Satua Bali Pan Balang Tamak versi Aksara Bali
tutlencBlog - Pasti banyak diantara kamu sudah sering mendengar kisah tentang kecerdikan Pan Balang Tamak yang bikin ulah.
sebelumnya kita sudah membuat artikel satua ini, namun versi huruf latinnya, dan kamu bisa baca di Satua Pan Balang Tamak
Satua Pan Balang Tamak versi Aksara Bali
Mengisahkan seorang yang cerdik tapi ngeselin banyak orang, saking keselnya orang ingin mengerjain dia, namun yang terjadi malah terbalik, orang satu desa malah dikerjain oleh Pan Balang Tamak. Bahkan juga Ia direncakan untuk dibunuh. Saat jadi mayatpun Pan Balang Tamak masih bisa ngerjain orang desa.
Seru deh kisah kocaknya, yuk simak!!!
ᬧᬦ᭄ᬩᬮᬂᬢᬫᬓ᭄᭟
ᬳᬤᬋᬓᭀᬳᬦᬓ᭄ᬫᬤᬦ᭄ᬧᬦ᭄ᬩᬮᬂᬢᬫᬓ᭄᭞ᬫᬳᬸᬫᬄᬤᬶᬤᬾᬲᬳᬦᬸ᭟ᬓᬘ᭄ᬭᬶᬢᬳᬶᬬᬲᬸᬕᬶᬄᬧᭂᬲᬦ᭄ᬢᬸᬃᬭᬶᬭᬶᬄᬫᬓ᭄ᬭᬸᬡ᭞ᬫᬸᬯᬄᬢᬸᬯᬭᬜᬓ᭄ᬓᬮᬄ ᬢᭂᬓᬾᬦ᭄ᬧᬤᬢᬶᬫ᭄ᬧᬮ᭄ᬦᬾᬤᬶᬤᬾᬰᬢᭀᬢᭀᬦᬦ᭄᭟ᬩᬵᬦ᭄ᬢᬾᬲᬓᬶᬂᬓ᭄ᬭᬸᬡᬤᬬᬳᬸᬧᬬᬦᬾ ᬳᬗ᭄ᬕᭀᬦᬗᬫᬸᬲᬸᬳᬶᬦ᭄ᬤᬾᬰᬦᬾ᭟ᬬᬾᬦ᭄ᬳᬸᬧᬫᬵᬂᬤᬬᬦ᭄ᬧᬦ᭄ᬩᬮᬂᬢᬫᬓᬾ᭞ᬧᬢᬸᬄᬩᬸᬓᬩᬹᬦ᭄ᬲ᭄ᬮᬶᬗ᭄ᬓᬤ᭄ᬮᬸᬢᬸᬗᬾ᭞ᬩᬵᬦ᭄ᬲᬓᬶᬂᬩᭂᬦᭂᬄ᭟ᬳᭂᬦ᭄ᬢᭀᬓ᭄ᬭᬡᬦᬾᬧᬦ᭄ᬩᬮᬂ ᬢᬫᬓ᭄ᬲᭂᬗᬶᬢᬗᬩᬵᬦ᭄ᬤᬾᬰᬦᬾ᭟ᬬᬾᬦ᭄ᬢᬸᬯᬄᬤᬤᬶᬩᬵᬦ᭄ᬤᬾᬲᬦᬾ᭞ᬳᬧᬗᬳᬶᬬᬫᬓᬶᬲᬶᬤ᭄ᬯᬶᬬᬤᬶᬦ᭄ᬫᬢᬶ ᬳᬧᬗᬲᬶᬂᬳᬤᬳᭂᬦᬸᬦᭀᬗᭀᬲ᭄ᬤᬶᬤᬾᬰᬦᬾ ᬢᭀᬢᭀᬦᬦ᭄᭟ᬩᬵᬦ᭄ᬢᬾᬢ᭄ᬭᬳᬤᬫᬶᬦ᭄ᬢᬸᬮᬶᬦ᭄ᬧᬕᬳᬾᬦ᭄ᬤᬾᬰᬦᬾ᭞ᬩᬓᬮ᭄ᬗᬳᬾᬦᬂᬤᭀᬲᬦ᭄ᬧᬦ᭄ᬩᬮᬂᬢᬫᬓᬾᬳᭂᬦ᭄ᬢᭀ᭟
ᬤᬶᬲᭂᬤᭂᬓ᭄ᬤᬶᬦᬳᬦᬸᬧᬳᬸᬫ᭄ᬤᬾᬰᬦᬾ ᬩᬓᬮ᭄ᬦᬬᬦᬂᬧᬦ᭄ᬩᬮᬂᬢᬫᬓ᭄᭞ᬫᬗ᭄ᬤᬾᬦᬾᬳᬶᬬᬓᭂᬦᬤᬡ᭄ᬥ᭟ᬮᬦ᭄ᬢᬲ᭄ᬧᬜᬭᬶᬓᬦ᭄ᬤᬾᬰᬦᬾ ᬦᬸᬦ᭄ᬤᬾᬦ᭄ᬗᬭᬳᬶᬦ᭄ᬧᬦ᭄ᬩᬮᬂᬢᬫᬓ᭄᭞ᬓᬾᬦᬾᬳᬭᬄᬳᬭᬳ᭄ᬦᬾ᭞”ᬳᬶᬄᬧᬦ᭄ᬩᬮᬂᬢᬫᬓ᭄᭞ᬫᬦᬶᬲᭂᬫᭂᬗᬦ᭄ᬫᬭᬢᬸᬯᬸᬦ᭄ᬲᬶᬬᬧ᭄᭞ᬤᬾᬰᬦᬾᬮᬸᬯᬲ᭄ᬓᬕᬸᬦᬸᬂᬗᬮᬶᬄᬓᬬᬸ᭞ᬩᬓᬮ᭄ᬳᬗ᭄ᬕᭀᬦ᭄ᬫᭂᬦᬳᬶᬦ᭄ᬩᬮᬾᬳᬕᬸᬂ᭟ᬜᬾᬦ᭄ᬚᬓᬲᬾᬧᬦ᭄᭞ᬩᬓᬮ᭄ᬤᬡ᭄ᬥ᭟”ᬓᬾᬢᭀᬳᬭᬄᬳᬭᬳᬾᬢᭂᬓᬾᬦ᭄ᬧᬦ᭄ᬩᬮᬂᬢᬫᬓ᭄᭟
ᬓᬘᬭᬶᬢᬫᬦᬶᬦᬾᬲᭂᬫᬗᬦ᭄ᬫᬭᬢᬸᬯᬸᬦ᭄ᬲᬶᬬᬧ᭄᭞ᬮᬸᬯᬲ᭄ᬤᬾᬰᬦᬾᬫᬓᭂᬚᬂ᭞ᬦᬗᬶᬂᬧᬦ᭄ᬩᬮᬂᬢᬫᬓ᭄ᬫᬲᬶᬄᬳᭂᬦᬸᬚᬸᬫᬄᬧᬤᬶᬤᬶᬬᬦ᭄᭞ᬓ᭄ᬭᬡᬳᬶᬬᬗᬦ᭄ᬢᬶᬬᬂᬲᬶᬬᬧ᭄ᬦᬾᬢᬸᬯᬸᬦ᭄ᬳᬸᬮᬶᬩᭂᬂᬩᭂᬗᬦᬾ᭟ᬫᬓᭂᬮᭀᬳᬶᬬᬗᬦ᭄ᬢ᭄ᬬᬂ᭞ᬢᭀᬦ᭄ᬤᬾᬦ᭄ᬫᬲᬶᬄᬲᬶᬬᬧ᭄ᬦᬾᬢᬸᬯᬸᬦ᭄᭟ᬳᬤᬚᭂᬦᭂᬗ᭄ᬦᬾᬫᬓᬓᬮᬶᬢᭂᬧᭂᬢ᭄᭞ᬫᬭᬲᬶᬬᬧ᭄ᬦᬾᬢᬸᬯᬸᬦ᭄ᬳᬸᬮᬶᬤᬶᬩᭂᬂᬩᭂᬗᬦᬾ᭞ᬤᬶᬢᬸᬫᬭᬳᬶᬬᬫᬚᬮᬦ᭄᭞ᬦᬸᬢᬸᬢᬶᬦ᭄ᬤᬾᬰᬦᬾᬮᬸᬯᬲ᭄ᬗᬮᬶᬄᬓᬬᬸᬓᬕᬸᬦᬸᬂ᭟ᬢᭀᬦ᭄ᬤᬾᬦ᭄ᬫᬓᭂᬮᭀᬳᬶᬬᬫᬚᬮᬦ᭄᭞ᬢᭂᬧᬸᬓᬶᬦᬓ᭄ᬭᬫᬤᬾᬲᬦᬾᬲᬸᬩᬧᬤᬫᬸᬮᬶᬄᬦᭂᬕᭂᬦ᭄ᬓᬬᬸ᭞ᬤᬤᬶᬧᬦ᭄ᬩᬮᬂᬢᬫᬓ᭄ᬫᬶᬮᬸᬫᬮᬶᬧᭂᬢᬦ᭄᭟ᬓᬘ᭄ᬭᬶᬢᬲᬸᬩᬦᭂᬓᭂᬤ᭄ᬚᬸᬫᬄ᭞ᬮᬦ᭄ᬢᬲ᭄ᬤᬾᬰᬦᬾᬧᬳᬸᬫ᭄᭞ᬫᬳᬸᬫᬂᬧᬦ᭄ᬩᬮᬂᬢᬫᬓ᭄ᬮᬓᬃᬓᭂᬦᬤᬡ᭄ᬥ᭞ᬓ᭄ᬭᬡᬳᬶᬬᬢ᭄ᬯᬭᬦᬸᬳᬸᬢᬂᬳᬭᬄᬳᬭᬳᬾ᭟ᬤᬶᬢᬸᬮᬳᬸᬢ᭄ᬤᬾᬰᬦᬾᬦᬸᬦ᭄ᬤᬾᬦ᭄ᬗᬭᬳᬶᬦ᭄ᬧᬦ᭄ᬩᬮᬂᬢᬫᬓ᭄᭟
ᬓᬘ᭄ᬭᬶᬢᬧᬦ᭄ᬩᬮᬂᬢᬫᬓ᭄ᬲᬸᬩᬢᭂᬓ᭞ᬮᬦ᭄ᬢᬲ᭄ᬓ᭄ᬮᬶᬳᬦ᭄ᬤᬾᬰᬦᬾᬫᬓ᭄ᬭᬸᬡ᭞”ᬳᬶᬄᬧᬦ᭄ᬩᬮᬂᬢᬫᬓ᭄᭞ᬚᬦᬶᬘᬳᬶᬓᭂᬦᬤᬡ᭄ᬟ᭟”
ᬫᬲᬳᬸᬢ᭄ᬧᬜᬭᬶᬓᬦ᭄ᬤᬾᬰᬦᬾ᭞”ᬳᭂᬦ᭄ᬢᭀᬩᬵᬦ᭄ᬘᬳᬶᬦᬾᬢᬸᬯᬭᬗᬶᬤᭂᬧᬂᬳᬭᬄᬳᬭᬳᬾᬗᬮᬶᬄᬓᬬᬸᬓᬕᬸᬦᬸᬂ᭟”
”ᬫᬗ᭄ᬓᬶᬦ᭄᭞ᬫᬗ᭄ᬓᬶᬦ᭄ᬚᭂᬭᭀᬧᬜᬭᬶᬓᬦ᭄᭞ᬲᬫ᭄ᬧᬸᬦᬂᬚᭂᬭᭀᬦᬾᬗᬦ᭄ᬤᬶᬓᬬᬂᬢᬶᬢ᭄ᬬᬂᬢ᭄ᬯᬭᬗᬶᬤᭂᬧᬂᬳᬭᬄᬳᬭᬳᬾ᭞ᬤᬾᬦᬶᬂᬓᬾᬦ᭄ᬢᭂᬦ᭄ᬳᬭᬄᬳᬭᬳᬾᬳᬦᬾᬢᭂᬓᬢᭂᬓᬾᬦ᭄ᬢᬶᬢ᭄ᬬᬂ: ”ᬤᬾᬰᬦᬾᬫᬦᬶᬲᭂᬫᭂᬗᬦ᭄ᬫᬭ ᬢᬸᬯᬸᬦ᭄ᬲᬶᬬᬧ᭄ᬩᬓᬮ᭄ᬮᬸᬯᬲ᭄ᬓᬕᬸᬦᬸᬂ᭟ᬤᬾᬦᬶᬂᬢᬶᬬᬂᬗᭂᬮᬄᬳᬬᬫ᭄ᬳᬲᬶᬓᬶ ᬩᬸᬯᬶᬦ᭄ᬲᭂᬤᭂᬓ᭄ᬫᬓᬳᭂᬫ᭄᭞ᬤᬤᬶᬫᬓᭂᬮᭀᬳᬦ᭄ᬢᬶᬬᬂᬢᬶᬬᬂ ᬢᬸᬯᬸᬦ᭄ᬦᬾᬳᬸᬮᬶᬤᬶᬩᭂᬂᬩᭂᬗᬦᬾ᭟ᬯᬾᬦ᭄ᬢᭂᬦ᭄ᬫᬦᬯᬶᬲᬫ᭄ᬧᬸᬦ᭄ᬓᬮᬶᬢᭂᬧᭂᬢ᭄᭞ᬫᬭᬳᬶᬧᬸᬦ᭄ᬢᬸᬯᬸᬦ᭄᭟ᬳᬶᬭᬶᬓᬭᬭᬶᬲ᭄ᬢᬶᬢ᭄ᬬᬂᬫᬫᬃᬕᬶ᭞ᬦᬸᬯᬸᬢᬂᬲᬓᬤᬶᬳᬭᬄᬳᬭᬳᬾᬳᬦᬾᬢᭂᬓᬢᭂᬓᬾᬦ᭄ᬢᬶᬬᬂ᭟ᬳᬾᬗ᭄ᬓᭂᬦ᭄ᬳᬯᬦᬦ᭄ᬢᬶᬬᬗᬾᬓᭂᬦᬤᬡ᭄ᬟ”
ᬓᬾᬢᭀᬫᬸᬜᬶᬦ᭄ᬧᬦ᭄ᬩᬮᬂᬢᬫᬓᬾ᭞ᬤᬤᬶᬤᬾᬰᬦᬾᬲᬶᬂᬳᬤᬗᭂᬮᬄ ᬓᭂᬦᭂᬄᬗ᭄ᬮᬯᬦ᭄ᬧᬓ᭄ᬲᬦ᭄ᬦᬾᬧᬦ᭄ᬩᬮᬂᬢᬫᬓ᭄᭟
ᬓᬘ᭄ᬭᬶᬢᬩᬸᬯᬶᬦ᭄ᬫᬦᬶᬦ᭄ᬦᬾᬧᬦ᭄ᬩᬮᬂ ᬢᬫᬓ᭄ᬓᬵᬭᬳᬶᬦ᭄ᬗᬩᬲᭂᬗᬳᬸᬓ᭄᭞ᬩᭂᬓᭂᬮ᭄ᬫᭂᬦᬳᬂᬩᬮᬾᬳᬕᬸᬂ᭟ᬧᬦ᭄ᬩᬮᬂᬢᬫᬓ᭄ᬗᬩᬲᬗ᭄ᬕᬄᬳᬸᬯᬸᬕ᭄ᬓᬧᬸᬭ ᬤᬾᬰᬲᬫ᭄ᬩᬶᬮᬗᬫᬓ᭄ᬭᬸᬡᬓᬾᬦᬾ᭞
”ᬳᭂᬦᬾᬲᬗ᭄ᬕᬄᬳᬸᬯᬸᬕ᭄᭞ᬳᬧᬗᬩᭂᬦᬳᬗᬩᬵᬦ᭄ᬤᬾᬰᬦᬾ᭟” ᬤᬤᬶᬳᭂᬗᭀᬦ᭄ᬤᬾᬰᬦᬾ ᬗᭂᬦᭀᬢ᭄ᬳᬩᭂᬢ᭄ᬧᬦ᭄ᬩᬮᬂᬢᬫᬓᬾᬓᬾᬢᭀ᭟ᬩᬵᬦ᭄ᬓᬾᬢᭀᬫᬲᬶᬄᬢᬦ᭄ᬲᬄᬓᭂᬦᭂᬄ ᬤᬾᬰᬦᬾᬩᬓᬮ᭄ᬗᬳᬾᬦᬂᬲᬮᬄ ᬧᬦ᭄ᬩᬮᬂᬢᬫᬓᬾ᭟
ᬫᬦᬶᬦ᭄ᬦᬾᬧᬦ᭄ᬩᬮᬂ ᬢᬫᬓ᭄ᬓᬵᬭᬳᬶᬦ᭄ᬫᬩᭀᬭᭀᬲ᭄ᬓᬕᬸᬦᬸᬂ᭟ᬓᬾᬦᬾᬳᬭᬄᬳᬭᬳᬾ᭞ ”ᬫᬦᬶᬤᬾᬰᬦᬾᬫᬩᭀᬭᭀᬲ᭄᭞ᬳᬧᬗᬗᬩᬘᬶᬘᬶᬂᬕᬮᬓ᭄᭟ᬜᬾᬦ᭄ᬚᬢᬸᬯᬭᬗᭂᬮᬄᬘᬶᬘᬶᬂᬕᬮᬓ᭄᭞ᬮᬓᬃᬓᭂᬦᬤᬡ᭄ᬟ᭟”
ᬓᬾᬢᭀᬳᬭᬄᬳᬭᬳᬾᬳᬦᬾᬢᭂᬓᬢᭂᬓᬾᬦ᭄ᬧᬦ᭄ᬩᬮᬂᬢᬫᬓ᭄᭟ᬓ᭄ᬭᬫᬤᬾᬰᬦᬾᬲᬸᬩᬧᬤᬬᬢ᭄ᬦ᭞ᬦᬾᬦᬾᬢᬸᬯᬭᬗᭂᬮᬄᬘᬶᬘᬶᬂᬕᬮᬓ᭄᭞ᬧᬤᬜᬶᬮᬶᬄ᭟ᬬᬾᬦ᭄ᬧᬦ᭄ᬩᬮᬂᬢᬫᬓ᭄ᬗᭂᬮᬄ ᬓᬸᬮᬸᬓ᭄ᬩᭂᬗᬶᬮ᭄ᬳᬳᬸᬓᬸᬤ᭄ᬩᬸᬯᬶᬦ᭄ᬢᬸᬯᬭ ᬧᬢᬶᬩᬶᬲᬫᬮᬳᬶᬩ᭄᭟
ᬓᭀᬘᬧ᭄ᬩᬸᬯᬶᬦ᭄ᬫᬦᬶᬦ᭄ᬦᬾᬮᬸᬯᬲ᭄ᬤᬾᬰᬦᬾ ᬫᬩᭀᬭᭀᬲ᭄᭞ᬢᬸᬃᬧᬤᬗᬩᬘᬶᬘᬶᬂᬕᬮᬓ᭄ᬕᬮᬓ᭄᭞ᬗ᭄ᬮᬶᬯᬢ᭄ᬧᬗ᭄ᬓᬸᬂᬕ᭄ᬭᬾᬫ᭄ᬩᬾᬗᬦ᭄ᬤᬍᬫ᭄ᬤᬍᬫ᭄᭟ᬬᬾᬦ᭄ᬧᬦ᭄ᬩᬮᬂᬢᬫᬓ᭄ᬫᬚᬮᬦ᭄ᬧᬮᬶᬂᬤᬸᬭᬶᬦ ᬧᭂᬲᬦ᭄ᬲᬫ᭄ᬩᬶᬮᬗᬜᬗ᭄ᬓᭀᬮ᭄ᬘᬶᬘᬶᬂᬦᬾ᭟ᬫᬭᬳᬶᬬᬦᭂᬓᭂᬤ᭄ᬲᬶᬕ᭄ᬗ᭄ᬭᬾᬫ᭄ᬩᬾᬗᬾ᭞ᬲᬶᬂᬤᬤᬶᬩᬵᬦᬗ᭄ᬮᬶᬯᬢ᭄᭞ᬮᬦ᭄ᬢᬲ᭄ᬳᬶᬬᬗᬳᬾᬤᬬᬳᬧᬂᬫᬗ᭄ᬤᬾᬦ᭄ᬤᬾᬰᬦᬾ ᬢᭂᬓᬜᬕ᭄ᬚᬕᬶᬦ᭄ᬳᬶᬩᬦ᭄ᬦᬾ᭞ᬮᬳᬸᬢ᭄ᬳᬶᬬᬚᭂᬭᬶᬢ᭄ᬚᭂᬭᬶᬢ᭄᭟
”ᬩᬗ᭄ᬓᬸᬂᬢ᭄ᬭᬕᬶᬕᬶᬦ᭞ᬩᬗ᭄ᬓᬸᬂᬢ᭄ᬭᬕᬶᬕᬶᬦ᭟”
ᬫᬭᬤᬶᬗᭂᬳᬩᬵᬦ᭄ᬤᬾᬰᬦᬾ᭞ᬓᬤᬾᬦᬢᬶᬫ᭄ᬧᬮ᭄ᬦᬾᬦᭂᬧᬸᬓᬶᬦ᭄ᬩᬗ᭄ᬓᬸᬂ᭞ᬮᬦ᭄ᬢᬲ᭄ᬧᬤᬜᬕ᭄ᬚᬕᬶᬦ᭄᭟ᬫᬭᬦᭂᬓᭂᬤ᭄ᬤᬶᬢᬸᬳᭂᬦᭀᬢᬧᬦ᭄ᬩᬮᬂᬢᬫᬓ᭄ᬚᭂᬭᬶᬢ᭄ᬚᭂᬭᬶᬢ᭄᭞ᬮᬦ᭄ᬢᬲ᭄ᬢᬓᭀᬦᬶᬦ: ”ᬳᬧᬓᭂᬳᭂᬦ᭄ᬤᭂᬳᬂᬧᬦ᭄ᬩᬮᬂᬢᬫᬓ᭄” ᬫᬲᬳᬸᬢ᭄ᬧᬦ᭄ᬩᬮᬂᬢᬫᬓ᭄᭞ᬓᬾᬦᬾᬧᬲᬳᬸᬢ᭄ᬦᬾ᭞ ”ᬧᬗ᭄ᬓᬸᬂᬢ᭄ᬭᬳᬤᬢᬶᬢᬶᬦ᭟” ᬩᬾᬄ᭞ᬲᭂᬗᬧ᭄ᬤᬾᬰᬦᬾ᭞ᬩᭂᬮᭀᬕ᭄ᬩᭂᬮᭀᬕᬩᬵᬦ᭄ᬧᬦ᭄ᬩᬮᬂᬢᬫᬓ᭄᭟ᬧᬬᬸᬩᬵᬗᬶᬦᬢᬶᬢᬶ᭞ᬕᬦ᭄ᬢᬶᬦ᭄ᬧᬦ᭄ᬩᬮᬂᬢᬫᬓᬾᬢᬸᬯᬭᬓᭂᬦᬤᬡ᭄ᬟ᭟ᬓᬘ᭄ᬭᬶᬢᬲᬸᬩᬦᭂᬓᭂᬤ᭄ᬤᬶᬳᬮᬲᬾ᭞ᬮᬦ᭄ᬢᬲ᭄ᬤᬾᬰᬦᬾᬧᬤᬗᬦ᭄ᬤᬸᬧᬂ ᬘᬶᬘᬶᬗ᭄ᬦᬾᬓᬢᭂᬗᬄᬩᭂᬢᬾ᭞ᬳᬤᬦᬾᬗᭂᬧᬸᬂᬓᬶᬤᬂ᭞ᬳᬤᬗᭂᬧᬸᬂᬘᬾᬮᬾᬂ᭞ᬳᬤᬗᭂᬧᬸᬂᬫᬜ᭄ᬚᬗᬦ᭄᭞ᬳᬤᬗᭀᬂᬓᭀᬂᬩᭀᬚᭀᬕ᭄ᬲᬶᬕ᭄ᬧᬸᬜᬦ᭄ᬓᬬᬸᬦᬾ᭟ᬬᬾᬦ᭄ᬧᬦ᭄ᬩᬮᬂᬢᬫᬓ᭄ᬓᭂᬮᬤ᭄ᬓᭂᬮᬶᬤ᭄ᬲᬫ᭄ᬩᬶᬮᬗ ᬜᬗ᭄ᬓᭀᬮ᭄ᬘᬶᬘᬶᬗ᭄ᬦᬾᬫᬭᬦᭂᬓᭂᬤ᭄ᬧᬸᬜᬦ᭄ᬓᬾᬢ᭄ᬓᬾᬢᬾ᭟ᬮᬦ᭄ᬢᬲ᭄ᬳᬾᬦ᭄ᬢᬸᬗᬗᬘᬶᬘᬶᬗ᭄ᬦᬾᬓᬧᬸᬜᬦ᭄ᬓᬾᬢ᭄ᬓᬾᬢᬾ᭟ᬤᬶᬢᬸᬓᭀᬯᬂᬓᭀᬯᬂᬘᬶᬘᬶᬗ᭄ᬦᬾᬗᭂᬗ᭄ᬲᬸᬢ᭄᭞ᬢᬸᬯᬭᬩᬶᬲᬢᬸᬯᬸᬦ᭄᭞ᬢ᭄ᬭᬩᬶᬲᬫᭂᬦᬾᬓ᭄᭞ᬮᬳᬸᬢ᭄ᬧᬦ᭄ᬩᬮᬂᬢᬫᬓ᭄ᬫᬲᬳᬸᬢ᭄:
”ᬳᬶᬄᬚᭂᬭᭀᬤᬾᬰ᭞ᬢᬶᬗᬮᬶᬦ᭄ᬘᬶᬘᬶᬂᬢᬶᬬᬗᬾᬗ᭄ᬭᬭᬲ᭄ᬓᬧᬸᬜᬦ᭄ᬓᬾᬢ᭄ᬓᬾᬢᬾ᭟ᬜᬾᬦ᭄ᬤᬾᬰᬦᬾᬗᭂᬮᬄᬘᬶᬘᬶᬂ ᬕᬮᬓ᭄ᬩᬸᬓᬘᬶᬘᬶᬂᬢᬶᬬᬗᬾᬚᬦᬶᬢᬶᬬᬂᬦᬡ᭄ᬟᬿᬦ᭄ᬤᬾᬰᬦᬾ᭞ᬩᬵᬦ᭄ᬤᬾᬰᬦᬾᬲᬶᬂᬳᬤᬗᭂᬮᬄᬘᬶᬘᬶᬂᬕᬮᬓ᭄ ᬩᬸᬓᬘᬶᬘᬶᬂᬢᬶᬬᬗᬾ᭟”
ᬓᬾᬢᭀᬫᬸᬜᬶᬦ᭄ᬧᬦ᭄ᬩᬮᬂᬢᬫᬓᬾ᭞ᬤᬤᬶᬤᬾᬰᬦᬾᬲᬶᬂᬳᬤᬩᬶᬲᬫᬲᬳᬸᬢ᭄᭞ᬧᬬᬸᬓᭂᬦᬿᬦᬤᬡ᭄ᬟᬩᬵᬦ᭄ᬧᬦ᭄ᬩᬮᬂᬢᬫᬓ᭄᭟ᬲᬸᬩᬓᭀᬦᬾᬓᬾᬢᭀᬮᬦ᭄ᬢᬲ᭄ᬧᬤᬫᬸᬮᬶᬄ ᬫᬩᭀᬭᭀᬲ᭄᭟
ᬓᬘ᭄ᬭᬶᬢᬫᬦᬶᬦ᭄ᬦᬾ ᬩᬸᬯᬶᬦ᭄ᬓᬵᬭᬳᬶᬦ᭄ᬧᬦ᭄ᬩᬮᬂᬢᬫᬓ᭄᭞ᬬᬾᬦ᭄ᬤᬾᬰᬦᬾᬫᬦᬶᬲᬗ᭄ᬓᭂᬧ᭄ᬤᬶᬩᬍᬩᬜ᭄ᬚᬭᬾ᭟ᬫᬭᬧᬦ᭄ᬩᬮᬂᬢᬫᬓ᭄ᬦᬶᬗᭂᬄᬳᬭᬄᬳᬭᬳᬾᬓᬾᬢᭀ᭞ᬮᬦ᭄ᬢᬲ᭄ᬳᬶᬬᬗᬳᬾᬚᬚᬳᬸᬮᬶᬳᬶᬜ᭄ᬚᬶᬦ᭄᭞ᬩᬓᬮ᭄ᬳᬗ᭄ᬕᭀᬦᬫᭂᬮᭀᬕ᭄ᬫᭂᬮᭀᬕ᭄ᬤᬾᬰᬦᬾ᭟ᬫᬦᬶᬦ᭄ᬦᬾᬫᬓᬶᬓᬾᬦ᭄ᬲᬗ᭄ᬓᭂᬧ᭄᭞ᬮᬦ᭄ᬢᬲ᭄ᬧᬦ᭄ᬩᬮᬂᬢᬫᬓ᭄ᬗᬩᬚᬚᬳᬸᬮᬶᬳᬶᬜ᭄ᬚᬶᬦ᭄᭞ᬫᬧᬸᬮᬸᬂᬧᬸᬮᬸᬂᬳᬫᬸᬦ᭄ᬢᬳᬶᬦ᭄ᬘᬶᬘᬶᬗᬾᬢᭂᬓᬾᬦ᭄ᬬᬾᬄ᭞ᬮᬳᬸᬢ᭄ᬧᭂᬚᬂᬧᭂᬚᬗᬶᬦᬲᬶᬕ᭄ᬲᭂᬦ᭄ᬤᬶᬦ᭄ᬩᬮᬾᬩᬜ᭄ᬚᬭᬾ ᬫᬸᬯᬄᬓᭂᬘᬶᬭᬶᬦᬢᭂᬓᬾᬦ᭄ᬬᬾᬄ᭟ᬜᬾᬦ᭄ᬗᬤᬾᬦ᭄ᬢ᭄ᬭᬢᬳᬶᬦ᭄ᬘᬶᬘᬶᬂ᭟
ᬓᬘ᭄ᬭᬶᬢᬲᬸᬩᬧᭂᬧᭂᬓ᭄ᬤᬾᬰᬦᬾ᭞ᬮᬦ᭄ᬢᬲ᭄ᬧᬦ᭄ᬩᬮᬂᬢᬫᬓ᭄ᬫᬳᬸᬯᬃᬳᬸᬯᬃ᭞ᬓᬾᬦᬾᬫᬸᬜᬶᬦᬾ᭞”ᬳᬶᬄᬚᭂᬭᭀᬫᬓᭂᬚᬂ᭞ᬜᬾᬦ᭄ᬚᬩᬦᬶᬦᬵᬃᬢᬳᬶᬦ᭄ᬘᬶᬘᬶᬗᬾᬢᭀᬢᭀᬦᬦ᭄᭞ᬢᬶᬬᬂᬗᬸᬧᬳᬶᬦ᭄ᬧᬶᬧᬶᬲ᭄ᬲᬶᬬᬸ᭟”ᬫᬲᬳᬸᬢ᭄ᬧᬜᬭᬶᬓᬦ᭄ᬦᬾ᭞”ᬩᭂᬲ᭄ᬲᬶᬕᬸᬕ᭄ᬳᬩᭂᬢᬾᬫᬧᭂᬢ᭞ᬳᭂᬦ᭄ᬢᭀᬜᬾᬦ᭄ᬜᬓ᭄ᬗᬫᬄᬢᬳᬶᬦ᭄ᬘᬶᬘᬶᬂ᭟ᬳᬶᬦ᭄ᬤᬬᬂᬘᬳᬶᬗᬫᬄ᭟ᬮᬫᬸᬦ᭄ᬩᬦᬶ᭞ᬳᬶᬘᬂᬗᬸᬧᬳᬶᬦ᭄ᬧᬶᬧᬶᬲ᭄ᬲᬶᬬᬸ᭟”ᬫᬭᬓᬾᬢᭀᬮᬦ᭄ᬢᬲ᭄ᬧᭂᬍᬦ᭄ᬧᭂᬍᬦ ᬩᬵᬦ᭄ᬧᬦ᭄ᬩᬮᬂᬢᬫᬓ᭄᭞ᬤᬤᬶᬘᭂᬗᬂᬤᬾᬰᬦᬾᬗᬶᬯᬲᬶᬦ᭄ᬧᬦ᭄ᬩᬮᬂ ᬢᬫᬓ᭄ᬩᬦᬶᬗᬫᬄᬢᬳᬶᬦ᭄ᬘᬶᬘᬶᬂ᭟ᬧᬸᬧᬸᬢ᭄ᬦᬾᬧᬬᬸᬤᬾᬰᬦᬾ ᬤᭂᬡ᭄ᬟᬿᬦᬲᬶᬦ᭄ᬩᬵᬦ᭄ᬧᬦ᭄ᬩᬮᬂᬢᬫᬓ᭄᭟
ᬤᬾᬦᬶᬂᬓᬾᬢᭀᬫᬯᬸᬯᬸᬄᬯᬸᬯᬸᬄᬩ᭄ᬭᬂᬢᬶᬦ᭄ᬤᬾᬰᬦᬾᬫᬸᬯᬄᬢᬦ᭄ᬲᬄ ᬩᬓᬮ᭄ᬗᬳᬾᬦᬂᬤᬬᬳᬸᬧᬬ᭞ᬫᬦᬂᬤᬦᬾᬧᬦ᭄ᬩᬮᬂᬢᬫᬓ᭄ᬫᬢᬶᬯᬶᬬᬤᬶᬦ᭄ᬓᭂᬦᬤᬡ᭄ᬟ᭟
ᬫᬦᬶᬦ᭄ᬦᬾᬩᬸᬯᬶᬦ᭄ᬧᬦ᭄ᬩᬮᬂᬢᬫᬓ᭄ᬓᬵᬭᬳᬶᬦ᭄᭞ᬬᬾᬦ᭄ᬲᬶᬂᬳᭂᬤᬤᬤᬶᬗᭂᬜ᭄ᬚᭂᬓ᭄ᬓᬭᬂᬳᬦᬓ᭄ᬫᬸᬯᬄᬫᬮᬶᬄᬳᬮᬶᬳᬦ᭄ᬓᬳᬩᬶᬬᬦ᭄ᬳᬦᬓᬾ᭞ᬬᬾᬦ᭄ᬮᭂᬚᭂᬄᬩᬦᬶ᭞ᬩᬓᬮ᭄ᬓᭂᬦᬤᬡ᭄ᬟᬕᭂᬤᬾ᭟ᬓᬾᬢᭀᬳᬸᬯᬃᬳᬸᬯᬭᬾ᭟ᬚᭂᬢ᭄ᬓᬾᬢᭀᬩᬵᬦ᭄ᬧᬦ᭄ᬩᬮᬂᬢᬫᬓ᭄ᬢᬸᬯᬭᬓᬾᬯᭂᬄ᭞ᬓ᭄ᬭᬡᬳᬶᬬᬲᬓᬶᬂᬧᬢᬸᬢ᭄᭟ᬤᬶᬢᬸᬳᬶᬬᬗᬳᬾᬤᬬ᭞ᬕᬾᬭᬾᬢᬾᬧᬸᬍᬢᬾᬳᬦᬾᬤᬶᬲᬶᬲᬶᬦ᭄ᬧᭂᬓᭂᬦᬾ ᬳᬗ᭄ᬕᭀᬦᬳᬩᬶᬬᬦ᭄ᬧᬕᭂᬳᬶᬦᬮᬶᬤᬶ᭞ᬳᬧᭂᬲᬶᬦᬩᬵᬦ᭄ᬩᭂᬦᬂ᭟ᬓᬘ᭄ᬭᬶᬢᬫᬭᬢᭂᬩᭂᬂᬧᭂᬓᭂᬦᬾ᭞ᬳᬤᬳᬦᬓ᭄ᬫᬓᬶᬢᬫᬲᬓᬶᬢ᭄ᬩᬲᬂ᭞ᬮᬦ᭄ᬢᬲ᭄ᬜ᭄ᬮᬶᬩ᭄ᬲᬶᬩ᭄ᬓᬧᬸᬍᬢᬾ᭞ᬮᬳᬸᬢ᭄ᬫᬲᬸᬯᬓ᭄ᬧᬦ᭄ᬩᬮᬂᬢᬫᬓ᭄᭞
”ᬳᬶᬄᬚᭂᬭᭀᬤᬾᬰ᭞ᬢᬶᬬᬂᬦᬡ᭄ᬟᬿᬦ᭄ᬳᬦᬓ᭄ᬗᬫᬮᬶᬂᬓᬳᬩᬶᬬᬦ᭄ᬢᬶᬬᬗᬾ᭟”
ᬤᬤᬶᬘᭂᬗᬂᬳᬦᬓᬾᬦᬾᬫᬲᬓᬶᬢ᭄ᬩᬲᬂ ᬳᬾᬦ᭄ᬤᬳᬗᬩᬵᬦ᭄ᬧᬦ᭄ᬩᬮᬂᬢᬫᬓ᭄᭟ᬫᬲᬳᬸᬢ᭄ᬳᬦᬓᬾᬫᬲᬓᬶᬢ᭄ᬩᬲᬂ᭞
”ᬳᬧᬲᬮᬄᬢᬶᬬᬗᬾ᭞ᬫᬸᬯᬄᬤᬤᬶᬦᬕᬶᬄᬦᬡ᭄ᬟᬿᬦ᭄ᬚᭂᬭᭀᬦᬾ”
ᬫᬲᬳᬸᬢ᭄ᬧᬦ᭄ᬩᬮᬂᬢᬫᬓ᭄᭞
”ᬚᭂᬭᭀᬦᬾᬫᬘᭂᬍᬧ᭄ᬓᬳᬩᬶᬬᬦ᭄ᬢᬶᬬᬗᬾᬫᬸᬯᬄ ᬫᬫᬮᬶᬂᬧᬫᬸᬮᬫᬸᬮᬵᬦ᭄ᬢᬶᬬᬗᬾ᭟ᬳᭂᬦ᭄ᬢᭀᬳᬧᬩᭀᬗ᭄ᬓᭀᬲ᭄ᬚᭂᬭᭀᬦᬾ”
ᬫᬭᬳᬸᬂᬓᬩᬗ᭞ᬲᬚᬫ᭄ᬭᬋᬓᭂᬢ᭄ᬧᬸᬍᬢᬾᬲᬶᬕ᭄ᬓᬫ᭄ᬩᭂᬦ᭄ᬦᬾ᭟ᬧᬸᬧᬸᬢ᭄ᬦᬾᬧᬬᬸᬳᬶᬬᬤᭂᬡ᭄ᬟᬿᬦᬩᬵᬦ᭄ᬧᬦ᭄ᬩᬮᬂᬢᬫᬓ᭄᭟
ᬓᬘ᭄ᬭᬶᬢᬤᬾᬰᬦᬾᬓᬾᬯᭂᬄ ᬧᭂᬲᬦ᭄ᬗᭂᬜ᭄ᬘᬦᬶᬦ᭄ᬧᬦ᭄ᬩᬮᬂᬢᬫᬓ᭄᭞ᬤᬬᬓᬸᬤᬂᬤᬬᬲᬶᬗᬳᬤᬫᬶᬦ᭄ᬢᬸᬮᬶᬦ᭄᭟ᬦᬾᬚᬦᬶᬓᭂᬦᭂᬄᬤᬾᬰᬦᬾᬩᬓᬮ᭄ᬦᬸᬦᬲᬂ ᬧᬧᭀᬭᭀᬗᬦ᭄ᬢᭂᬓᬾᬦ᭄ᬳᬦᬓᬾᬳᬕᬸᬂ᭟
ᬕᭂᬮᬶᬲᬂᬘ᭄ᬭᬶᬢ᭞ᬘᬸᬩᬓᭀᬦᬾᬓᬶᬘᬾᬦ᭄ᬘᭂᬢᬶᬓ᭄ᬳᬦᬾᬧᬮᬶᬂᬫᬦ᭄ᬤᬶᬦ᭞ᬳᬧᬗᬧᬦ᭄ᬩᬮᬂᬢᬫᬓ᭄ᬫᬢᬶᬲᬧᬶᬲᬦᬦ᭄᭟ᬓᭀᬘᬧ᭄ᬧᬦ᭄ᬩᬮᬂᬢᬫᬓ᭄ᬲᬸᬩᬦᬶᬗᭂᬄᬩᬓᬮ᭄ᬓᬕᬳᬾᬕᬳᬾᬦᬂᬧᬢᬶᬦ᭄ᬦᬾ᭞ᬮᬦ᭄ᬢᬲ᭄ᬳᬶᬬᬫᬓ᭄ᬭᬸᬡᬢᭂᬓᬾᬦ᭄ᬓᬸᬋᬦᬦ᭄ᬦᬾ᭞
”ᬬᬾᬦ᭄ᬳᬯᬓᬾᬲᬸᬩᬫᬢᬶ᭞ᬕᬦ᭄ᬢᬸᬗᬶᬦ᭄ᬩᭀᬓ᭄ᬳᬯᬓᬾᬢᭂᬫ᭄ᬩ᭄ᬮᬶᬮᬶᬗᬦ᭄᭟ᬲᬸᬩᬓᬾᬢᭀᬲᭂᬤᬾᬤᬾᬗᬂᬲᬶᬕ᭄ᬧᬶᬬᬲᬦᬾ᭟ᬩᬸᬯᬶᬦᬧᬕᭂᬮᬄᬕᭂᬮᬳᬦᬾᬧᭂᬲ᭄ᬯᬂ᭞ᬧᭂᬚᬂᬲᬶᬕ᭄ᬩᬮᬾᬲᭂᬓᭂᬦᭂᬫ᭄᭞ᬭᬸᬭᬸᬩᬶᬦ᭄ᬩᬵᬦ᭄ᬓᬫ᭄ᬩᭂᬦ᭄ᬧᬸᬢᬶᬄᬲᬫ᭄ᬩᬶᬮᬂᬧᬗᭂᬮᬶᬗᬶᬦ᭄᭟ᬦᬄ᭞ᬩᬗ᭄ᬓᬾᬦ᭄ᬳᬯᬓᬾᬯᬤᬳᬶᬦ᭄ᬧᭂᬢᬶ᭞ᬧᭂᬚᬂᬚᬸᬫᬄᬫᭂᬢᬾᬦ᭄᭟”
ᬕᭂᬮᬶᬲᬂᬘ᭄ᬭᬶᬢ᭞ᬲᬸᬩᬧᬦ᭄ᬩᬮᬂᬢᬫᬓ᭄ᬫᬢᬶᬗᬫᬄ ᬘᭂᬢᬶᬓ᭄ᬧᬳᬶᬘᬦ᭄ᬳᬦᬓᬾᬳᬕᬸᬂ᭟ᬮᬦ᭄ᬢᬲ᭄ᬫᬾᬦ᭄ᬩᬮᬂᬢᬫᬓ᭄ᬦᬸᬯᬸᬢᬂ ᬩᬸᬓᬧᬩᭂᬲᭂᬦ᭄ᬧᬦ᭄ᬩᬮᬂᬢᬫᬓᬾ᭟ᬓᬘ᭄ᬭᬶᬢᬤᬾᬰᬦᬾᬗᬶᬦ᭄ᬢᬶᬧ᭄ᬧᬦ᭄ᬩᬮᬂᬢᬫᬓ᭄᭞ᬫᬢᬶᬓᬮᬯᬦ᭄ᬢᬦ᭄ᬫᬢᬶᬦᬾ᭟ᬫᬭᬳᬶᬬᬦᭂᬓᭂᬤ᭄ᬚᬸᬫᬄᬧᬦ᭄ᬩᬮᬂᬢᬫᬓᬾ᭞ᬧᬦ᭄ᬩᬮᬂᬢᬫᬓ᭄ᬫᬲᭂᬤᬾᬤᬾᬕ᭄ᬲᬶᬕ᭄ᬧᬶᬬᬲᬦ᭄ᬦᬾ ᬲᬫ᭄ᬩᬶᬮᬗᬫᬫᬦ᭄ᬢ᭄ᬭᬗᬫ᭄ᬩᬳᬂᬩᭀᬓ᭄᭟ᬤᬶᬢᬸᬤᬾᬰᬦᬾᬫᬲᭂᬮ᭄ᬲᭂᬮᬦ᭄᭞ᬧᬤᬗᭀᬭᬳᬂᬘᭂᬢᬶᬓᬾᬚᭂᬮᬾᬓ᭄᭟
ᬮᬦ᭄ᬢᬲ᭄ᬤᬾᬰᬦᬾᬩᬸᬯᬶᬦ᭄ᬧᬋᬓ᭄ᬓᬧᬸᬭᬶ᭞ᬗᬢᬸᬭᬂᬧᬗᬸᬦᬶᬗᬬᬾᬦ᭄ᬧᬦ᭄ᬩᬮᬂ ᬢᬫᬓ᭄ᬢᬸᬯᬭᬫᬢᬶ᭟ᬫᬭᬓᬾᬢᭀᬩᭂᬦ᭄ᬤᬸᬳᬦᬓᬾᬳᬕᬸᬂ᭞ᬤᬾᬦᬶᬂᬘᭂᬢᬶᬓᬾᬓᬵᬢᬸᬭᬂᬢ᭄ᬭᬫᬦ᭄ᬤᬶ᭟ᬮᬦ᭄ᬢᬲ᭄ᬳᬶᬤᬗᬦ᭄ᬤᬶᬓ᭞”ᬓᬾᬦ᭄ᬓᬾᬦ᭄ᬘᭂᬢᬶᬓᬾᬤᬤᬶᬢ᭄ᬭᬗᬫᬢᬶᬬᬂ᭞ᬳᬶᬦ᭄ᬤᬬᬂᬳᬯᬓᬾᬗᬲᬦᬶᬦ᭄᭟” ᬫᬭᬳᬚᭂᬗᬦ᭄ᬳᬶᬤᬳᬩᭂᬤᬶᬓ᭄᭞ᬮᬦ᭄ᬢᬲ᭄ᬳᬶᬤᬲᬾᬤᬧ᭄ᬭᬚᬦᬶ᭟
ᬓᭀᬘᬧ᭄ᬫᬾᬦ᭄ᬩᬮᬂᬢᬫᬓ᭄ᬦᬶᬗᭂᬄᬳᭀᬃᬢ᭞ᬬᬾᬦ᭄ᬳᬦᬓᬾᬳᬕᬸᬂᬲᬸᬩ ᬲᬾᬤᬗᬚᭂᬗᬦ᭄ᬘᭂᬢᬶᬓ᭄᭞ᬮᬦ᭄ᬢᬲ᭄ᬳᬶᬬᬗᬾᬓᬦᬂᬩᬗ᭄ᬓᬾᬦ᭄ᬓᬸᬋᬦᬦ᭄ᬦᬾᬩᬸᬓᬦᬾᬲᬸᬩ᭟
ᬓᬘ᭄ᬭᬶᬢᬲᬸᬩᬲᬜ᭄ᬚ᭞ᬳᬤᬤᬸᬲ᭄ᬢᬳᬚᬓᬧᬢ᭄ᬧᬢ᭄ᬫᬧᬳᬶᬕᬸᬫᬦ᭄᭞ᬩᬓᬮ᭄ᬫᬫᬮᬶᬂᬓᬳᬸᬫᬄᬧᬦ᭄ᬩᬮᬂᬢᬫᬓᬾ᭟ᬫᬭᬳᭂᬦᭀᬢᬓᬸᬋᬦᬦ᭄ᬧᬦ᭄ᬩᬮᬂ ᬢᬫᬓᬾᬫᬗᭂᬮᬶᬗᬶᬦ᭄ᬓᬸᬋᬦᬦ᭄ᬦᬾ ᬲᬶᬕ᭄ᬩᬮᬾᬲᭂᬓᭂᬦᭂᬫᬾ᭞ᬮᬦ᭄ᬢᬲ᭄ᬳᬶᬬᬫᬘᭂᬍᬧ᭄ᬓᬳᬸᬫᬄᬫᭂᬢᬾᬦ᭄᭞ᬢᭂᬧᬸᬓᬶᬦᬧᭂᬢᬶᬕᭂᬤᬾᬩᬸᬯᬶᬦ᭄ᬩᬵᬢ᭄ᬧᭂᬲᬦ᭄᭞ᬮᬳᬸᬢ᭄ᬲᬗ᭄ᬮᭀᬗ᭞ᬲᭂᬦᬫᬶᬦ᭞ᬢᭂᬕᭂᬦᬳᬚᬓᬧᬢ᭄ᬧᬢ᭄᭟ᬲᬸᬩᬓᭀᬦᬾᬦᭂᬓᭂᬤ᭄ᬓᬢᭂᬗᬄᬩᭂᬢᬾ᭞ᬫᬓ᭄ᬭᬸᬡᬢᬶᬫ᭄ᬧᬮ᭄ᬦᬾ᭞
”ᬤᬶᬦᬶᬲᬸᬩᬕᬕᬄ”
ᬫᬲᬳᬸᬢ᭄ᬢᬶᬫ᭄ᬧᬮ᭄ᬦᬾ᭞ ”ᬫᬳᭂᬩᭀᬩᬗ᭄ᬓᬾᬤᬶᬦᬶ᭞ᬚᬮᬦ᭄ᬳᬶᬦ᭄ᬤᬬᬂᬤᬶᬢᬸᬯᬦ᭄᭟”
ᬮᬦ᭄ᬢᬲ᭄ᬓᬶᬲᬶᬤᬂᬫᬲᬶᬄᬫᬳᭂᬩᭀᬩᬂᬓᬾ᭟ᬩᬸᬯᬶᬦ᭄ᬫᬓ᭄ᬭᬸᬡᬢᬶᬫ᭄ᬧᬮ᭄ᬦᬾ᭞
”ᬚᬮᬦ᭄ᬲᬸᬩᬳᬩᬓᬧᬸᬭᬤᬾᬰ᭞ᬤᬶᬢᬸᬜᬾᬦ᭄ᬩᬦᬶᬗᬸᬢᬂᬩᬗ᭄ᬓᬵᬦ᭄᭟”
ᬫᬲᬳᬸᬢ᭄ᬢᬶᬫ᭄ᬧᬮ᭄ᬦᬾ᭞ ”ᬚᬮᬦ᭄᭟”
ᬮᬦ᭄ᬢᬲ᭄ᬢᭂᬕᭂᬦᬧᭂᬢᬶᬦᬾ᭞ᬳᬩᬦᬓᬧᬸᬭ᭟ᬫᬭᬦᭂᬓᭂᬤ᭄ᬤᬶᬢᬸ᭞ᬮᬦ᭄ᬢᬲ᭄ᬳᬸᬂᬓᬩᬗ᭟ᬫᬭᬳᭂᬦᭀᬢᬩᬗ᭄ᬓᬾᬦ᭄ᬧᬦ᭄ᬩᬮᬂᬢᬫᬓᬾᬜᭂᬗ᭄ᬓᬂ᭞ᬮᬦ᭄ᬢᬲ᭄ᬧ᭄ᬮᬳᬶᬩᬶᬦ᭞ᬓᬸᬢᬗᬧᭂᬢᬶᬦᬾᬤᬶᬢᬸ᭟
ᬓᬘ᭄ᬭᬶᬢᬫᬦᬶᬦ᭄ᬦᬾᬫᬭᬕᬮᬂᬓᬗᬶᬦ᭄᭞ᬦᬸᬚᬸᬚᭂᬭᭀᬫᬗ᭄ᬓᬸᬗᬢᬸᬭᬂᬘᬦᬂᬓᬧᬸᬭ᭞ᬫᬭᬦᭂᬗᭀᬓ᭄ᬲᬶᬕ᭄ᬓᭀᬭᬶᬳᬕᬸᬗᬾ᭞ᬢᬶᬗᬮᬶᬦᬳᬤᬧᭂᬢᬶᬕᭂᬤᬾᬤᬶᬦᬢᬄᬧᬶᬬᬲᬾ᭞ᬮᬦ᭄ᬢᬲ᭄ᬚᭂᬭᭀᬫᬗ᭄ᬓᬸᬫᬲᬶᬮᬢᬶᬤᬶᬂᬲᬫ᭄ᬩᬶᬮᬗᬜᬸᬫ᭄ᬩᬄ: ”ᬪᬢᬭᬦ᭄ᬢᬶᬢ᭄ᬬᬗᬾᬫᬧᬳᬶᬘ᭞ᬩᬢᬭᬦ᭄ᬢᬶᬢ᭄ᬬᬗᬾᬫᬧᬳᬶᬘ᭟” ᬩᬵᬦ᭄ᬲᬶᬂᬳᬤᬩᬦᬶᬫᬸᬗ᭄ᬓᬄ᭞ᬗᬦ᭄ᬢᬶᬬᬂᬳᬧᬗᬧᭂᬧᭂᬓ᭄ᬤᬾᬰᬦᬾᬢᭂᬓ᭟ᬫᬭᬢᭂᬓᬳᬸᬓᬸᬤ᭄ᬜᬸᬫ᭄ᬩᬄ᭞ᬢᭂᬓᬳᬸᬓᬸᬤ᭄ᬜᬸᬫ᭄ᬩᬄ᭟
ᬲᬸᬩᬓᭀᬦᬾᬧᭂᬧᭂᬓ᭄ᬧᬤᬜᬸᬫ᭄ᬩᬄ᭞ᬮᬦ᭄ᬢᬲ᭄ᬧᭂᬢᬶᬦᬾᬩᬸᬗ᭄ᬓᬳ᭞ᬗᭂᬢ᭄ᬩᬗ᭄ᬓᬾᬦ᭄ᬧᬦ᭄ᬩᬮᬂᬢᬫᬓᬾᬜᭂᬗ᭄ᬓᬸ᭞ᬤᬤᬶᬢᭂᬗ᭄ᬓᭂᬚᬸᬢ᭄ᬤᬾᬰᬦᬾ᭞ᬩᬸᬯᬶᬦ᭄ᬧᬤᬫᬶᬲᬸᬳᬶᬦ᭄ᬩᬗ᭄ᬓᬾᬦ᭄ᬧᬦ᭄ᬩᬮᬂᬢᬫᬓᬾ᭟ᬳᭂᬦ᭄ᬢᭀᬚᬧᬶᬦ᭄ᬧᬶᬲᬸᬳᬶᬦ᭄᭞ᬫ᭄ᬮᬸᬢᬂᬬ᭞ᬓᬤᬸᬂᬲᬸᬩᬩᬓᬢ᭄ᬲᬸᬫ᭄ᬩᬄ᭟ᬧᬸᬧᬸᬢ᭄ᬦᬾᬤᬾᬰᬦᬾᬢᬸᬬᬸᬄ ᬫᬾᬬᬦᬶᬦ᭄ᬫᬸᬯᬄᬦᬦᭂᬫᬂᬩᬗ᭄ᬓᬾᬦ᭄ᬧᬦ᭄ᬩᬮᬂᬢᬫᬓᬾ᭟ᬓᬾᬢᭀᬓᬢᬸᬢᬸᬭᬦ᭄ᬜ᭟
Apakah kamu bisa menyelesaikan membacanya. Kalau tidak bisa aku saranin baca bareng-bareng giliran dikelas ya!
Makna terkandung dalam satua pan balang tamak
adalah:
- Jadilah orang cerdik agar tidak mudah dibohongi
- Jangan gunakan kecerdikan untuk membuat orang kesal, karena kecerdikanmu bisa menjadi sumber petakamu
- Buatlah rencana lebih lebih dari satu, untuk mengalahkan musuhmu
- Banyak itu belum tentu menang, jika walaupun kamu sendiri, tapi tahu caranya mengalahkan mereka
- Belajarlah berbicara untuk membela diri, karena perbuatanmu saja belum tentu akan diterima oleh orang banyak.
Semoga bisa membantu kamu belajar membaca tulisan Aksara Bali
Post a Comment
mari bertukar pikiran dikolom komentar