Men Sugih Lan Men tiwas versi Aksara Bali

tutlencBlog - Satua Bali Men Sugih lan Men Tiwas adalah satua bali yang menceritakan kesenjangan kehidupan antara si Kaya dengan si Miskin.

Satua Bali "Men Sugih lan Men Tiwas" versi aksara bali

di postingan terdahulu, tutlencBlog sudah menceritakan kisah klasik antara Men Sugih lan Men tiwas dalam bahasa bali menggunakan huruf latin. silahkan kalian baca dengan membuka tulisan yang di warnai hijau diatas.

Nah kali ini kita akan menuliskan kembali satua Men Sugih lan Men Tiwas dalam versi yang berbeda, yakni kita menuliskan kisahnya dengan menggunakan Aksara Bali.

Yuk simak kisahnya dibawah ini sambil belajar membaca tulisan Aksara Bali.

semakin sering kamu membaca Aksara Bali, maka akan semakin fasih dan mudah bagimu membaca tulisannya seperti membaca huruf latin.

---

ᬫᬾᬦ᭄​ ᬲᬸᬕᬶᬄ ᬮᬦ᭄ ​ᬫᬾᬦ᭄ ​ᬢᬶᬯᬲ᭄᭟​

ᬳᬤ ᬓᬢᬸᬢᬸᬭᬦ᭄ᬲᬢ᭄ᬯ ᬫᬾᬦ᭄ᬲᬸᬕᬶᬄ ᬢᭂᬓᬾᬦ᭄ᬫᬾᬦ᭄ᬢᬶᬯᬲ᭄᭟ ​ᬫᬾᬦ᭄ᬲᬸᬕᬶᬄ ᬳᬦᬓ᭄ᬲᬸᬕᬶᬄ ᬧᭂᬲᬦ᭄᭞​ ᬦᬗᬶᬂ ᬤᭂᬫᬶᬢ᭄ᬢᬸᬃ ᬳᬶᬭᬶ ᬳᬢᬶ᭞​ ᬚᬳᬶᬮ᭄ᬢᭂᬓᬾᬦ᭄ᬳᬦᬓ᭄ᬮᬘᬸᬃ᭟​ ᬫᬾᬦ᭄ᬢᬶᬯᬲ᭄ᬩᬸᬓ ᬳᬤᬦᬾ ᬢᬶᬯᬲ᭄ᬧᭂᬲᬦ᭄᭞​ ᬦᬗᬶᬂ ᬫᭂᬮᬄ ᬲᭀᬮᬳ᭄ᬦᬾ᭞ ​ᬢᬸᬲᬶᬂ ᬢᬳᬾᬦ᭄ᬚᬳᬶᬮ᭄ᬢᭂᬓᬾᬦ᭄ᬢᬶᬫ᭄ᬧᬮ᭄᭟​ ᬫᬾᬦ᭄ᬢᬶᬯᬲ᭄ᬕᭂᬕᬶᬦᬦᬾ ᬗᬮᬶᬄ ᬲᬵᬂ ᬓᬳᬮᬲᬾ ᬮᬓᬃ ᬳᬤᭂᬧ ᬓᬧᭂᬓᭂᬦ᭄᭟​

ᬦᬸᬚᬸ ᬤᬶᬦ ᬳᬦᬸ᭞​ ᬫᬾᬦ᭄ᬢᬶᬯᬲ᭄ᬓᬳᬸᬫᬄ ᬫᬾᬦ᭄ᬲᬸᬕᬶᬄ ᬗᬶᬤᬶᬄ ᬳᬧᬶ᭟ ​ᬤᬶᬢᬸ ᬫᬾᬦ᭄ᬲᬸᬕᬶᬄ ᬗᭀᬫᭀᬂ᭞​ ''ᬳᬶᬄ ᬘᬳᬶᬢᬶᬯᬲ᭄᭞​ ᬳᬮᬶᬳᬶᬦ᭄ᬚ ᬳᬶᬘᬂ ᬓᬸᬢᬸ᭞​ ᬬᬾᬦ᭄ᬲᬸᬩ ᬢᭂᬮᬄ ᬓᬸᬢᬸᬦ᭄ᬳᬶᬘᬗᬾ᭞​ ᬜᬦᬦ᭄ᬳᬸᬧᬳᬶᬦ ᬩᬵᬲ᭄᭟​'' ᬮᬳᬸᬢ᭄ᬫᬾᬦ᭄ᬢᬶᬯᬲ᭄ᬗᬮᬶᬳᬶᬦ᭄ᬓᬸᬢᬸ ᬫᬾᬦ᭄ᬲᬸᬕᬶᬳᬾ᭟​ ᬲᬸᬩ ᬢᭂᬗᬳᬶ ᬫᬭ ᬲᬹᬤ᭄᭟ ​ᬫᬾᬦ᭄ᬢᬶᬯᬲ᭄ᬳᬸᬧᬳᬶᬦ ᬩᬵᬲ᭄ᬳᬘ᭄ᬭᭀᬂ​ᬘᭀᬂ᭞​ ᬗᬾᬗ᭄ᬕᬮᬂ ᬮᬦ᭄ᬢᬲ᭄ᬩᬵᬲ᭄ᬦᬾ ᬳᬩᬦ ᬫᬸᬮᬶᬄ ᬮᬳᬸᬢ᭄ᬚᬓᬦ᭟​ 

ᬫᬾᬦ᭄ᬲᬸᬕᬶᬄ ᬚᬸᬫᬳ᭄ᬦᬾ ᬩᬸᬯᬶᬦ᭄ᬫᬲᬶᬓ᭄ᬲᬶᬓᬦ᭄᭞​ ᬫᬵᬦ᭄ᬓᬸᬢᬸ ᬳᬳᬸᬓᬸᬤ᭄᭟​ ᬗᬾᬗ᭄ᬕᬮᬂ ᬳᬶᬬ ᬓᬳᬸᬫᬄ ᬫᬾᬦ᭄ᬢᬶᬯᬲᬾ᭞​ ᬮᬳᬸᬢ᭄ᬗᭀᬫᭀᬂ᭞​: ''ᬳᬶᬄ ᬘᬳᬶ ᬢᬶᬯᬲ᭄᭞ ᬳᭂᬦᬾ ᬳᬶᬘᬂ ᬫᬵᬦ᭄ᬓᬸᬢᬸ ᬳᬳᬸᬓᬸᬤ᭄᭞​ ᬚᬦᬶ ᬫᬳᬶ ᬳᬸᬮᬶᬬᬂ ᬩᬵᬲ᭄ᬳᬶᬘᬗᬾ ᬳᬶᬢᬸᬦᬶ᭟​''

ᬫᬲᬳᬸᬢ᭄ᬫᬾᬦ᭄ᬢᬶᬯᬲ᭄᭞​: ''ᬬᬾᬄ᭞​ ᬩᬵᬲᬾ ᬳᬶᬢᬸᬦᬶ ᬲᬸᬩ ᬚᬓᬦ᭄ᬢᬶᬬᬂ᭟​''

ᬫᬲᬳᬸᬢ᭄ᬫᬾᬦ᭄ᬲᬸᬕᬶᬄ᭞​: ''ᬦᬄ᭞​ ᬳᭂᬦ᭄ᬢᭀ ᬲᬸᬩ ᬳᬩ ᬫᬳᬶ ᬳᬗ᭄ᬕᭀᬦ᭄ᬧᬲᬶᬮᬶᬄ​᭟​'' 

ᬦᬲᬶᬦᬾ ᬳᬦᬾ ᬫᬓᬶᬭᬾ ᬍᬩᭂᬂ ᬳᭂᬦ᭄ᬢᭀ ᬮᬳᬸᬢ᭄ᬚᬸᬯᬗ ᬓᭀᬜᬂ ᬓᬧᬜ᭄ᬘᬶᬦᬾ ᬳᬩᬦ ᬫᬸᬮᬶᬄ ᬩᬵᬦ᭄ᬫᬾᬦ᭄ᬲᬸᬕᬶᬄ᭟​ ᬜᬦᬦᬾ ᬩᬸᬯᬶᬦ᭄ᬢᭂᬓ ᬫᬾᬦ᭄ᬲᬸᬕᬶᬄ᭞​: ''ᬳᬶᬄ ᬢᬶᬯᬲ᭄᭞​ ᬢᬸᬦᬶ ᬜᬳᬶ ᬗᬶᬤᬶᬄ ᬳᬧᬶ ᬢᭂᬓᬾᬦ᭄ᬲᬵᬂ ᬳᬶᬘᬗᬾ᭟​''

ᬮᬦ᭄ᬢᬲ᭄ᬳᬧᬶ ᬢᭂᬓᬾᬦ᭄ᬲᬵᬗᬾ ᬳᬧᭂᬲᭂᬮ᭄ᬕᭂᬤᬾ ᬚᬸᬯᬗ ᬩᬵᬦ᭄ᬫᬾᬦ᭄ᬲᬸᬕᬶᬄ᭟​ ᬫᬾᬦ᭄ᬢᬶᬯᬲ᭄ᬩᭂᬗᭀᬂ ᬫᬧᬗᭂᬦᬦ᭄ᬩᬵᬦ᭄ᬮᬘᬸᬃᬦᬾ ᬩᬸᬓ ᬓᭂᬢᭀ᭟​

ᬩᬸᬯᬶᬦ᭄ᬫᬦᬶᬦᬾ ᬫᬾᬦ᭄ᬢᬶᬯᬲ᭄ᬢᬸᬦ᭄ᬤᬾᬦ ᬦᭂᬩᬸᬓ᭄ᬧᬤᬶ ᬩᬵᬦ᭄ᬫᬾᬦ᭄ᬲᬸᬕᬶᬄ᭞ ​ᬮᬓᬃ ᬳᬸᬧᬳᬶᬦ ᬩᬵᬲ᭄ᬤᬸᬯᬂ ᬘ᭄ᬭᭀᬂ​ᬘᭀᬂ᭟​ ᬫᬾᬦ᭄ᬢᬶᬯᬲ᭄ᬜᬓ᭄ᬦᭂᬩᬸᬓ᭄ᬓᬦ᭄ᬢᬶ ᬧ᭄ᬭᬕᬢ᭄᭞​ ᬳᬸᬧᬳᬶᬦ ᬩᬵᬲ᭄ᬤᬸᬯᬂ ᬘ᭄ᬭᭀᬂ​ᬘᭀᬂ᭞​ ᬮᬳᬸᬢ᭄ᬳᭂᬜ᭄ᬘᭀᬮ᭄ᬫᬸᬮᬶᬄ ᬮᬦ᭄ᬢᬲ᭄ᬜᬓᬦ᭄᭟​ ᬫᬾᬦ᭄ᬲᬸᬕᬶᬄ ᬮᬦ᭄ᬢᬲ᭄ᬜᬾᬓ᭄ᬲᬾᬓ᭄ᬩᬵᬲ᭄᭞​ ᬫᬵᬦ᭄ᬮᬢᬄ ᬤᬤ᭄ᬯ᭟​ ᬳᬾᬜ᭄ᬘᭀᬮ᭄ᬳᬶᬬ ᬓᬳᬸᬫᬄ ᬫᬾᬦ᭄ᬢᬶᬯᬲ᭄ᬮᬳᬸᬢ᭄ᬗᭀᬫᭀᬂ᭞​: ''ᬳᬶᬄ ᬢᬶᬯᬲ᭄ᬳᭂᬦᬾ ᬩᬵᬲᬾ ᬳᭂᬦᬸ ᬫᬶᬲᬶ ᬮᬢᬄ ᬤᬤ᭄ᬯ᭞ ​ᬚᬦᬶ ᬳᬸᬮᬶᬬᬂ ᬩᬵᬲ᭄ᬳᬶᬘᬗᬾ᭞ ​ᬬᬾᬦ᭄ᬲᬸᬩ ᬫᬚᬓᬦ᭄ᬳᭂᬦ᭄ᬢᭀ ᬲᬸᬩ ᬳᬩ ᬫᬳᬶ᭟​''

ᬲᭂᬤᭂᬓ᭄ᬤᬶᬦ ᬳᬦᬸ ᬫᬾᬦ᭄ᬢᬶᬯᬲ᭄ᬮᬸᬯᬲ᭄ ᬓᬳᬮᬲᬾ᭞ ​ᬓ᭄ᬭᬲᬓ᭄ᬓ᭄ᬭᭀᬲᭀᬓ᭄ᬗᬮᬶᬄ ᬲᬵᬂ᭟​ ᬲᬕᬾᬢ᭄ᬢᭂᬓ ᬲᬂ ᬓᬶᬤᬂ ᬮᬳᬸᬢ᭄ᬗᭀᬫᭀᬂ᭞​: ''ᬫᬾᬦ᭄ᬢᬶᬯᬲ᭄ᬳᬧ ᬮᬓᬃ ᬳᬮᬶᬄ ᬤᬶᬢᬸ​''

ᬫᬲᬳᬸᬢ᭄ᬫᬾᬦ᭄ᬢᬶᬯᬲ᭄᭞​: ''ᬢᬶᬬᬂ ᬗᬮᬶᬄ ᬲᬵᬂ ᬢᭂᬓᬾᬦ᭄ᬧᬓᬸ᭟​''

''ᬮᬓᬃ ᬳᬗ᭄ᬕᭀᬦ᭄ᬕᬾᬦ ᬗᬮᬶᬄ ᬧᬓᬸ​''

ᬫᬲᬳᬸᬢ᭄ᬫᬾᬦ᭄ᬢᬶᬯᬲ᭄᭞​:''ᬮᬓᬃ ᬳᬗ᭄ᬕᭀᬦ᭄ᬢᬶᬬᬂ ᬚᬸᬓᬸᬢ᭄᭟​'' 

''ᬳᬶᬄ ᬢᬶᬯᬲ᭄ᬮᬫᬸᬦ᭄ᬜᬓ᭄᭞​ ᬜᬳᬶ ᬜᭂᬮᬸᬓ᭄ᬚᬶᬢ᭄ᬳᬶᬘᬗᬾ᭞​ ᬤᬶᬢᬸ ᬳᬤ ᬧᬩᬵᬂ ᬦᬶᬭ ᬢᭂᬓᬾᬦ᭄ᬜᬳᬶ​᭟​''

ᬮᬦ᭄ᬢᬲ᭄ᬫᬾᬦ᭄ᬢᬶᬯᬲ᭄ᬜᬓ᭄ᬜᭂᬮᬸᬓ᭄ᬚᬶᬢ᭄ᬓᬶᬤᬗᬾ᭞​ ᬫᬭ ᬓᭂᬤᭂᬗ᭞​ ᬮᬶᬫᬦᬾ ᬩᭂᬓ᭄ᬫᬶᬲᬶ ᬫᬲ᭄ᬢᭂᬓᬾᬦ᭄ᬲᭂᬮᬓ᭟​ ᬲᬸᬯᬸᬤ᭄ᬳᭂᬦ᭄ᬢᭀ ᬲᬂ ᬓᬶᬤᬂ ᬳᬶᬮᬂ᭞​ ᬫᬾᬦ᭄ᬢᬶᬯᬲ᭄ᬓᭂᬦ᭄ᬤᭂᬮ᭄ᬧᭂᬲᬦ᭄ᬮᬦ᭄ᬢᬲ᭄ᬫᬸᬮᬶᬄ᭟​ ᬢᭂᬓᭂᬤ᭄ᬚᬸᬫᬄ ᬳᬶᬬ ᬮᬸᬯᬲ᭄ᬓᬧᬦ᭄ᬤᬾ ᬗᬳᬾ ᬕᭂᬮᬂ᭞​ ᬩᬸᬗ᭄ᬓᬸᬂ ᬢᭂᬓᬾᬦ᭄ᬓᬮᬸᬂ᭟​ ᬫᬾᬦ᭄ᬢᬶᬯᬲ᭄ᬚᬦᬶ ᬲᬸᬕᬶᬄ ᬦᬤᬓ᭄᭞​ ᬧ᭄ᬬᬦᬓ᭄ᬦᬾ ᬫᬓᭂᬚᬂ ᬗᬗ᭄ᬕᭀᬩᬸᬗᬄ᭞ ​ᬮᬦ᭄ᬢᬲ᭄ᬳᬶᬬ ᬧᭂᬲᬸ ᬫᬩ᭄ᬮᬜ᭄ᬚ᭟​ ᬢᭂᬧᬸᬓᬶᬦ ᬫᬾᬦ᭄ᬢᬶᬯᬲ᭄ᬢᭂᬓᬾᬦ᭄ᬫᬾᬦ᭄ᬲᬸᬕᬶᬄ᭟ ​ᬤᭂᬮᬓ᭄​ᬤᭂᬮᬶᬓ᭄ᬳᬶᬬ ᬗᬶᬯᬲᬶᬦ᭄ᬧᬶᬬᬦᬓ᭄ᬫᬾᬦ᭄ᬢᬶᬯᬲᬾ᭟ ​

ᬩᬸᬯᬶᬦ᭄ᬫᬦᬶᬦᬾ ᬫᬾᬦ᭄ᬲᬸᬕᬶᬄ ᬫ᭄ᬮᬮᬶ ᬓᬳᬸᬫᬄ ᬫᬾᬦ᭄ᬢᬶᬯᬲᬾ ᬫᬢᬓᭀᬦ᭄᭞​: ''ᬳᬶᬄ ᬢᬶᬯᬲ᭄᭞​ ᬤᬶᬚ ᬜᬳᬶ ᬫᬵᬦ᭄ᬫᬲ᭄ᬲᭂᬮᬓᬮᬶᬬᬸ᭟​''

ᬫᬲᬳᬸᬢ᭄ᬫᬾᬦ᭄ᬢᬶᬯᬲ᭄᭞​: ''ᬓᬾᬦᬾ ᬳᭂᬫ᭄ᬩᭀᬓ᭄᭞​ ᬳᬶᬩᬶ ᬢᬶᬬᬂ ᬮᬸᬯᬲ᭄ᬓᬳᬮᬲᬾ ᬗᬮᬶᬄ ᬲᬵᬂ ᬢᭂᬓᬾᬦ᭄ᬧᬓᬸ ᬮᬓᬃ ᬚᬸᬓᬸᬢ᭄᭞ ​ᬲᬕᬾᬢ᭄ᬳᬤ ᬓᬶᬤᬂ᭞​ ᬦᬸᬦ᭄ᬤᬾᬦ᭄ᬢᬶᬬᬂ ᬜᭂᬮᬸᬓ᭄ᬚᬶᬢ᭄ᬦᬾ᭟​ ᬮᬦ᭄ᬢᬲ᭄ᬲᭂᬮᬸᬓ᭄ᬢᬶᬬᬂ᭞​ ᬫᬭ ᬓᭂᬤᭂᬂ ᬢᬶᬬᬂ ᬮᬶᬫᬦᬾ ᬤᬶᬢᬸ ᬫᬵᬦ᭄ᬳᭂᬫᬲ᭄ᬢᭂᬓᭂᬦ᭄ᬲᭂᬮᬓ ᬮᬶᬬᬸ᭟​''

ᬫᬭ ᬦᬶᬗᭂᬄ ᬓᭂᬢᭀ᭟​ ᬫᬾᬦ᭄ᬲᬸᬕᬶᬄ ᬗᬾᬜ᭄ᬘᭀᬮᬂ ᬫᬸᬮᬶᬄ᭟​

ᬫᬦᬶᬦᬾ ᬫᬾᬦ᭄ᬲᬸᬕᬶᬄ ᬗᭂᬫᬮᬸᬦᬶᬦ᭄ᬮᬸᬯᬲ᭄ᬓᭂᬳᬮᬲᬾ᭞​ ᬫᬾᬦ᭄ᬲᬸᬕᬶᬄ ᬜᬭᬸ​ᬜᬭᬸ ᬩᬸᬓ ᬳᬦᬓ᭄ᬢᬶᬯᬲ᭄᭞​ ᬓ᭄ᬭᬲᬓ᭄ᬓ᭄ᬭᭀᬲᭀᬓ᭄ᬗᬮᬶᬄ ᬲᬵᬂ ᬢᭂᬓᬾᬦ᭄ᬧᬓᬸ᭟ ​ᬲᬕᬾᬢ᭄ᬢᭂᬓ ᬲᬂ ᬓᬶᬤᬂ᭞​ ''ᬜᬾᬦ᭄ᬳᭂᬦ᭄ᬢᭀ ᬓ᭄ᬭᬲᬓ᭄ᬓ᭄ᬭᭀᬲᭀᬓ᭄᭟​''

ᬫᬲᬳᬸᬢ᭄ᬫᬾᬦ᭄ᬲᬸᬕᬶᬄ᭞​: ''ᬢᬶᬬᬂ ᬫᬾᬦ᭄ᬢᬶᬯᬲ᭄᭞ ​ᬳᬸᬮᬶ ᬧᬸᬯᬦ᭄ᬢᬶᬬᬂ ᬢᬸᬯᬭ ᬜᬓᬦ᭄᭟​'' ᬫᬾᬦ᭄ᬲᬸᬕᬶᬄ ᬓᭂᬦ᭄ᬤᭂᬮ᭄ᬧᭂᬲᬦ᭄ᬓᭂᬦᭂᬳ᭄ᬦᬾ᭟

ᬮᬦ᭄ᬢᬲ᭄ᬫᬲᬳᬸᬢ᭄ᬲᬂᬓᬶᬤᬂ᭞​: ''ᬳᬶᬄ ᬢᬶᬯᬲ᭄᭞​ ᬫᬳᬶ ᬲᭂᬮᬸᬓ᭄ᬚᬶᬢ᭄ᬦᬶᬭᬦᬾ᭟​''

ᬫᬭ ᬓᬾᬢᭀ ᬮᬦ᭄ᬢᬲ᭄ᬲᭂᬮᬸᬓ ᬚᬶᬢ᭄ᬓᬶᬤᬗᬾ᭞​ ᬮᬳᬸᬢ᭄ᬓᬶᬚᭂᬫ᭄ᬚᬶᬢ᭄ᬓᬶᬤᬗᬾ᭞​ ᬫᬾᬦ᭄ᬲᬸᬕᬶᬄ ᬧᬳᬶᬤ ᬳᬩᬦ ᬓᬤᬸᬯᬶ​ᬤᬸᬯᬶᬦᬾ᭟ ​ᬫᬾᬦ᭄ᬲᬸᬕᬶᬄ ᬗᭂᬮᬶᬂ ᬳᬤᬸᬄ​ᬳᬤᬸᬄ ᬓᬢᬸᬮᬸᬂ​ᬢᬸᬮᬸᬂ᭞​

''ᬦᬸᬦᬲ᭄ᬳᬶᬘ ᬢᬸᬮᬸᬂ ᬢᬶᬬᬂ᭞ ​ᬢᬶᬬᬂ ᬓᬧᭀᬓ᭄᭟​''

ᬢᭂᬓᭂᬤ᭄ᬤᬶᬧᬂᬓᬸᬗᬾ ᬫᬭ ᬫᬾᬦ᭄ᬲᬸᬕᬶᬄ ᬮᬾᬩᬗ᭞​ ᬳᬯᬓ᭄ᬦᬾ ᬢᭂᬮᬄ ᬩᬩᬓ᭄ᬩᭂᬮᬸᬃ ᬢᬸᬃ ᬧᬶᬂᬲᬦ᭄᭟​ ᬤᬶᬲᬸᬩᬦᬾ ᬳᬶᬗᭂᬢ᭄ᬳᬶᬬ ᬫᬕᬵᬂ ᬫᬸᬮᬶᬄ᭟​ ᬢᭂᬓᭂᬤ᭄ᬚᬸᬫᬳ᭄ᬦᬾ ᬮᬦ᭄ᬢᬲ᭄ᬳᬶᬬ ᬕᭂᬍᬫ᭄ᬫᬓᭂᬮᭀ​ᬓᭂᬮᭀ ᬮᬳᬸᬢ᭄ᬗᭂᬫᬲᬶᬦ᭄ᬫᬢᬶ᭟​ᬓᭂᬢᭀ ᬲᬸᬩ ᬳᬸᬧᬄ ᬳᬦᬓᬾ ᬮᭀᬪ ᬢᬸᬃ ᬳᬶᬭᬶ ᬳᬢᬶ᭟​

---

Bagaimana adik-adik, sudah selesai membacanya?

Makna yang bisa kamu pelajari setelah membaca satua diatas adalah:

1. jika kamu kaya, jangan pernah merendahkan orang yang lebih miskin darimu
2. kekayaan itu sifanya Anugrah, siapapun bisa menjadi kaya
3. jangan serakah terhadap materi, karena keserakahan bisa membawa petaka untukmu
4. jangan pernah memfaatkan kelemahan orang lain untuk kamu jahati
5. teruslah menjadi pribadi yang baik dan rendah hati, kebaikan dan keberuntungan akan menyertaimu

Ayo bagikan satua ini untuk teman-temanmu.

Selamat belajar