Sang Sutasoma dados caru

wacana sang sutasoma dados caru

kisah singkat sang sutasoma dados caru bahasa Indonesia

Dikisahkan ada seorang raja yang bernama Prabu Purusada membuat janji dengan Batara Kala akan menghaturkan 100 raja. Namun dia baru bisa mengumpulkan 90 saja. Dikisahkan Raja Purusada sudah mengumpulkan, dan menyerahkan ke Batara Kala, namun Batara Kala tidak mau, dia ingin ada Sang Sutasoma di haturkan. 

Singkat cerita Purusada mendatangi negara Sutosoma, dan membuat kehancuran disana, demi agar negerinya tidak hancur sang Sutasoma menyerahkan diri.

Akhirnya Sutasoma diserahkan ke Batara Kala, namun sayang, Sutasoma tidak bisa di makan oleh Batara Kala, yang terjadi malah Batara Kala menjadi tunduk kepada Sutasoma, dan berharap mau menjadi gurunya.

---

sang sutasoma dados caru aksara bali

᭚ ᬲᬂᬲᬸᬢᬲᭀᬫᬤᬤᭀᬲ᭄ᬘᬭᬸ᭟​

ᬯᬾᬦ᭄ᬢᭂᬦ᭄ᬓᬢᬸᬢᬸᬭᬦ᭄ᬲᬂᬧᬸᬭᬸᬱᬵᬤ᭞​ᬧ᭄ᬭᬪᬸᬬᬓ᭄ᬱᬭᬶᬂᬭᬢ᭄ᬦᬓᬦ᭄ᬤ᭟​ᬳᬶᬤᬧ᭄ᬭᬬᬗᬢᬸᬭᬂᬧᬸᬦᬕᬶ ᬭᬶᬂᬳᬶᬤᬪᬝᬵᬭᬓᬵᬮ᭞​ᬳᬦ᭄ᬢᬸᬓ᭄ᬧᬭᬭᬢᬸᬲᬢᬸᬲ᭄ᬤᬶᬭᬶ᭟​ᬓᭀᬘᬧ᭄ᬳᬶᬤᬯᬯᬸᬧᭀᬮᬶᬄᬧᬭᬭᬢᬸᬯᬦ᭄ᬢᬄ ᬲᬶᬬᬤᬰᬤᬶᬭᬶᬦᬶᬓᬗᬯᬶᬦᬂ ᬳᬶᬤᬗ᭄ᬮᬸᬭᬸᬕ᭄ᬚᬕᬢ᭄ᬲᬶᬗ᭄ᬳᬮᬦᬾᬧ᭄ᬭᬬ ᬗᭂᬚᬸᬓ᭄ᬲᬂᬧ᭄ᬭᬪᬸᬚᬬᬯᬶᬓ᭄ᬭᬫ᭟​ᬲᬦ᭄ᬢᬸᬓᬦ᭄ᬳᬶᬤᬲᬂᬧ᭄ᬭᬪᬸᬚᬬᬯᬶᬓ᭄ᬭᬫ ᬓᬮᬶᬦ᭄ᬢᬂᬰᬹᬭᬯᬶᬭᬭᬶᬂᬧᬬᬸᬤ᭄ᬟᬦ᭄᭞​ᬭᬭᬶᬲ᭄ᬬᬸᬤ᭄ᬟᬦᬾᬭᬫᭂᬲ᭄ᬧᬶᬲᬦ᭄ᬓᬤᬶ ᬲᬕᬭᬳᬗᬮᬸᬦ᭄᭞​ᬲ᭄ᬯᬭᬦ᭄ᬓᬸᬤ᭞​ᬕᬚᬄᬮᬦ᭄ᬭᬓ᭄ᬱᬲᬦᬾᬓᬤᬶ ᬳᭀᬫ᭄ᬩᬓᬾᬗᬺᬩᬳᬂᬕᬸᬦᬸᬂ᭟​ᬤ᭄ᬯᬦᬶᬂᬳᬲᬧᬸᬦᬶᬓᬓᬬᬸᬤᬦᬾ᭞​ᬲᬂᬚᬬᬯᬶᬓ᭄ᬭᬫᬭᬭᬶᬲ᭄ᬲᬾᬤ᭞​ᬳᬢ᭄ᬫᬦ᭄ᬳᬶᬤᬦᬾᬗᬸᬗ᭄ᬲᬶᬲ᭄ᬯᬃᬕᬮᭀᬓ᭟​ᬦᬶᬓᬗᬯᬶᬦᬂᬲᬂᬧᬸᬭᬸᬱᬵᬤᬓᬮᬶᬦ᭄ᬢᬂ ᬓᭀᬲᭂᬓᬦ᭄ᬭᬶᬂᬓᬳᬶᬬᬸᬦ᭄᭟​ᬲᬦ᭄ᬢᬸᬓᬦ᭄ᬳᬲᬧᬸᬦᬶᬓᬲᬂᬧᬸᬭᬸᬱᬵᬤ ᬗ᭄ᬮᬸᬭᬸᬕ᭄ᬚᬕᬢ᭄ᬯᬶᬟᬃᬩᬦᬾ᭞​ᬗᬦ᭄ᬢᭀᬲᬂᬲᬂᬧ᭄ᬭᬩᬸᬓᭂᬦᬶᬘᬶᬤᬺ ᬭᬭᬶᬲ᭄ᬓᬩ᭄ᬭᬱ᭄ᬣᬮᬦ᭄ᬓᬓᭂᬩᭂᬭᬂ᭟​

ᬲᬲᬫ᭄ᬧᬸᬦᬾᬚᬗ᭄ᬓᭂᬧ᭄ᬧᭀᬮᬶᬄᬭᬢᬸᬲᬢᬸᬲ᭄ᬤᬶᬭᬶ᭞​ᬳᬶᬭᬶᬓᬲᬂᬧᬸᬭᬸᬱᬵᬤᬯᬳᬸᬗᬢᬸᬭᬂ ᬧᬸᬦᬕᬶᬧᬸᬦᬶᬓᬭᬶᬂᬳᬶᬤᬪᬝᬵᬭᬓᬵᬮ᭟​ᬳᬶᬤᬪᬝᬵᬭᬓᬵᬮᬦᬾᬦ᭄ᬢᭂᬦ᭄ᬦᭂᬭᬶᬫ ᬧᬸᬦᬕᬶᬧᬸᬦᬶᬓᬲᬦ᭄ᬢᬸᬓᬦ᭄ᬦᬾᬦ᭄ᬢᭂᬦ᭄ᬫᬤᬕᬶᬂᬧ᭄ᬭᬪᬸ ᬅᬲ᭄ᬢᬶᬦᬳᬶᬤᬲᬂᬲᬸᬢᬲᭀᬫ᭟​ᬢᬦ᭄ᬲᬸᬯᬾᬲᬂᬧ᭄ᬭᬪᬸᬧᬸᬭᬸᬱᬵᬤᬮᬦ᭄ᬩᬮ ᬯᬤ᭄ᬯᬭᬓ᭄ᬱᬦᬾᬭᬭᬶᬲ᭄​ᬗ᭄ᬮᬸᬭᬸᬕ᭄ᬚᬕᬢ᭄ᬳᬲ᭄ᬢᬶᬦᬦᬾᬧ᭄ᬭᬬᬗᭂᬚᬸᬓ᭄ᬲᬂᬲᬸᬢᬲᭀᬫ᭟​ᬓᭀᬘᬧ᭄ᬲᬂᬲᬸᬢᬲᭀᬫᬤᬸᬓᬾ ᬧᬸᬦᬶᬓᬓᬭᬶᬓᬮᬫᬧᬶᬓᬳ᭄ᬬᬸᬦ᭄ᬦᬩ᭄ᬤᬩᬂ ᬳᬶᬡ᭄ᬟᬶᬓ᭄ᬓᬭᬳᬬᬸᬯᬦ᭄ᬚᬕᬢ᭄᭟​ᬳᬦ᭄ᬢᬸᬓ᭄ᬓᬯᭂᬮᬲ᭄ᬳᬶᬤᬦᬾᬗᬓ᭄ᬱᬶ ᬚᬕᬢ᭄ᬳᬲ᭄ᬢᬶᬦᬦᬾᬓᬭᬸᬲᬓ᭄᭞​ᬳᬶᬤᬫᬓᬳ᭄ᬬᬸᬦ᭄ᬜᭂᬭᬳᬂᬳᬗ᭄ᬕᬫᬗ᭄ᬤ ᬲᬂᬧᬸᬭᬸᬱᬵᬤᬚᬂᬓᭂᬧ᭄ᬦᬳᬸᬃᬧᬸᬦᬕᬶᬢᬸᬃ ᬚᬕᬢ᭄ᬳᬲ᭄ᬢᬶᬦᬦᬾᬧ᭄ᬭᬲᬶᬤ᭄ᬟᬭᬳᬬᬸ᭟​ᬳᬲᬧᬸᬦᬶᬓᬯᬦ᭄ᬢᬄᬓᬟᬃᬫᬦ᭄ᬲᬂ ᬗ᭄ᬮᬓ᭄ᬲᬦᬬᬂᬩᬸᬤ᭄ᬟᬘᬶᬢ᭄ᬢ᭟​ᬧᬢᬹᬢ᭄ᬗᬃᬤᬶᬬᬂᬓᬶᬃᬣᬶᬫᬓᬮᬭᬧᬦ᭄ᬫᬶᬓᭀᬮᬶᬳᬂ ᬧᬫᬃᬕᬶᬦᬶᬜ᭄ᬘᬧᬂᬩᬸᬤ᭄ᬟᬮᭀᬓ᭟​

ᬲᬓᬾᬯᬦ᭄ᬢᭂᬦ᭄ᬧᬭᬢᬡ᭄ᬟᬫᬦ᭄ᬢ᭄ᬭᬶ᭞​ᬩᬳᬸᬤᬡ᭄ᬟ᭞​ᬭᬚᬧᬸᬢ᭄ᬭᬦᬾᬦᬾᬦ᭄ᬢᭂᬦ᭄ᬫᬢᬹᬃᬢᬂᬓ᭄ᬬᬸᬦ᭄ᬲᬂ ᬲᬸᬢᬲᭀᬫᬳᬲᬧᬸᬦᬶᬓ ᬭᬭᬶᬲ᭄ᬲᬕᬺᬳᬦ᭄ᬓᬓᬸᬭᬸᬓ᭄ᬱᬾᬢ᭄ᬭ ᬫᬧᬕᬸᬢ᭄ᬭᬶᬂᬩᬮᬯᬤ᭄ᬯᬭᬓ᭄ᬱᬧᬜ᭄ᬚᬓ᭄ᬲᬂᬧᬸᬭᬸᬱᬵᬤᬦᬾ᭟​ᬬᬸᬤ᭄ᬟᬦᬾᬬᬸᬓ᭄ᬢᬶᬭᬫᭂᬲ᭄᭟​ᬩᬮᬯᬤ᭄ᬯᬲᬂᬧᬸᬭᬸᬱᬵᬤᬦᬾᬮᬶᬮᬶᬄ᭞​ᬳᬓᬾᬄᬲᬦᬾᬓᬧᬤᭂᬫᬂ᭞​ᬫᬓᬤᬶ:ᬧ᭄ᬭᬪᬸᬫᭂᬕᬤᬮᬦ᭄ᬧ᭄ᬭᬩᬸ ᬅᬯᬗ᭄ᬕᬓᬲᬾᬤᬬᬂᬳᬦ᭄ᬢᬸᬓ᭄ᬲᬂᬤᬰᬩᬳᬸ᭟​ᬲᬦ᭄ᬢᬸᬓᬦ᭄ᬳᬲᬧᬸᬦᬶᬓᬲᬂᬧᬸᬭᬸᬱᬵᬤᬓ ᭄ᬭᭀᬤᬭᬭᬶᬲ᭄ᬫᬫᬹᬃᬢᬶ᭞​ᬳᬗ᭄ᬕᬦᬾᬲᬢ᭄ᬲᬢ᭄ᬕᬸᬦᬸᬂᬫᬳᬫᬾᬭᬸ᭞​ᬧ᭄ᬭᬪᬸᬦᬾᬭ᭄ᬯᬗᬢᬸᬲ᭄᭞​ᬩᬳᬸᬦᬾᬭ᭄ᬯᬗᬾᬯᬸ᭞​ᬲᬫᬶᬫᬗᬕᭂᬫ᭄ᬲᬜ᭄ᬚᬢᬩᬚ᭄ᬭ᭞​ᬕᬤ᭞​ᬫᭀᬲᬮ᭞​ᬘᬓ᭄ᬭ᭞​ᬘᬦ᭄ᬤ᭄ᬭᬳᬲᬫᬸᬯᬂᬢ᭄ᬭᬶᬰᬸᬮ᭞​ᬢᬸᬃᬗᬫᭂᬤᬮᬂᬕᭂᬦᬶᬗᬮᬤ᭄ᬗᬮᬤ᭄᭟​ᬩᬮᬯᬤ᭄ᬯᬳᬲ᭄ᬢᬶᬦᬦᬾᬳᬓᬾᬄᬲᬦᬾᬕᭂᬲᭂᬂ᭞​ᬧᭀᬦ᭄ᬤᭀᬓ᭄᭞​ᬢᬭᬸ᭞​ᬢᭂᬕᬮ᭄ᬲᬦᬾᬦᬫ᭄ᬧᭂᬓ᭄ᬭᬶᬂᬓᬸᬭᬸᬓ᭄ᬱᬾᬢ᭄ᬭ ᬲᬫᬶᬕᭂᬲᭂᬂᬢᬦ᭄ᬧᬕᬦ᭄ᬢᬸᬮᬦ᭄᭟​ᬲᬂᬲᬸᬢᬲᭀᬫᬲᬦᬾᬓᬳᬶᬭᬶᬂᬳᬦ᭄ᬢᬸᬓ᭄ᬲᬂᬲᬸᬘᬶᬢ᭄ᬭ ᬧᬶᬦᬓᬲᬭᬣᬶᬗ᭄ᬭᬳᬸᬳᬶᬦ᭄ᬧᬬᬸᬤ᭄ᬟᬦᬾ ᬭᬶᬂᬓᬸᬭᬸᬓ᭄ᬱᬾᬢ᭄ᬭ᭟​

ᬲᬧᬗ᭄ᬭᬳᬸᬄᬭᬶᬂᬓᬸᬭᬸᬓ᭄ᬱᬾᬢ᭄ᬭᬓᬧᬗ᭄ᬕᬶᬄ ᬲᬂᬧᬸᬭᬸᬱᬵᬤᬓᬦ᭄ᬢᬸᬦ᭄ᬫᬫᬹᬃᬢᬶ᭞​ᬳᬗ᭄ᬕᬦᬾᬳᬕᭂᬂᬗᬫᭂᬤᬮᬂᬕᭂᬦᬶᬫᬗᬮᬤ᭄ᬗᬮᬤ᭄᭞​ᬳᬶᬭᬶᬓᬲᬂᬲᬸᬢᬲᭀᬫᬫᬗᬋᬧᬂ᭞​ᬧ᭄ᬭᬫᬗ᭄ᬓᬶᬦ᭄ᬳᬧᬶᬢᭂᬮᬲ᭄ᬤᬤᭀᬲ᭄ᬢᭀᬬ ᬮᬶᬦ᭄ᬢᬂᬢᬶᬲ᭄᭞​ᬲᬫᬶᬲᬦᬾᬧᬤᭂᬫ᭄ᬫᬯᬮᬶᬫᬸᬭᬶᬧ᭄᭞​ᬳᬲᬶᬂᬓᬘᬶᬗᬓ᭄ᬭᬶᬧᬸᬃᬡᬫᬮᬶᬄ᭟​ᬳᬶᬭᬶᬓᬲᬂᬧᬸᬭᬸᬱᬵᬤᬗᬸᬚᬦᬶᬦ᭄ᬲᬂ ᬲᬸᬢᬲᭀᬫᬳᬦ᭄ᬢᬸᬓ᭄ᬧᬦᬄ᭞​ᬦᬗᬶᬂᬲᬫᬶᬲᬜ᭄ᬚᬢᬦᬾᬫᬳᬸᬯᬄ ᬫᬶᬦᬓᬤᬶᬘᬓ᭄ᬭᬤᬤᭀᬲ᭄ᬢᬸᬜ᭄ᬚᬸᬂ᭞​ᬓᬸᬡ᭄ᬝᬤᬤᭀᬲ᭄ᬧᬸᬤᬓ᭄᭞​ᬮᬗ᭄ᬓᬧ᭄ᬤᬤᭀᬲ᭄ᬲᭂᬫᬶᬦᬶᬂᬕᬤᬸᬂ᭞​ᬩᬚ᭄ᬭᬤᬤᭀᬲ᭄ᬫᬲ᭄ᬫᬡᬶᬓ᭄᭞​ᬫᬗ᭄ᬓᬶᬦ᭄ᬳᬶᬤᬲᬂᬧᬸᬭᬸᬱᬵᬤᬲᬵᬫ᭄ᬧᬸᬦ᭄ᬓᭂᬦᬶ ᬅᬤ᭄ᬜᬦᬯᬶᬫᬮᬭᬭᬶᬲ᭄ᬋᬩᬄ ᬢᬦ᭄ᬲᬶᬤ᭄ᬟᬫᬫᬹᬃᬢᬶᬓᬤᬶᬚᬢᬶᬫᬸᬮ᭟​ᬲᬲᬵᬫ᭄ᬧᬸᬦᬾᬲᬂᬧᬸᬭᬸᬱᬵᬤᬓᬲᬸᬲᬸᬧᬦ᭄ᬩᬸᬤ᭄ᬟᬶᬲᬢ᭄ᬯᬫ᭄᭞​ᬅᬗ᭄ᬓᬭᬫᬸᬃᬓᬦ᭄ᬳᬶᬤᬦᬾᬳᬶᬘᬮ᭄ᬭᬭᬶᬲ᭄ᬫᬢᬗᬶ ᬢᬸᬃᬗᭂᬮᬸᬢ᭄ᬲᬸᬓᬸᬦ᭄ᬲᬂᬲᬸᬢᬲᭀᬫ᭞​ᬦᬸᬦᬲ᭄ᬳᬫ᭄ᬧᬸᬭᬫᬶᬯᬄᬦᬾᬦ᭄ᬢᭂᬦ᭄ᬫᬓᬳ᭄ᬬᬸᬦ᭄ᬗᬢᬸᬭᬂ ᬲᬂᬲᬸᬢᬲᭀᬫᬫᬭᬶᬂᬪᬝᬵᬭᬓᬵᬮ᭟​ᬪᬝᬵᬭᬓᬵᬮᬮᬾᬤᬂᬧᬶᬲᬦ᭄ᬭᬭᬶᬲ᭄ᬜᭂᬫ᭄ᬧᬮ᭄ᬲᬂ ᬲᬸᬢᬲᭀᬫᬳᬦ᭄ᬢᬸᬓ᭄ᬲᬜ᭄ᬚᬢ᭞​ᬦᬗ᭄ᬳᬶᬂᬲᬫᬶᬲᬜ᭄ᬚᬢᬦᬾᬢᭂᬦ᭄ᬯᬾᬦ᭄ᬢᭂᬦ᭄ᬫᬶᬦ᭄ᬢᬸᬮᬶᬦ᭄᭞​ᬓ᭄ᬭᭀᬤᬦᬾᬢᬦ᭄ᬲᬶᬧᬶᬭᬭᬶᬲ᭄ᬜᬸᬢᬶ ᬭᬹᬧᬤᬤᭀᬲ᭄ᬦᬕᬅᬕᬸᬂ᭞​ᬗᬸᬦ᭄ᬢᬮ᭄ᬲᬂᬲᬸᬢᬲᭀᬫ᭞​ᬦᬗᬶᬂᬯᬳᬸᬘᭀᬓᭀᬃᬳᬶᬤᬦᬾᬓᭂᬯᬦ᭄ᬢᭂᬦ᭄ᬧ᭄ᬭᬲᬶᬤ᭄ᬟ ᬓᬳᬸᬦ᭄ᬢᬮ᭄ᬲᬵᬫ᭄ᬧᬸᬦ᭄ᬫᬭᬲᬓᬯᬋᬕᬦ᭄᭞​ᬤᬾᬦᬶᬂᬓᬲᬸᬲᬸᬧᬦ᭄ᬫᬦᬄᬰᬸᬘᬶ᭞​ᬮᭀᬪᬅᬗ᭄ᬓᬭᬦᬾ ᬫᬢᬶᬗ᭄ᬕᬮ᭄ᬓᬕᭂᬦ᭄ᬢᭀᬲᬶᬦ᭄ᬳᬦ᭄ᬢᬸᬓ᭄ᬯᭂᬮᬲ᭄ᬳᬲᬶᬄ᭟​ᬲᬂᬲᬸᬢᬲᭀᬫᬭᬭᬶᬲ᭄ᬓᬫᭂᬤᬮᬂ᭞​ᬪᬝᬵᬭᬓᬵᬮᬲᬵᬫ᭄ᬧᬸᬦ᭄ᬓᬤᬶᬚᬢᬶᬫᬸᬮ᭞​ᬭᬭᬶᬲ᭄ᬜᬸᬫ᭄ᬩᬄ᭞​ᬫᬧᬶᬦᬸᬦᬲ᭄ᬫᬕᬸᬭᬸᬭᬶᬂᬲᬂᬲᬸᬢᬲᭀᬫ᭟​

ᬓᬭᬶᬗ᭄ᬓᭂᬲ᭄ᬲᬓᬶᬂ:ᬢᬸᬜ᭄ᬚᬸᬂᬫᭂᬓᬃ

ᬳᭀᬮᬶᬄ:ᬳᬶᬓᭂᬢᬸᬢ᭄​ᬲᬸᬓ᭄ᬭᬢ᭟​

---

sang sutasoma dados caru huruf latin

sang sutasoma dados caru

Wenten katuturan Sang Purusada, Prabu yaksa ring Ratnakanda. Ida praya ngaturang punagi ring Ida Batara kala, antuk para ratu satus diri. Kocap Ida wawu polih para ratu wantah siyadasa (90) diri nika ngawinang ida nglurug jagat Singhalane praya ngejuk Sang Prabu Jaya Wikrama. Santukan Ida Sang Prabu Jayawikrama kalintang surawira ring payudan, raris yudane rames pisan kadi sagara angalun, swaran kuda, gajah lan raksasane kadi ombake ngrebahang gunung. Dwaning asapunika kayudane, Sang Jayawikrama raris seda, atman idane ngungsi Swarga Loka. Nika ngawinang Sang Purusada kalintang kosekan ring kahiun. Santukan asapunika Sang Purusada nglurug jagat Widarbane, ngantosang Sang Prabu keni cidre raris  kabrasta lan kakeberang.

Sasampune jangkep polih ratu satus diri, irika Sang Purusada wau ngaturang punagi punika ring Ida Batara Kala. Ida Batara Kala nenten nerima punagi punika santukan nenten madaging Prabu Astina Ida Sang Sutasoma. Tan suwe Sang Prabu Purusada lan bala wadwaraksane raris nglurug Jagat Astinane praya ngejuk Sang Sutasoma. Kocap Sang Sutasoma duke punika kari kala mapikahiun nabdabang indik karahayuan jagat. Antuk kawelas idane ngaksi jagat Astinane karusak, Ida makahiun nyerahang angga mangda Sang Purusada jangkep naur punagi tur jagat Astinane prasida rahayu. Asapunika wantah kadarman sang nglaksanayang budacita. Patut ngardiang kirti maka larapan mikolihang pamargi nincapang Buda Loka.

Sakewanten Para Tanda Mantri, Baudanda, Raja putrane nenten matur tang kiun Sang Sutasoma asapunika raris sagrehan Kakuruk Setra mapagut ring Bala Wadwaraksa panjak Sang Purusadane. Yudane yukti rames. Bala Wadwa Sang Purusadane lilih, akeh sane kapademang, makadi: Prabu Megada lan Prabu Awangga kasedayang antuk Sang Dasa Bahu. Santukan asapunika Sang Purusada kroda raris mamurti, anggane satsat gunung Maha Meru, Prabu ne rwangatus, bahune rwangewu, sami mangagem sanjata bajra, gada, mosala, cakra, candra asa muwang trisula, tur ngamedalang geni ngalad-ngalad. Balawadwa Astinane akeh sane geseng, pondok, taru, tegal sane nampek ring Kuruksetra sami geseng tan pagantulan. Sang Sutasoma sane kairing antuk Sang Sucitra pinaka sarati ngrauhin payudane ring Kuruksetra.

Sapangrauh ring Kuruksetra kapanggih Sang Purusada kantun mamurti, Anggane ageng  ngamedalang geni mangalad-ngalad, irika Sang Sutasoma mangarepang, pramangkin api telas dados toya lintang tis, sami sane padem mawali murip, asing kacingak ri purna malih. Irika Sang Purusada ngujanin Sang Sutasoma antuk panah, nanging sami sanjane mauwah minakadi cakra dados tunjung, kunta dados pudak, langkap dados semining gadung, bajra dados mas manik, mangkin Ida Sang Purusada sampun keni adnyana wimala raris rebah tan sida mamurti kadi jati mula. Sasampune Sang Purusada kasusupan budi satwam, angkara murkan Idane ical raris matangi tur ngelut sukun Sang Sutasoma, nunas ampura miwah nenten makahiun ngaturang Sang Sutasoma maring Batara Kala. Batara Kala ledang pisan raris nyempal Sang Sutasoma antuk sanjata, nanging sami sanjatane ten wenten mintulin, koradane tan sipi raris nyuti rupa dados Naga Agung, nguntal Sang Sutasoma, nanging wawu cokor idane kewanten prasida kauntal sampun marasa kawaregan, dening kasusupan manah suci, loba angkarane matinggal kagentosin antuk welas asih. Sang Sutasoma raris kamedalang, Batara Kala sampun kadi jati mula, raris nyumbah, mapinunas maguru ring Sang Sutasoma.

Karingkes saking: Tunjung Mekar

Olih: I Ketut Sukrata