Satua : I Empas Padem Kabatek antuk Gedeg ipune ring Asu
tutlencBlog - Ayuk lagi membaca satua bali sampai hafal. kali ini kita akan membaca dan bercerita tentang persahabat antara dua ekor Angsa dengan dua Ekor Kura-kura. Dan dikisahkan pada akhirnya Kura-kura mati karena tidak bisa fokus terhadap tujuannya, dia lebih memilih mendengarkan gosip sepanjang menuju tujuannya, sehingga maksud penggosip yaitu si Anjing untuk menyantapnya terwujud.
I Empas Padem Kabatek antuk Gedeg ipune ring Asu
Wenten reke empas kekalih luh muani, mawasta I Durbudi lan Ni Kacapa. Magenah ring telagane sane upa renggan ipun, makadi sekancan sekar kala sami nedeng kembang luir ipun sekar tunjung minakadi; Tunjung Bang, Tunjung Nila, Tunjung Biru, Tunjung Putih, Sekar Angsa, Sekar Jempiring kalih sane lian-lianan. Telaga punika mawasta reke Taman Kumuda Wati. Lian ning I Empas irika taler wenten angsa kalih luh muani, melali sarwa manjus. Ipun mawasta I Cengkrengga lan Ni Cengkrenggi. Sasuwen ipun angsa punika magenah, kocap ipun makakasian ring I Empas. I Empas taler sampun masurudayu ring angsane.
Kacrita mangkin masan panes nyentak, ngantos toyan telagane nyancan nyat. Irika raris I Angsa makakalih mamanah pacang mewali ring ngenahnyane riin ring Gunung Imawan. Sadurungne, ipun mesadok ring I empas, saha nyritayang genahe ring Imawan punika becik pisan toyane tur sekadi taman Narmada, pasiraman Ida Bhatara Indra, buina kacrita yeh ring telagane ento tusing taen surut. Mirang baos I Angsane sekadi punika, meled manah ipun I Empas pacang sareng matilar saking telagane sane sampun sayan surut punika.
Kacrita mangkin ipun sareng-sareng pacang ngungsi. I Angsa makakalih ngambil kayu, raris nganggal muncuk kayune punika sareng kali. ring tengahne punika I Empas Nenggel. Sadurunge mejalan, I Angsa mebesen ring I Empas, "Ada pebesen I Dewek, ring margine eda pesan cai memunyi, ingetang tetujone dogen. Yadiastun wenten anake sane pacang nguyonin, nyadcad, utawi sane lianan." I Empas sumanggup.
Gelisin carita mejalan ipun sareng-sareng I Empas kakeberang olih I Angsa. raris kacrita ring margine, irika ring tegal Wirajeggala wenten Asu kekalih luh muani, mawasta I Angsang lan Ni Angsing. Rikala punika sang Asu makakalih sedeng ngrereh teda, nanging lacur nenten molihin. Kala punika Ni Angsing nulengek keambara, raring kakantenang wenten agsa ngeberang empas. Raris Ni Angsing ngrauhin I Angsang tur nyirtayang wenten empas kekebarang olih I Angsa.
Ni Angsing: "Ih nanangne, ento ada empas keberin angsa."
I Angsang : "Dija ada empas kekeberang angsa? Sing ja empas to, tain sampi tuh to ane umahin bekutis. Ento keberang ajak i angsa."
Indik bebaosan punika kapiragi olih I Empas, mawinan pedih manah ipun, kasengguh tain sampi tuh. Enggang ipun I Empas pacang nyautin bebaosang i asnune, santukan enggang raris, lepas ipun saking kayune raris ulung tur ngemasin padem.
Demen pesan kenehnyane I Angsang sareng Ni Angsing polih tetadahan becik merupa empas.
I Empas Padem Kabatek antuk Gedeg ipune ring Asu versi Aksara Bali
Ya, itulah satua yang bisa tutlencBlog bagikan hari ini.
- Jangan cepat tersinggung pada apa yang orang lain ucapkan kepada kita, karena kita belum tahu tujuan kata-kata tersebut dilontarkan, bisa saja tujuan mereka adalah mengelahkan ataupun membunuh kita
- Berfokuslah pada tujuan awal perjalanmu, anggap omongan disekitarmu adalah godaan untuk kamu mencapai tujuan
- Selalu mendengarkan dan menuruti pada mereka yang ahli, yang sudah ingin membantu dan mengingatkanmu tentang cara benar mencapai tujuanmu.
Post a Comment
mari bertukar pikiran dikolom komentar