Sesonggan Basa Bali
7
tutlencBlog - Berbahasa dan bertutur kata itu ternyata ada kajian ilmunya, bagaimana rangkaian kata tersebut oleh para sarjana sastra dituangkan dalam sebuah hasil penelitian kebahasaan. Dalam kesusastraan bali juga banyak ditemukan jenis pola bertutur kata tersebut. Seni bertutur kata itu dalam bahasa Indonesia disebut Peribahasa. sedangkan dibali lebih dikenal dengan sebutan paribasa bali. Paribasa bali dibagi menjadi 15 jenis atau macam, diantaranya adalah paribasa bali Sesonggan yang akan kita bahas di artikel ini. Ke-15 jenis Paribasa tersebut sudah kita bahas di artikel sebelumnya, dapat kamu baca di Basita Paribasa Bali.
Sesonggan Bahasa Bali dan Artinya
1. Sesonggan Bahasa Indonesianya
Sesonggan sendiri berasal dari kata Sesanggan yang berasal dari urat kata Sangga yang berarti "Tatakin" atau bisa dikatakan diwadahi (yakni makna aslinya tidak langsung diucapkan dengan kata-kata aslinya, namun mengatakan maksud tersebut dengan memilih kata/kalimat penyanding. Atau bisa dibilang bahasa berkulit)
2. Sesonggan teges ipun
Sesonggan inggih punika, mawit saking kruna lingga "sangga" teges ipun "Tatakin" polih pengiring "-an" raris kadwipurwayang dados "sesanggan" sane maarti: "Napi-napi sane keni kasangga". Kruna sane kadwipurwayang punika katah suaran ipun magentos nanging nenten ngobah arti. Saking kruna Sesanggan mauah dadoh Sesonggan. Dadosne kruna sesonggan punika wantah kruna dwipurwa taler kruna tiron. Dadosne arti sesonggan bahasa bali inggih punika "Tatakan (penyangga) kruna (alas kata) sane dados panglengut basa."
note: Apa itu kruna Dwipurwa silahkan dipelajari di Kata Ulang Bahasa Bali
3. Sesonggan pinaka palambang
Sesonggan basa bali punika sekadi palambang kahanan kalih polah janma, sane kaimbangang ring kahanan kalih polah barang wiadin buron. Upami: "Silih-silih kambing" Kambing wantah buron sane madue tingkah tan manut ring dharma, santukan ipun nyilih tandukne i cicing nanging nenten kewaliang. Santukan punika Sesonggan silih-silih kambing punika kaucapang ring ipun sang sane seneng nyelang nangin nenten prasida ngewalian malih. Indike kruna Silih-silih kambing punika kaketus saking Satua I Kambing lan I Cicing.
Contoh Sesonggan Bahasa Bali lengkap dan artinya
| SESONGGAN | SUKSMANNYANE |
| Abias pasih | Nenten keni antuk ngawilangin |
| Ada gula ada semut | Yening sane becik akeh pastika sane ngrauhin |
| Ada kacang ninggal tungguana | Anak alit pastika sekadi meme lan bapane |
| Ada mas slakane tan paguna | Ada ne luungan ne jelek makutang |
| Ada andus ada api | Yening wenten masalah pastika wenten sane ngranayang |
| Aduk sera aji keteng | Sane makarya asiki, sane nampi akibatne sareng sami |
| Angkabin barong somi | Penampilanne keren, nangine sujati nenten misi napi |
| Anyar-anyaran Gerang abangkuk | Ring pengawit anteng, asasih manten sampun tan karinguang |
| Asing nyongkok kadene meju | Setiap wenten sane pesu peteng di kajeng kliwone kadene bisa |
| Awak baduda nagih madain garuda | Awak tiwas dot nandingin anak sane sugih |
| Bapane macan panakne samong | Yening bapane tukang ukir, pianakne bisa taler ngukir |
| Bikase mabuyung sampi | Mapi-mapi kasih tur mawuh, nanging sujatine tan pegat ngamahin |
| Be nantangin talenan | Suba pasti kalah, masih enu nantangin |
| Bebek ajahin nglangi | Ane dueg dibidangne misi ajahin |
| Bedeg gegantungan | Sakadi anake sane makarya, yening iwang pastika kagingsiran |
| Bedug pangorengan | Bengkung sing dadi orahin |
| Bobabe nilun kuping | Kalintang bogbog, nenten satia ring janji |
| Botor majeet, wiadin sera makikih | Kalintang demit tur pripit |
| Buta tumben kedat | Tumben sugih, tur sombong |
| Calep calung | Demen ngidih |
| Caruk banyu | sami keni |
| Cacotek sambungin layur | Orti sane malih ortiang tur kewehin malih |
| Cening-cenikan punya sontong | Yadiastun pawak ipun cenik, nanging kereng |
| Dawa papahe akeh slepane | Tuuh sane sampun lingsir, wantah akeh sane sampun uningin |
| Dewa rauh ubetin jelanan | Menolak keberuntungan sane rauh |
| Dija kadene langite endep | Demen memilih, ipun durung uning sujatine ring dija ugi genahe pateh |
| Etuhan teken kulit tingkih duur temboke | Pongah juari nenten madue rasa kimud |
| Duk masanding api | Iwang akidik ngemasin marebat |
| Galak-galak di abu | Wantah wanen ring pekarangan kemanten |
| Gangsaran tindak kuangan daya | Melaksana nanging nenten wenten parincikan sadurungnyane |
| Gede kayune gede papane | Gede jabatane taler gede pengasilanne |
| Gede ombak gede angin | Ageng pengasilane, ageng taler panelasane |
| Gede gede bantang gedang | Awak manten gede, nenten mabayu |
| Girang gejorang | Siki ngarianin layangan, sane tiosan sareng ngarianang layangan taler |
| Goak kingsanan taluh | Bebotoh kingsanan jinah, pastika anggene memotoh |
| Goloh di tendas kelet di ikut | Enahne maang ngidih nanging sujatine nenten |
| Joh pejalane liu tepukin | Sane seneng maluasi wantah akeh sane cingakin |
| Joh apine teken gulinge | Yening sampun jodoh, pastika pacang ketemu |
| Jalma es tabia | Gendeng |
| Kabelet digalange | Akehan pakarian, mawinan bingung sane encen pacang ambil dumunan |
| Kamus majalan | Anak dueg sami tawange |
| Katanjung dimata | Merasa iwang ring timpal, mawinan rikala ketemu kebilbil |
| Katangkeb langit | Anak sane kalintang jerih ring timpal ipun |
| Kidang dialase gaenang basa | Pikolih sane durung janten sampun cagerang |
| Ketog semprong kerik tingkih | Bersatu padu, celik, kelih tua bajang |
| SESONGGAN | SUKSMANNYANE |
| Kudiang nekepin andus | Amunapi ngengkebin daya corang, kasuen-suen pastika pacang wenten sane uning |
| Kunang-kunang anarung sasi | Sakadi anak bocok sane memanah mandungin/nandingin sane bagus/jegeg |
| Kuping ngliwatin tanduk | Anake sane ngliwatin bates |
| Kutal kutil ikut celeng | Sekadi aluh nanging keweh |
| Kutang sayang gemel madui | Madue pianak jahat, ubuh nyakitin yening kutang pianak pedidi |
| Kropak majalan | Makasami tuture tawanga |
| Lalipi ngalih gegitik | Sakadi maling nuturang dewekne maling ring polisine |
| Layah teken gigi | Meplakara ngalawan nyama pedidi |
| Lebah paranin banyu | Lacure, katiben ala wiadin sengkala |
| Liunan krebek kuangan ujan | Raos manten, ten wenten buktine |
| Liep-liep lipi gadang | Ngenahne laep, yening wenten galah langsung nyotot |
| Magantung bok akatih | Kesempatan untuk selamat kidik pisan |
| Makecuh marep menek | Nuturang jelek pedidi |
| Marebutin balung tan paisi | Marebatan sane nenten pikenohnyane |
| Melali api doyan kebus | Suba tawang nyengkalen nu masih laksanayang |
| Melabar pangkung | Nenten madua pengasilan tetep, disapunapine polih, utawi ten polih |
| Meruk takil | Anak sombong ngaku sugih tur ririh |
| Mrakpak danyuh | Mangkine magerengan ngobat abit, malih jebosne manten sampun makedekan |
| Mulasang tai digidat | Nyambatan jelek pedidi |
| Natakin damuh tengaina | Ngarianin sane meweh molihin asil |
| Nimpug ngelidin lima | Anak sane nyengkalen timpal, nanging mapi tan uning |
| Nuduk jaum kilangan kandic | Ne maaji cenikan kapilih, sane maelan kutang |
| Ngalih balang ngaba alutan | Polih pakarian satus, maksatus telah, sinah nenten wenten sepelan |
| Ngapahang tuak sekaa | Ngelgaang gelah anak sareng akeh |
| Ngebug yeh dipanene | Ngawe kaon ring pakurenan, sinah ipun taler keni |
| Ngelidin setra tepuk sema | Ngimpasin sane jelek, raris matemu malih sane jelekan |
| Ngentungang uyah kepasihe | Nuturang anak sane sampun wikan |
| Ngitukang layah tan patulang | Ngomong tan padasar |
| Nglebang ngikuhin | Ngenahne ngemaang, nanging sujati nenten |
| Nyangut | Nyen menang to ilonin |
| Nyicing singal | Nyancan sayangan nyancan nakal |
| Nyilem diyehe daken | Anake madaya jelek, nanging makasami sampun uning |
| Nyilem di palungane | Ngengkebang kecorahan, nanging sami sampun uning |
| Omong di patuakan | Raos wantah anggen magegonjakan |
| Paksi bina paksa | Seos jatma, janten seos budin ipun |
| Pala dadua makadadua negen | Anake sane adiri nanging nanggung karya akeh |
| Pancoran matatakan batu | Yening matimpal sareng nak sugih sesingne polih tretesane |
| Prau abesik kemudi dadu | Liunan pemimpin |
| Payuk prumpung misi berem | Enah ne uli sisi biasa gen, nanging isi tengahne mewah |
| Pilih pilih bekul | Bes memilih nanging polihne sane kaon |
| Puntul puntulan besine, sangih dadi mangan | Yen belog nyak mlajah pasti bisa dadi dueg |
| Sadueg dueg semale makecog, pasti taen dogen ulung | Sapunapi ja wikan anake, pastika taen iwang |
| Sat nglanginin segara | Sekadi nakonang anak wikan, nenten telas telas tuturne |
| Semprong meprada, pejang beten pelih, pejang duur pelih | Sekadi anak madue kurenan jegeg nanging nenten bisa makarya |
| Takut ngetel payu makebios | Takut mesuang bedik, liu payu penelahane |
| Taluh apit batu | Iwang akidik janten pacang sengkala |
| SESONGGAN | SUKSMANNYANE |
| Kebo ngulihin kandang | Sakadi anake luh bajang kaambil antuk misan miadin mindon sane mawit saking memenipun |
| Kabilbil tua nyemak panglocokan | Sakadi anake odah yening jengah utawi kabilbil, ipun gelis ngambil panglocokan mangda saru jengahipun |
| Gelem kacang nagih tungguhan | Sakadi anake sane buduh kasmaran nagih antenang |
| Anglangkahi karang ulu | Sakadi anake sane jaba raris ngambil anak triwangsa |
| Yen kayune sendeh, elah kambinge neliti | Sakadi anake sane madue pakahiunan nenten bajeg (adil), sinak anake purun miwah dangan antuka nyengkalen |
| Inane nyalian, panakne masih nyalian | Akehan ipianak nganutin kahanan kalih solah meme bapanipun |
| Gusti di pagambuhan | Sakadi anake sane demen kajungjung yening wenten anak ngidih napi-napi ipun matata tur bakti, risampune polih ring pungkur ipun ma iba kai |
| Guyu-guyu celor | Sakadi anake macanda ngameng-ameng antuk sanjata, raris kena timpalipun |
| Manggul gambang | Anake ngrereh pakarian kekalih, manah ipun kantun bimbang |
| Gayung camplung | Anake sane madolan polih bati tipis pisan |
| Dewasa alah dening mana | Yadin amunapi kaon diwasane, yening sampun pakayunan jaga lunga, janten durus mamargi |
| Dengdeng ngalih api | Sakadi anake sane sisip, raris ipun ngelaporang ring polisi janten ipun pacang sisip |
| Daratan maan gambelan | Sakadi jadmane belog ajum, raris ajum-ajum, nyumikinang ajum ipun |
| Dandan anak buta | Sakadi anake sane madue pengemudi (pemimpin) sane belog, sinah ka likad-likade bakana |
| Pakajanin nongos | Kaucapang ring anake sane nenten naenin ka kota, kilang-kileng nenten uning ring margi |
| Tuara nawang bucun bencingah | Kaucapang ring anake sane nenten naenin pesu ka marigine ageng ten uning tatakrama |
| Nges bulun jitne | Kaucapang ring anake sane kalintang demit tur akeh madue daya |
| Rejeng-rejeng bulun cunguh | Sakadi anake sane katiben sengkala, akeh anake rauh ngrunyung kewanten nenten wenten sane nulungin |
| Ngalang bulan | Sakadi anake sane nenten becik pasemetonane, becik ring sisi kewanten, tur nuju-nuju ngrao |
| Ngantiang bulan ulung | Sakadi anake truna ngajap-ajap putri jegeg tur ayu, pradnyan tur mapangkat ageng |
| SESONGGAN | SUKSMANNYANE |
| Budag kimud | Sakadi anake alit teyan tanjen ajengan nenten nyak antuk kimud, pamuput ipun kantun seduk |
| Bongol bungut | Sakadi anake sane tunden wiadin ajak ngraos ipun nengil nenten masaut |
| Ngandong bodag puyung | Sakadi anake madue, tegal linggah nanging nenten wenten asilne |
| Cenik-cenikan blatuk, nyidang ngosongin kayu | Sakadi jadma alit sane prasida muputan karya sane abot |
| Betek malu, layah duri | Sakadi anake sane kawehin barang sane ageng gunanipun katulak, raris kaambil olih anak lian, wawu ipun mapangenan saha nyelsel |
| Masuluh di beruk | Sakadi anake sane ngidih pengajah ring anake belog, janten nenten molihin tutur sane patut |
| Belong teken cedok | Sakadi anake makurenan salaminipun ring apisane janten naenin marebat |
| Bedug tempolin | Sakadi anake sane punggung tur bengkung raris ajumang, maweweh ipun sigug |
| Ngajahin bebek nglangi | Sakadi anak sane tambetan ngajahin anak sane wikanan |
| Kedek-kedekan bebandan | Sakadi anake sane katibenin sengkala wiadin pakewuh, ipun kedek-kedek ngegarang manah, kewanten tan urungang ipun pacang katiben pakeweh punika |
| Be di pangorengane baang meleb | Sakadi anake ngambil anak istri, raris ring paengkeban katinggalin antuk istrin ipun |
| Be wenang kapancingin | Sakadi anake istri anom, sapa sira ugi dados ngulati (nglemesin) |
| Be ngelidin talenan | Sakadi anake sane das manggihin sengkala, raris mresidayang ipun melaib tur selamet |
| Sing ada batu belah tepen ujan | Kaucapang ring anake sane belog bengkung nenten ngidepang tutur, sinah pacang nenten ngerti-ngerti |
| Basang kranjang | Kaucapang ring anake pikun, sane gelis engsap ring pitutur |
| Baong matatakan pangiris | Sakadi anake ngambil pakarian sane abot, yening iwang sinah pacang nemu sengkala |
| Paid bangkung | Kaucapang ring anak lanang sane nyerodin kaumah sane luh |
| Malikin utah gelah | Sakadi anake sampun palas makurenan, raris malih ipun atep makurenan |
| Bangbang kedukin, bukit dugdugin | Sakadi anake ngidihin ring anake tiwas, raris makidiang ring anake sugih |
| Joh mabo bunga, paek mabo tai | Sakadi anake menyama yening majohan ipun setata rumaket, nanging yening nampek sesai merebat |
Cukup sekian penjelasan mengenai Sesonggan beserta contoh Sesonggan yang bisa kita bagikan di artikel ini. Semoga teman maupun sahabat pembaca bisa menambahkannya. Silahkan tambahkan di kolom komentar.
Salam berbagi
ᬲᬸᬓ᭄ᬱ᭄ᬫ᭟
🙏