Satua I Lutung teken I Keker
Satu I Lutung teken I Keker
Mengisahkan seekor monyet jail yang ingin ngerjain seekor burung keker, dan hampir burung keker tersebut mati, atas perbuatannya terhadap keker tersebut, seekor sapi membalasnya, namun karena kecerdikan si monyet dia akhirnya selamat dan sempat juga menjaili seekor kura-kura.
lucu dan ngeselin kisahnya. yuk simak!
Satua I Lutung teken I Keker
Nuju dina anu, I Lutung mesusupan ketengah alase. Irika ipun miragiang suaran Keker. Minab I Keker mara teka uli ngalih amah-amahan. Raris I Lutung nyujur katongosne I Keker saha matakon: "Uduh Keker, tulungin apa awake, suba mekelo tusing ngamah, ajak apa icang ketongos ane ada amahan."
I Keker mesaut, "Beh awake tusing ja percaya ajak cai, setata corah ajak anak len."
Ningehang pesautne Keker buka keto, pedih ipun I lutung. raris ipun masaut, "Nah Keker, kaliwat baan iba nyadcad padewek gelahe, yen keto unduke satmaka iba ngadakang awake apang enggal mati."
Engsek I Keker ningeh pesautne I Lutung, mapineh ipun, "wih saja buka munyine I Lutung, to kan mara orta dijalan dogen, minab tusing ja makejang Lutunge sekadi punika."
Mesaut ipun I Keker, "Nah mani bareng ajaka ngalih amah di pasihe." Kendel ipun I Lutung ningehang buka keto.
Raris kacritayang mani semengne ipun sareng kalih kepasihe ngalih amahan. kekeberan ipun I Lutung olih I Keker katengah pasihe. Akeh ipun molihin be. Kacrita sampun nyancan wengi, malipetan ipun ke pesisi. I Keker memunyi, "Ih Lutung mai suud malu, suba peteng nenenan. Gisiang batis wakene."
Kacrita I Lutung nekekang ngisiang batisne I Keker, nganteg ipun ring pasisi. Raris I keker malih memunyi, "Ih lutung lebang batis awake." Nanging santukan I lutung mula saking jailne, sing ja lebange batis I Kekere, nanging malih tekekanga saha mutbut bulune I Keker.
Kacritayang I Keker nyaru-nyaru mati. Raris I lutung magedi ngalih saang lan basa-basa. Rikala I Lutung mekaed, irika raris I Keker melaib mengkeb di bete, saha ngeling santukan naahan sakit bulune bubuta. Kacingak ipun olih I Sampi. "Ih Keker dadi cai ngeling sigsig dini?" Raris kacritayang sami olih I Keker. Gedeg basangne I Sampi, raris ipun ngorahang pacang ngwales pabuatne I Lutung.
Kacritayang I Sampi liwat, tepukina ajak I Lutung, "Sampi cai lakar kija ento?" I Sampi mesaut, "Ne icang lakar kesegara lakar ngalih amahan." Malih mesaut I Lutung, "Icang milu sik, suba abulanan icang tusing ngamah-ngamah"
Kacritayang ipun sareng kalih luas kesegara, I Lutung negak diduur tundune I Sampi, risampune ring tengahing segara, I Sampi memunyi, "Ih Tung, icang mememan malu, cai ditu duur batune malu negak!" Raris I Lutung mekecog negak ka duur batune, raris I Sampi ngencolang magedi. Merasa awakne pacang kesengkalen, ngeling I Lutung metulung-tulung, nanging I Sampi tetep kesisi, santukan tetujonne wantah matiang I Lutung burone setata corah teken timpal.
Kacritayang mangkin wenten I Penyu lewat, kacingakin ipun I Lutung ngeling diduur batune padidiane, irika laut I Penyu maekin, saha metakon. "Ih Lutung dadi cai dini ngeling." Ditu lantas I Lutung ngarianin daya ngaenang satua I Sampi edot matiang ipun santukan nenten seneng ring ipun. Kapiwelasan I Penyu, raris katulungin I Lutung, santukan I Lutung ngorahang lakar maang upah yening enyak nulungin.
Sampun raris ipun ring pesisi segarane, mekecog I Lutung. Ngomong I Lutung, "Ih penyu dadi dueg cai ngelangi, apa to mawinan?" Mesaut I Penyu saha masemu bangga tekening dewek, "Ne tangkah icange pinaka tegakan, kepes icange pinaka dayung." Pesu keneh jailne I Lutung, raris ipun metakon, "Tegarang edengan tangkah caine, icang dot nepukin." Beh jeg merasa malih menekan rasa bangga ne ipun I Penyu, saha mesaut. "Nah tulungin icang, badingan sep awak icange, ditu lakar tepuk cai tangkah icange." Raris I Lutung maekin, saha ningting I Penyu, "Gedublag" keto munyine I Penyu mebading. Mepineh I Lutung "Jani suba awake lakar nyate penyu." Ngomong I Penyu, "Badingan awake Tung." Cengar-cengir I Lutung, saha ngredeg I Penyu, ngeling ipun I Penyu santukan ipun inget teken bayane teka. I Lutung cengar-cengir.
Satua I Lutung teken I Keker Versi Aksara Bali
ᬳᬶᬮᬸᬢᬸᬂᬢᭂᬓᬾᬦ᭄ᬳᬶᬓᬾᬓᬾᬃ᭟
ᬦᬸᬚᬸᬤᬶᬦᬳᬦᬸ᭞ᬳᬶᬮᬸᬢᬸᬂᬫᭂᬲᬸᬲᬸᬧᬦ᭄ᬓᭂᬢᭂᬗᬄᬳᬮᬲᬾ᭟ᬳᬶᬭᬶᬓᬳᬶᬧᬸᬦ᭄ᬫᬶᬭᬕᬶᬬᬂᬲᬸᬯᬭᬦ᭄ᬓᬾᬓᬾᬃ᭟ᬫᬶᬦᬩ᭄ᬳᬶᬓᬾᬓᬾᬃᬫᬭᬢᭂᬓᬳᬸᬮᬶᬗᬮᬶᬄᬳᬫᬄᬳᬫᬳᬦ᭄᭟ᬭᬭᬶᬲ᭄ᬳᬶᬮᬸᬢᬸᬂᬜᬸᬚᬸᬃᬓᬢᭀᬗᭀᬲ᭄ᬦᬾ ᬳᬶᬓᬾᬓᬾᬃᬲᬳᬫᬢᬓᭀᬦ᭄: "ᬳᬸᬤᬸᬄᬓᬾᬓᬾᬃ᭞ᬢᬸᬮᬸᬗᬶᬦ᭄ᬳᬧᬳᬯᬓᬾ᭞ᬲᬸᬩᬫᭂᬓᭂᬮᭀᬢᬸᬲᬶᬂᬗᬫᬄ᭞ᬳᬚᬓ᭄ᬳᬧᬳᬶᬘᬂᬓᭂᬢᭀᬗᭀᬲ᭄ᬳᬦᬾ ᬳᬤᬳᬫᬳᬦ᭄᭟" ᬳᬶᬓᬾᬓᬾᬃᬫᭂᬲᬳᬸᬢ᭄᭞ "ᬩᬾᬄᬳᬯᬓᬾᬢᬸᬲᬶᬂᬚᬧᭂᬃᬘᬬᬳᬚᬓ᭄ᬘᬳᬶ᭞ᬲᭂᬢᬢᬘᭀᬭᬄᬳᬚᬓ᭄ᬳᬦᬓ᭄ᬮᬾᬦ᭄᭟"
ᬦᬶᬗᭂᬳᬂᬧᭂᬲᬳᬸᬢ᭄ᬦᬾᬓᬾᬓᬾᬃ ᬩᬸᬓᬓᬾᬢᭀ᭞ᬧᭂᬤᬶᬄᬳᬶᬧᬸᬦ᭄ᬳᬶᬮᬸᬢᬸᬂ᭟ᬭᬭᬶᬲ᭄ᬳᬶᬧᬸᬦ᭄ᬫᬲᬳᬸᬢ᭄᭞ "ᬦᬄᬓᬾᬓᬾᬃ᭞ᬓᬮᬶᬯᬢ᭄ᬩᬵᬦ᭄ᬳᬶᬩ ᬜᬤ᭄ᬘᬤ᭄ᬧᬤᬾᬯᬾᬓ᭄ᬕᭂᬮᬳᬾ᭞ᬬᬾᬦ᭄ᬓᬾᬢᭀᬳᬸᬦ᭄ᬤᬸᬓᬾᬲᬵᬢ᭄ᬫᬓ ᬳᬶᬩᬗᬤᬓᬂᬳᬯᬓᬾᬳᬧᬂᬳᭂᬗ᭄ᬕᬮ᭄ᬫᬢᬶ᭟" ᬳᭂᬗ᭄ᬲᭂᬓ᭄ᬳᬶᬓᬾᬓᬾᬃᬦᬶᬗᭂᬄ ᬧᭂᬲᬳᬸᬢ᭄ᬦᬾᬳᬶᬮᬸᬢᬸᬂ᭞ᬫᬧᬶᬦᭂᬄᬳᬶᬧᬸᬦ᭄᭞ "ᬯᬶᬄᬲᬚᬩᬸᬓᬫᬸᬜᬶᬦᬾᬳᬶᬮᬸᬢᬸᬂ᭞ᬢᭀᬓᬦ᭄ᬫᬭᬳᭀᬃᬢᬤᬶᬚᬮᬦ᭄ᬤᭀᬕᬾᬦ᭄᭞ᬫᬶᬦᬩ᭄ᬢᬸᬲᬶᬂᬚᬫᬓᭂᬚᬂᬮᬸᬢᬸᬗᬾ ᬲᭂᬓᬤᬶᬧᬸᬦᬶᬓ᭟"
ᬫᭂᬲᬳᬸᬢ᭄ᬳᬶᬧᬸᬦ᭄ᬳᬶᬓᬾᬓᬾᬃ᭞ᬦᬄᬫᬦᬶᬩᬋᬂᬳᬚᬓᬗᬮᬶᬄᬳᬫᬄᬤᬶᬧᬲᬶᬳᬾ᭟ᬓᭂᬦ᭄ᬤᭂᬮ᭄ᬳᬶᬧᬸᬦ᭄ᬳᬶᬮᬸᬢᬸᬂᬦᬶᬗᭂᬳᬂᬩᬸᬓᬓᬾᬢᭀ᭟
ᬭᬭᬶᬲ᭄ᬓᬘ᭄ᬭᬶᬢᬬᬂᬫᬦᬶᬲᭂᬫᭂᬂᬦᬾᬳᬶᬧᬸᬦ᭄ᬲᬋᬂ ᬓᬮᬶᬄᬓᭂᬧᬲᬶᬳᬾᬗᬮᬶᬄᬳᬫᬳᬦ᭄᭟ᬓᭂᬓᭂᬩᭂᬭᬦ᭄ᬳᬶᬧᬸᬦ᭄ᬳᬶᬮᬸᬢᬸᬂᬳᭀᬮᬶᬄ ᬳᬶᬓᬾᬓᬾᬃᬓᬢᭂᬗᬄᬧᬲᬶᬳᬾ᭟ᬳᬓᬾᬄᬳᬶᬧᬸᬦ᭄ᬫᭀᬮᬶᬳᬶᬦ᭄ᬩᬾ᭟ᬓᬘ᭄ᬭᬶᬢᬲᬫ᭄ᬧᬸᬦ᭄ᬜᬜ᭄ᬘᬦ᭄ᬯᭂᬗᬶ᭞ᬫᬮᬶᬧᭂᬢᬦ᭄ᬳᬶᬧᬸᬦ᭄ᬓᭂᬧᭂᬲᬶᬲᬶ᭟ᬳᬶᬓᬾᬓᬾᬃᬫᭂᬫᬸᬜᬶ᭞ "ᬳᬶᬄᬮᬸᬢᬸᬂᬫᬳᬶᬲᬸᬯᬸᬤ᭄ᬫᬮᬸ᭞ᬲᬸᬩᬧᭂᬢᭂᬂᬦᬾᬦᬾᬦᬦ᭄᭟ᬕᬶᬲᬶᬬᬂᬩᬢᬶᬲ᭄ᬯᬓᬾᬦᬾ᭟" ᬓᬘ᭄ᬭᬶᬢᬳᬶᬮᬸᬢᬸᬂᬦᭂᬓᭂᬓᬂ ᬗᬶᬲᬶᬬᬂᬩᬢᬶᬲ᭄ᬦᬾᬳᬶᬓᬾᬓᬾᬃ᭞ᬗᬦ᭄ᬢᭂᬕ᭄ᬳᬶᬧᬸᬦ᭄ᬭᬶᬂᬧᬲᬶᬲᬶ᭟ᬭᬭᬶᬲ᭄ᬳᬶᬓᬾᬓᬾᬃᬫᬮᬶᬄᬫᭂᬫᬸᬜᬶ᭞ᬳᬶᬄᬮᬸᬢᬸᬂᬮᬾᬩᬵᬂᬩᬢᬶᬲ᭄ᬳᬯᬓᬾ᭟ᬦᬗᬶᬂᬲᬦ᭄ᬢᬸᬓᬦ᭄ᬳᬶᬮᬸᬢᬸᬂᬫᬸᬮᬲᬓᬶᬂᬚᬳᬶᬮ᭄ᬦᬾ᭞ᬲᬶᬂᬚᬮᬾᬩᬗᬩᬢᬶᬲ᭄ᬳᬶᬓᬾᬓᬾᬭᬾ᭞ᬦᬗᬶᬂᬫᬮᬶᬄᬢᭂᬓᭂᬓᬗᬲᬳ ᬫᬸᬢ᭄ᬩᬸᬢ᭄ᬩᬸᬮᬸᬦᬾᬳᬶᬓᬾᬓᬾᬃ᭟
ᬓᬘ᭄ᬭᬶᬢᬬᬂᬳᬶᬓᬾᬓᬾᬃᬜᬭᬸᬜᬭᬸᬫᬢᬶ᭟ᬭᬭᬶᬲ᭄ᬳᬶᬮᬸᬢᬸᬂᬫᬕᭂᬤᬶᬗᬮᬶᬄᬲᬵᬂᬮᬦ᭄ᬩᬲᬩᬲ᭟ᬭᬶᬓᬮᬳᬶᬮᬸᬢᬸᬂᬫᬓᭂᬳᭂᬤ᭄᭞ᬳᬶᬭᬶᬓᬭᬭᬶᬲ᭄ᬳᬶᬓᬾᬓᬾᬃ ᬫᭂᬮᬳᬶᬩ᭄ᬫᭂᬗ᭄ᬓᭂᬩ᭄ᬤᬶᬩᭂᬢᬾ᭞ᬲᬳᬗᭂᬮᬶᬂᬲᬦ᭄ᬢᬸᬓᬦ᭄ᬦᬵᬦ᭄ᬲᬓᬶᬢ᭄ᬩᬸᬮᬸᬦᬾ ᬩᬸᬩᬸᬢ᭟ᬓᬘᬶᬗᬓ᭄ᬳᬶᬧᬸᬦ᭄ᬳᭀᬮᬶᬄᬳᬶᬲᬫ᭄ᬧᬶ᭟ "ᬳᬶᬄᬓᬾᬓᬾᬃᬤᬤᬶ ᬘᬳᬶᬗᭂᬮᬶᬂᬲᬶᬕ᭄ᬲᬶᬕ᭄ᬤᬶᬦᬶ᭟" ᬭᬭᬶᬲ᭄ᬓᬘ᭄ᬭᬶᬢᬬᬂᬲᬫᬶᬳᭀᬮᬶᬄᬳᬶᬓᬾᬓᬾᬃ᭟ᬕᭂᬤᭂᬕ᭄ᬩᬲᬂᬦᬾᬳᬶᬲᬫ᭄ᬧᬶ᭞ᬭᬭᬶᬲ᭄ᬳᬶᬧᬸᬦ᭄ᬗᭀᬭᬳᬂᬧᬘᬂ ᬗ᭄ᬯᬍᬲ᭄ᬧᬩᬸᬯᬢ᭄ᬦᬾᬳᬶᬮᬸᬢᬸᬂ᭟
ᬓᬘ᭄ᬭᬶᬢᬬᬂᬳᬶᬲᬫ᭄ᬧᬶᬮᬶᬯᬢ᭄᭞ᬢᭂᬧᬸᬓᬶᬦᬳᬚᬓ᭄ᬳᬶᬮᬸᬢᬸᬂ᭞ "ᬲᬫ᭄ᬧᬶᬘᬳᬶᬮᬓᬃᬓᬶᬚᬳᭂᬦ᭄ᬢᭀ᭟" ᬳᬶᬲᬫ᭄ᬧᬶᬫᭂᬲᬳᬸᬢ᭄᭞ "ᬦᬾᬳᬶᬘᬂᬮᬓᬃᬓᭂᬲᬕᬵᬭᬮᬓᬃ ᬗᬮᬶᬄᬳᬫᬳᬦ᭄᭟" ᬫᬮᬶᬄᬫᭂᬲᬳᬸᬢ᭄ᬳᬶᬮᬸᬢᬸᬂ᭞ "ᬳᬶᬘᬂᬫᬶᬮᬸᬲᬶᬓ᭄᭞ᬲᬸᬩᬳᬩᬸᬮᬦᬦ᭄ᬳᬶᬘᬂᬢᬸᬲᬶᬂᬗᬫᬄᬗᬫᬄ᭟"
ᬓᬘ᭄ᬭᬶᬢᬬᬂᬳᬶᬧᬸᬦ᭄ᬲᬋᬂ ᬓᬮᬶᬄᬮᬸᬯᬲ᭄ᬓᭂᬲᬕᬭ᭞ᬳᬶᬮᬸᬢᬸᬂᬦᭂᬕᬓ᭄ᬤᬶᬤᬹᬃᬢᬸᬦ᭄ᬤᬸᬦᬾᬳᬶᬲᬫ᭄ᬧᬶ᭞ᬭᬶᬲᬫ᭄ᬧᬸᬦᬾᬭᬶᬂᬢᭂᬗᬳᬶᬂᬲᬕᬭ᭞ᬳᬶᬲᬫ᭄ᬧᬶᬫᭂᬫᬸᬜᬶ᭞ "ᬳᬶᬄᬢᬸᬂ᭞ᬳᬶᬘᬂᬫᭂᬫᭂᬫᬦ᭄ᬫᬮᬸ᭞ᬘᬳᬶᬤᬶᬢᬸᬤᬹᬃᬩᬢᬸᬦᬾᬫᬮᬸᬦᭂᬕᬓ᭄᭟" ᬭᬭᬶᬲ᭄ᬳᬶᬮᬸᬢᬸᬂᬫᭂᬓᭂᬘᭀᬕ᭄ᬦᭂᬕᬓ᭄ᬓᬤᬹᬃᬩᬢᬸᬦᬾ᭞ᬭᬭᬶᬲ᭄ᬳᬶᬲᬫ᭄ᬧᬶᬗᬾᬜ᭄ᬘᭀᬮᬂᬫᬕᭂᬤᬶ᭟ᬫᭂᬭᬲᬳᬯᬓ᭄ᬦᬾᬧᬘᬂᬓᭂᬲᭂᬗ᭄ᬓᬮᬾᬦ᭄᭞ᬗᭂᬮᬶᬂᬳᬶᬮᬸᬢᬸᬂᬫᭂᬢᬸᬮᬸᬂᬢᬸᬮᬸᬂ᭞ᬦᬗᬶᬂᬳᬶᬲᬫ᭄ᬧᬶᬢᭂᬢᭂᬧ᭄ᬓᬲᬶᬲᬶ᭞ᬲᬦ᭄ᬢᬸᬓᬦ᭄ᬢᭂᬢᬸᬚᭀᬦ᭄ᬦᬾᬯᬦ᭄ᬢᬄ ᬫᬢᬶᬬᬂᬳᬶᬮᬸᬢᬸᬂᬩᬸᬭᭀᬦᬾ ᬲᭂᬢᬢᬘᭀᬭᬄᬢᭂᬓᬾᬦ᭄ᬢᬶᬫ᭄ᬧᬮ᭄᭟
ᬓᬘ᭄ᬭᬶᬢᬬᬂᬫᬂᬓᬶᬦ᭄ᬯᬾᬦ᭄ᬢᭂᬦ᭄ᬳᬶᬧᭂᬜᬸᬮᬾᬯᬢ᭄᭞ᬓᬘᬶᬗᬓᬶᬦ᭄ᬳᬶᬧᬸᬦ᭄ᬳᬶᬮᬸᬢᬸᬂᬗᭂᬮᬶᬂᬤᬶᬤᬹᬃ ᬩᬢᬸᬦᬾᬧᬤᬶᬤ᭄ᬬᬦ᭞ᬳᬶᬭᬶᬓᬮᬳᬸᬢ᭄ᬳᬶᬧᭂᬜᬸᬫᬳᭂᬓᬶᬦ᭄᭞ᬲᬳᬫᭂᬢᬓᭀᬦ᭄᭟ "ᬳᬶᬄᬮᬸᬢᬸᬂᬤᬤᬶᬘᬳᬶᬤᬶᬦᬶᬗᭂᬮᬶᬂ᭟" ᬤᬶᬢᬸᬮᬦ᭄ᬢᬲ᭄ᬳᬶᬮᬸᬢᬸᬂᬗᬃᬬᬦᬶᬦ᭄ᬤᬬ ᬗᬳᬾᬦᬂᬲᬢ᭄ᬯᬳᬶᬲᬫ᭄ᬧᬶᬳᭂᬤᭀᬢ᭄ᬫᬢᬶᬬᬂ ᬳᬶᬧᬸᬦ᭄ᬲᬦ᭄ᬢᬸᬓᬦ᭄ᬦᬾᬦ᭄ᬢᭂᬦ᭄ᬲᭂᬦᭂᬂᬭᬶᬂᬳᬶᬧᬸᬦ᭄᭟ᬓᬧᬶᬯᭂᬮᬲᬦ᭄ᬳᬶᬧᭂᬜᬸ᭞ᬭᬭᬶᬲ᭄ᬓᬢᬸᬮᬸᬗᬶᬦ᭄ᬳᬶᬮᬸᬢᬸᬂ᭞ᬲᬦ᭄ᬢᬸᬓᬦ᭄ᬳᬶᬮᬸᬢᬸᬂᬗᭀᬭᬳᬂᬮᬓᬃ ᬫᬵᬂᬳᬸᬧᬄᬬᬾᬦᬶᬂᬳᭂᬜᬓ᭄ᬦᬸᬮᬸᬗᬶᬦ᭄᭟
ᬲᬫ᭄ᬧᬸᬦ᭄ᬭᬭᬶᬲ᭄ᬳᬶᬧᬸᬦ᭄ᬭᬶᬂᬧᭂᬲᬶᬲᬶᬲᬕᬭᬦᬾ᭞ᬫᭂᬓᭂᬘᭀᬕ᭄ᬳᬶᬮᬸᬢᬸᬂ᭟ᬗᭀᬫᭀᬂᬳᬶᬮᬸᬢᬸᬂ᭞ "ᬳᬶᬄᬧᭂᬜᬸᬤᬤᬶᬤᬸᬯᭂᬕ᭄ᬘᬳᬶᬗᭂᬮᬗᬶ᭞ᬳᬧᬢᭀᬫᬯᬶᬦᬦ᭄᭟" ᬫᭂᬲᬳᬸᬢ᭄ᬳᬶᬧᭂᬜᬸᬲᬳ ᬫᬲᭂᬫᬸᬩᬗ᭄ᬕᬢᭂᬓᬾᬦᬶᬂᬤᬾᬯᬾᬓ᭄᭞ "ᬦᭂᬢᬗ᭄ᬓᬄᬳᬶᬘᬗᬾᬧᬶᬦᬓᬢᭂᬕᬓᬦ᭄᭞ᬓᬾᬧᬾᬲ᭄ᬳᬶᬘᬗᬾᬧᬶᬦᬓᬤᬬᬸᬂ᭟" ᬧᭂᬲᬸᬓᭂᬦᭂᬄᬚᬳᬶᬮ᭄ᬦᬾᬳᬶᬮᬸᬢᬸᬂ᭞ᬭᬭᬶᬲ᭄ᬳᬶᬧᬸᬦ᭄ᬫᬢᬓᭀᬦ᭄᭞ "ᬢᭂᬕᬭᬂᬳᬾᬤᬾᬗᬦ᭄ᬢᬗ᭄ᬓᬄᬘᬳᬶᬦᬾ᭞ᬳᬶᬘᬂᬤᭀᬢ᭄ᬦᭂᬧᬸᬓᬶᬦ᭄᭟" ᬩᬾᬄᬚᭂᬕ᭄ᬫᬭᬲᬫᬮᬶᬄᬫᭂᬦᬾᬓᬦ᭄ᬭᬲ ᬩᬗ᭄ᬕᬦᬾᬳᬶᬧᬸᬦ᭄ᬳᬶᬧᭂᬜᬸ᭞ᬲᬳᬫᭂᬲᬳᬸᬢ᭄᭟ "ᬦᬄᬢᬸᬮᬸᬗᬶᬦ᭄ᬳᬶᬘᬂ᭞ᬩᬤᬶᬗᬦ᭄ᬓᭂᬲᭂᬧ᭄ᬳᬯᬓ᭄ᬳᬶᬘᬗᬾ᭞ᬤᬶᬢᬸᬮᬓᬃᬢᭂᬧᬸᬓ᭄ᬘᬳᬶᬢᬗ᭄ᬓᬄᬳᬶᬘᬗᬾ᭟" ᬭᬭᬶᬲ᭄ᬳᬶᬮᬸᬢᬸᬂᬫᬳᭂᬓᬶᬦ᭄᭞ᬲᬳᬦᬶᬂᬢᬶᬂᬳᬶᬧᭂᬜᬸ᭞"ᬕᭂᬤᬸᬩ᭄ᬮᬕ᭄᭟" ᬓᬾᬢᭀᬫᬸᬜᬶᬦᬾᬳᬶᬧᭂᬜᬸᬫᭂᬩᬤᬶᬂ᭟ᬫᭂᬧᬶᬦᭂᬄᬳᬶᬮᬸᬢᬸᬂ᭞ "ᬚᬦᬶᬲᬸᬩᬳᬯᬓᬾᬮᬓᬃᬜᬢᬾᬧᭂᬜᬸ᭟" ᬗᭀᬫᭀᬂᬳᬶᬧᭂᬜᬸ᭞ "ᬩᬤᬶᬗᬦ᭄ᬳᬯᬓᬾᬢᬸᬂ᭟" ᬘᭂᬗᬃᬘᭂᬗᬶᬃᬳᬶᬮᬸᬢᬸᬂ᭞"ᬲᬳᬗ᭄ᬭᬾᬤᬾᬕ᭄ᬳᬶᬧᭂᬜᬸ᭞ᬗᭂᬮᬶᬂᬳᬶᬧᬸᬦ᭄ᬳᬶᬧᭂᬜᬸ ᬲᬦ᭄ᬢᬸᬓᬦ᭄ᬳᬶᬧᬸᬦ᭄ᬳᬶᬗᭂᬢ᭄ᬢᭂᬓᬾᬦ᭄ᬩᬬᬦᬾ ᬢᭂᬓ᭟ᬳᬶᬮᬸᬢᬸᬂᬘᭂᬗᬃᬘᭂᬗᬶᬃ᭟
Sungguh kesel saya Si Lutung tuh, jailnya kelewatan. Namun banyak nilai, makna dan pesan yang bisa kita petik dari kisah diatas, diantaranya adalah:
Makna yang terkandung dalam satua I Lutung Teken I Keker
- Jangan terlalu mudah menuduh orang lain, jika itu hanya sebatas berita angin yang kamu dengar.
- Jika kamu sudah mendengar kabar buruk tentang sikap seseorang bukan berarti kamu harus mengabaikan cerita itu 100%, namun jadikan cerita itu sebagai pemahaman dasar terhadap orang itu agar kamu tetap waspada akan keselamatanmu.
- Berbuat baik boleh saja dengan merasa iba atau bersalah, namun tetaplah berbuat baik bersadarkan logika dan kebenaran.
- Ketika melihat ada orang yang dijahati, jika orang yang diajahati belum bisa membantu dirinya, bantulah dia untk semetara.
- Membalas kejahatan bukan berarti kamu ada diposisi salah, namun ingatlah pembalasan akan menyebabkan pembalasan.
- Jangan cepat percaya pada kisah yang kamu hanya dengar dari satu pihak, karena setiap sisi memeliki kebenaran masing-masing. Pilah dan pilihlah kebenaran yang menurutmu berdasarkan darmaning darma.
- Jangn mudah terlena dengan pujian seseorang, karena tidak selalu pujian tujuannya untuk meninggikan semangatmu, namun terkadang pujian bertujuan untuk menjatuhkan egomu.
- Jangan mudah terlena karena merasa paling hebat, karena rasa "paling" membuat kamu menjadi kurang berlogika dan akan sangat mudah untuk dibalikkan oleh musuhmu.
Yuk mesatua bali bareng-bareng.
Post a Comment
mari bertukar pikiran dikolom komentar