᬳᬶᬫᬘᬦ᭄᭞​ ᬳᭀᬭᬳᬶᬦᬧᬦᬓ᭄ᬦᬾᬗᭀᬬᭀᬂ᭞​ ᬢᬸᬃᬫᭂᬂᬓᭂᬩ᭄ᬤᬶᬧᬸᬜᬦ᭄ᬓᬬᬸᬦᬾᬕᭂᬤᬾ᭟ ​ᬮᬦ᭄ᬢᬲ᭄ᬧᬳᭂᬓᬶᬦᬳᬶᬫᬘᬦ᭄ᬮᬦ᭄ᬳᬶ ᬩᭀᬚᭀᬕ᭄ᬫᬲᭂᬩᭂᬂᬳᬾᬕᬃᬢᬸᬃᬫᬫᬸᬜᬶ᭞​​ "ᬤᬸᬄᬘᬳᬶᬢᭂᬓᬩᭀᬚᭀᬕ᭄᭞​ ᬢᬸᬯᬶᬢᬸᬯᬄᬘᬳᬶᬢᬸᬯᬄ ᬳᬶᬗᭂᬢ᭄ᬧᭂᬲᬦ᭄ᬢᭂᬓᬾᬦ᭄ᬧᬲᬸᬩᬬᬦᬾ ᬳᬦᬾᬫᬮᬸ᭞​ ᬤᬸᬕᬲ᭄ᬘᬳᬶᬦᬾᬓᬮᬄᬫᬢᭀᬄ ᬢᭀᬳᬦ᭄ᬫᬋᬧ᭄ᬢᭂᬓᬾᬦ᭄ᬳᭂᬫ᭄ᬩᭀᬓ᭄᭞ ​ᬘᬳᬶᬫᬲᬗ᭄ᬕᬸᬧ᭄ᬗᭂᬭᬳᬂᬫᬘᬦ᭄ᬧᬢ᭄ᬧᬢ᭄᭞​ ᬳᬦᬾᬚᬦᬶᬘᬳᬶᬗᬩᬫᬘᬦ᭄ᬫᬭᬳᬳᬸᬓᬸᬤ᭄᭟ ​ᬳᬾᬗ᭄ᬕᬮᬂ... ᬳᬩᬫᬳᬶ...᭞​ᬮᬓᬃᬘᬧ᭄ᬮᭀᬓ᭄᭞​ ᬲᬸᬩᬫᬓᭂᬮᭀᬳᭂᬫ᭄ᬩᭀᬓ᭄ᬗᬶᬤᬫ᭄ᬫᬩᬸᬤᬶᬗᬫᬄᬫᬘᬦ᭄᭞​ ᬫᬳᬶ...ᬫᬳᬶ...ᬳᬾᬗ᭄ᬕᬮᬂ᭟"​

ᬫᬭᬓᬾᬢᭀᬫᬸᬜᬶᬦᬾᬦᬶᬫᭂᬲᬩᬲᬃᬯᬶ ᬫᬶᬭᬶᬗᬂᬮᬶᬬᬢ᭄ᬦᬾᬳᬶᬫᬘᬦ᭄᭞ ​ᬋᬓᭀᬓᭂᬲᬶᬬᬩ᭄ᬦᬾᬳᬶᬫᬘᬦ᭄᭞​ ᬲᬶᬦᬫ᭄ᬩᬶᬫᬧᬶᬦᭂᬄ᭞​​ "ᬳᬤᬸᬄ᭞​ᬳᬶᬤᬾᬯᬾᬓ᭄ᬩᬬᬳᬗᬳᬸᬢᬂ ᬓᭀᬩᬵᬦ᭄ᬳᬶᬩᭀᬚᭀᬕ᭄​᭟​" ᬓᬮᬳᭂᬦ᭄ᬢᭀᬳᬶᬫᬘᬦ᭄ᬫᬓᭂᬘᭀᬲ᭄ᬗᭂᬗ᭄ᬲᭂᬄ ᬫᬮᬳᬶᬩ᭄ᬢᬦ᭄ᬧᬢᭀᬮᬶᬳᬦ᭄ᬧᬢᬶ ᬧᬸᬭᬸᬕ᭄ᬧᬸᬭᬸᬕᬶᬦ᭄ᬮᬳᬸᬢ᭄ᬳᬸᬮᬸᬂᬓᬚᬸᬭᬗᬾᬳᭂᬦᭂᬧᬾᬦ᭄ᬩᬢᬸ᭞​ ᬤᭂᬓ᭄ᬤᭂᬓ᭄ᬋᬫᬸᬓ᭄ᬢᭂᬗ᭄ᬕᭂᬓ᭄ᬦᬾ᭟​ ᬧᬫᬸᬧᬸᬢ᭄ᬫᬢᬶᬫᬓᬤᬤ᭄ᬯᬳᬶ ᬩᭀᬚᭀᬕ᭄ᬮᬦ᭄ᬳᬶᬫᬘᬦ᭄᭟​᭐᭟

---

Makna yang terkandung dalam Satua Kambing takutin Macan

1. Ketika berhadapan dengan bahaya, jangan takut dulu, tapi gunakan akal untuk berusaha mengatasi bahayanya. Karena takut tidak membuat bahaya itu menghilang, tapi dengan mencari ide, peluang untuk keluar dari bahaya kemungkinan ada.
2. Manfaatkan kebodohan musuh untuk megalahkannya, jangan pandang besarnya fisik.
3. Gunakan keunikan dalam diri kita untuk memenangkan sebuah kompetisi untuk tetap bertahan hidup.
4. Ketika si bodoh dan si licik bersatu, cara mengalahkannya adalah, adu domba mereka, seolah kita bekerja sama dengan si licik. karena pada dasarnya orang yang terkenal licik tidak memiliki sehabat sejati, hanya memiliki sahabat kepentingan.