Satua kedis puwuh ngajak i lalipi awan
tutlencBlog - hi adik-adik pecinta satua Bali. kali ini kita akan mesatua tentang persahabatan seekor burung dengan seekor ular. Dari kisah inilah dijelaskan mengapa Kedis puwuh hanya mencari makan di tanah saja dan Lipi Awan bisa terbang dimalam hari serta memiliki endih (cahaya)
KEDIS PUWUH NGAJAK I LALIPI AWAN
Sinopsis Satua Kedis Puwuh ngajak I Lalaipi Awan
Satua Kedis Puwuh ngajak I Lalipi Awan
Kedis Puwuh ngajak I Lalipi Awan
Ada katuturan satua, I Kedis Puwuh ngajak I Lalipi Awan. I Kedis Puwuh biasane ia malali ngalih amah-amahan di abian-abiane wiadin di tegalane. Amah-amahane sakancan buah padang miwah buah padi. Melenan teken I Lalipi Awan amah-amahane. I Lalipi Awan Amah amahane sakancan semut, capung, uled, legu muah ane lenan.
Sedek dina anu I Kedis Puwuh ngalih amah-amahan di tegalan ane ada di sisin tukade. Di sedengen iteha ia ngalih amah-amahan, saget teka I Lalipi Awan sambilanga ngepung Capung Lakitikan. Mara teka I Lalipi Awan, matakon lantas I Kedis Puwuh: "Beh tomben jani I Lalipi Awan ngaliwat mai ngalih amah-amahan. Men uli pidan dija dogen iba ngalih amah-amahan?" Mara aketo pamunyine I Kedis Puwuh, masaut lantas I Lalipi Awan: "Beh I Kedis Puwuh satata tandruh dogen. Miribang iba tuara nawang wake uli pidan ngalih amah-amahan. Tuara ja ada len wake ngalih amah-amahan di sisin tegalane ane badauh."
Disubane I Lalipi Awan masaut keto, buin lantas I Kedis Puwuh mamunyi kene: "Nah yening keto, paling melah dinane buin mani wake ngajak iba bareng-bareng ngalih amah-amahan di tongose dini, apang ada ajak wake magerengan". Sawireh aketo pamunyine I Kedis Puwuh, I Lalipi lega pesan kenehne ngelah timpal cara I Kedis Puwuh. Sawireh dinane dugas ento suba sanja, lantas I Kedis Puwuh ngajak I Lalipi Awan pada ngungsi tongosne soang-soang.
Dina buin manine, semengan pesan I Kedis Puwuh suba ngungsi tanah tegalane ane ada di pesisin tukade. Tuara ja makelo, lantas teka I Lalipi Awan ngalegos uli kaja di sisin tukade. Mara I Lalipi Awan teka, kendel pesan kenehne I Kedis Puwuh.
Nah, di tegalane ento ia pada seleg ngalih amah-amahan tur disubane pada betek basangne, ditu ia pada nongos di beten kayune ane ngarimbun. Di sedengan I Kedis Puwuh malongo-longo, ditu lantas ! Lalipi Awan mapiteges kene: "He Kedis Puwuh, sawireh sasihe ne jani ngancan ngalang-ngalangan, sinah iba lakar keweh ngalih amah-amahan. Suba abulan jani, tuara ada ujan ulung uli langite. Embong padine ngancan medik-medikan ane tumbuh. Keto masih indik gumatap-gumitipe ane mula maman wakene ngancan medik-medikan sakadi watek capung, semut,legu,muah ane lenan".
Mara keto munyine I Lalipi Awan, makelo pesan I Kedis Puwuh mangen-angen. Disubane makelo ia malongo, lantas ia mapiteges kene: "Nah, yening keto cara pamunyin I Lalipi Awane, wake marasa sebet pesan. Sinah ngancan makelo-kelo iraga ngajak dadua kuangan amah amahan. Nah yadiapin keto, iraga ngajak dadua tetep pada seleg ngalih amah-amahan di sawengkonang tegalane di pasisin tukade nenenan". Disubane ajaka dadua suud mabligbagan, lantas pada ngungsi tongosne soang-soang.
Nah gelisin satua, ngancan makelo, cara pamunyine I Lalipi Awan, ngancan ngelangan dogen amah-amahane. Sedek dina anu semengan pesan I Kedis Puwuh suba ngungsi tegalane di pasisin tukade. Ngantos jejeg matan aine, ia tuara maan amah-amahan. Nah, dadine kaliwat layah basangne. Keto masih I Lalipi Awan, uli semengan enu peteng suba ngungsi tegalane di pasisin tukade, sakewala tuara maan amah amahan. Sawireh pada layah, dadine pada kaliwat jengah ajaka dadua. Suba pada neked ajaka dadua di pasisin guane di pasisin tukade, saget ada semut mabarisan teka uli di tegalane ngaba buah padi tur lakar abana macelep ke songne. Sawireh watek semute ngaba buah padi, ditu I Kedis Puwuh ngarebut buah padine. Tuara ja makelo saget teka I Lalipi Awan. Nepukin watek semut ngaba padi, demen pesan kenehne sawireh uli semengan tuara nepukin maman.
Nah, ditu lantas I Lalipi Awan saling ngarebut amah-amahan ngajak I Kedis Puwuh. I Kedis Puwuh dot kenehne apang makatang buah padine; sakewala I Lalipi Awan kenehne apang makatang semute makejang. Ditu lantas ajaka dadua maiyegan tur pamuputne masiat. Uli tengaine ngantos sanja I Kedis Puwuh masiat ngajak I Lalipi Awan. Satondene engseb matan aine,saget ada sabda saking langite. "He iba Kedis Puwuh ngajak I Lalipi Awan; ne jani suud pesan iba masiat. Yening iba enu masiat, sinah tuara ja makelo iba lakar mati. Nah, apang tuara telas watek Kedis Puwuhe teken watek Lalipi Awane, ne jani suud pesan masiat ngajak dadua. Jani manira maang iba uger uger ngalih amah-amahan ngajak dadua. I Kedis Puwuh uli dinane buin mani tuara dadi ngalih amah-amahan saduurang punyan nyuh. I Kedis Puwuh ngalih amah-amahan sabetenan punyan nyuh. Uli dinane buin mani I Lalipi Awan apang bisa makeber tur yening makeber ritatkala petengne ngalih amah-amahan, apang ngendih. Nyen ane tuara nuutang uger-uger gelahe nenenan, apang ngemasin mati.
Disubane sabdane uli di langite ilang, lantas I Kedis Puwuh ngajak I alipi Awan pada ngungsi tongosnę. Mawanan kayang jani watek Kedis uwuhe tuara bani makeber ngaliwatin punyan nyuh. Keto masih watek alipi Awane, tuara ada ane bani ngalih amah-amahan sabeten punyan yuh.
Satua Kedis Puwuh ngajak I Lalipi Awan (Aksara Bali)
Nilai yang terkadung dalam Satua Kedis Puwuh ngajak I Lalipi Awan
- Persahabatan sering hancur karena keserakahan yang muncul didalam diri. Sehingga tidak bisa memahami satu sama lain dan menentukan apa sebenarnya yang ingin dicari. Si Burung yang ingin makan padi dan si ular yang ingin makan semut, jelas tujuan mereka berbeda, hanya kebetulan ada dalam sebuah situasi yang sama. Jika mereka berpikir jernih harusnya mereka bisa memecahkan masalahnya dengan sederhana, yaitu memisahkan antara semut dan padi sebelum dimakan.
- Dalam mengatur dan menata kehidupan orang banyak, memang sebaiknya ada pemimpin yang tegas dan bijak, membuat aturan yang tegas agar anggota atau rakyatnya menjadi damai, tidak bertengkar dan tetap bisa hidup.
Post a Comment
mari bertukar pikiran dikolom komentar