GENDING SANGIANG BALI

gending sangiang adalah nyanyian yang dinyanyikan oleh penari sangiang saat menari. Tujuan dari gending sangiang adalah  mengundang dewa-dewi yang disembah oleh si penari, agar merasuki mereka yang menari.

1. GENDING SANGIANG DADARI
ngolet ayu dadari kirig-kirig di ampel gading
ngenjot ngontel tangkis alon
tandang-tandang i ratu anom
nonton joged cara mangwi
ngilo merak makakipu
keser-keser tinjo-tinjo
dewan tiang manyelempoh

2. SEKAR GADUNG

sekar gadung, ya sekar gadung

anggrek lan madori putih

teleng petak tunjung biru

i dewa makarya tirta.

wus maketis ya wus maketis

mantuk dewa kania puri

yan kari ragan i dewa

waluya kadi manusa.

tirta ening ya tirta ening

sibuh mas toya ring sangku

siratin ragan i dewa

ketisin juru kidunge.

malih benjang, ya malih benjang

i dewa turun ka undang

malih benjang, malih benjang

i dewa turun ka undang.

SEKAR EMAS

sekar di sekar emas ngareronce

sekar agung di sangga langit

soyor kangin soyor kauh layak-layak

lamun di lamun oneng ngalap sekar

sekar emas di pucuk kuning

nagasari negarang ratu masolah

igel ya igel ida nolih-nolih

manolih i juru kidunge

juru kidung, pangorege sampun ngambiar.

SEKAR SANDAT

sekar sandat menuh gambir

mana soli sempol

kembang cina

ratna petak pancar galuh

dedari nyoman mauderan

nyalyog manyulempoh

mara pindo

manyulendor nanjekin gending

DEWA AYU

dewa ayu ya, ya dewa ayu

margi i ratu masolah

masolah maulu wangsul

ulu wangsul ya, ya ulu wangsul

tetanjeke cara jawa

manayog cara denbukit

inggek-inggek ya, ya inggek-inggek

sakadi merak mangilo

makeber ikute luhung

mapontang masoca mirah

makebiyur bone miyik.

miyik ngalub ya, ya miyik ngalub

gandane gadung kasturi

paican istrine ayu, istri ayu ya, ya istri ayu

paican ayu dadari, sayan mananjekin gending

***

kaketus saking: kasusastran Bali

oleh: Dinas Kebudayaan Provinsi bali

tahun: 2005

di denpasar