Satua Bali Cicing Gudig versi Aksara Bali

tut balance
March 23, 2021

tutlencEducation -  sebelumnya kita sudah membuat satua bali I Lutung teken I Kekua menggunakan Aksara Bali. Nah kali ini kita akan menyalin Satua Bali "Cicing Guding" kedalam aksara bali.

Satua Bali "Cicing Gudig" versi Aksara Bali

untuk kamu yang ingin membaca versi huruf latinnya bisa kamu baca Disini

dan untuk versi Aksara Balinya yuk kita belajar membacanya disini.

ᬘᬶᬘᬶᬂᬕᬸᬤᬶᬕ᭄
ᬦᬄ ᬳᬤ ᬓᭀᬦᬾ ᬢᬸᬢᬸᬭᬦ᭄ᬲᬢ᭄ᬯ ᬳᬶ ᬘᬶᬘᬶᬂ ᬕᬸᬤᬶᬕ᭄᭟ ​ᬳᬶ ᬘᬶᬘᬶᬂ ᬕᬸᬤᬶᬕ᭄᭞ ​ᬩᬸᬓ ᬳᬤᬦ᭄ᬦᬾ ᬩᭂᬭᬕ᭄ᬢᬾᬕ᭄ᬭᬾᬕ᭄ᬢᬸᬃ ᬓᬾᬲ᭄ᬓᬾᬲ᭄ᬕᬸᬤᬶᬕ᭄᭞ ​ᬲᬶᬂ ᬚᬮᬦᬦ᭄ ​ᬫ᭄ᬮᬶᬲ᭄ᬧᬶᬲ᭄ᬳᬤ ᬤᭀᬕᬾᬦ᭄ᬳᬦᬓ᭄ᬗᭂᬲᭂᬓᬂ ᬯ᭄ᬬᬤᬶᬦ᭄ᬗᬮ᭄ᬢᬶᬕ᭄᭟ ​ᬲᬳᬶ​ᬲᬳᬶ ᬓᭀᬦᬾ ᬳᬶᬬ ᬫᬲᭂᬮ᭄ᬲᭂᬮᬦ᭄᭞ ​ᬜᭂᬮ᭄ᬲᭂᬮᬂ ᬩᬸᬯᬢ᭄ᬓᬮᬘᬸᬭᬦ᭄ᬦᬾ ᬢᬸᬫ᭄ᬩᬸᬄ ᬤᬤᬶ ᬘᬶᬘᬶᬂ ᬫᬓᭂᬚᬂ ᬳᬦᬓᬾ ᬢᬸᬯᬭ ᬗᬶᬬᭂᬗᬶᬦ᭄᭟​ ᬲᭂᬤᭂᬓ᭄ᬤᬶᬦ ᬳᬦᬸ ᬳᬶ ᬘᬶᬘᬶᬂ ᬕᬸᬤᬶᬕ᭄​ ᬫ᭄ᬮᬶᬲ᭄ᬧᬶᬲ᭄ ᬤᬶᬧᭂᬓᭂᬦᬾ᭟ ​ᬳᬤ ᬓᭀᬦᬾ ᬳᬦᬓ᭄ᬫᬤᬵᬃ ᬤᬶ ᬤᬕᬂᬦᬲᬶᬦᬾ᭞​ ᬳᭂᬦ᭄ᬢᭀ ᬓᭀᬦᬾ ᬦᭂᬂᬦᭂᬗ ᬫᭂᬦᬾᬓ᭄ᬢᬸᬯᬸᬦᬗ ᬤᭀᬕᬾᬦ᭄᭟​ ᬓᬾᬦᬾ ᬓᭂᬦᭂᬳ᭄ᬦᬾ ᬳᬶ ᬘᬶᬘᬶᬂ ᬕᬸᬤᬶᬕ᭄᭞​ “ᬬᬦ᭄ᬳᬶᬤᬾᬯᬾᬓ᭄ᬤᬤᬶ ᬫᬦᬸᬲ ᬩᬸᬓ ᬳᬦᬓᬾ ᬳᭂᬦ᭄ᬢᭀ᭞​ ᬓᬾᬦ᭄ᬓᬾᬦ᭄ᬬ ᬍᬕᬦ᭄ᬜᭂᬢᬾ ᬗᬫᬄ᭞ ​ᬫᭂᬩᬾ ᬲᭀᬭᭀᬄ ᬳᬦᬾ ᬫᭂᬮᬄ​ᬫᭂᬮᬄ᭟ ​ᬳᬄ ᬓᭂᬦᬾ ᬩᬵᬦ᭄᭞​ ᬜᬦᬦ᭄ᬧᭂᬢᭂᬗᬾ ᬮᬓᬃ ᬫᬩᬓ᭄ᬢᬶ ᬓᭂᬧᬸᬭ ᬤᬍᬫ᭄᭞​ ᬫᬧᬶᬦᬸᬦᬲ᭄ᬢᭂᬓᬾᬦ᭄ᬩᬢᬭᬷ ᬟᬹᬃᬖ ᬳᬧᬂ ᬤᬤᬶ ᬫᬵᬦᬸᬲ᭟​”
ᬓᬘ᭄ᬭᬶᬢ ᬲᬸᬩ ᬧᭂᬢᭂᬂ᭞ ​ᬫᬩᬓ᭄ᬢᬶ ᬓᭀᬦᬾ ᬮᬦ᭄ᬢᬲ᭄​ ᬳᬶ ᬘᬶᬘᬶᬂ ᬕᬸᬤᬶᬕ᭄ ​ᬤᬶᬧᬸᬭ ᬤᬍᬫ᭄᭟ ​ᬫᭂᬤᬮ᭄ᬮᬦ᭄ᬢᬲ᭄ ᬇᬟ ᬩᬵᬢᬭᬷ ᬟᬹᬃᬖ ᬢᬸᬃ ᬗᬦ᭄ᬤᬶᬓ ᬢᭂᬓᬾᬦ᭄ ​ᬳᬶ ᬘᬶᬘᬶᬂ ᬕᬸᬤᬶᬕ᭄᭞
​”ᬳᬶᬄ ᬳᬶᬩ ᬘᬶᬘᬶᬂ ᬕᬸᬤᬶᬕ᭄᭞​ ᬤᬤᬶ ᬳᬶᬩ ᬗᬘᭂᬧ᭄ᬦᬶᬭ᭞​ ᬳᬧ ᬓᬢᬸᬦᬲᬂ​”
ᬫᬲᬳᬸᬢ᭄ ​ᬳᬶ ᬘᬶᬘᬶᬂ ᬕᬸᬤᬶᬕ᭄᭞
​“ᬳᬶᬗ᭄ᬕᬶᬄ ᬧᬤᬸᬓ ᬩᬵᬢᬭᬷ᭞​ ᬬᬦ᭄ᬧᬤᬸᬓ ᬩᭂᬢᬭᬷ ᬮᬾᬤᬂ᭞​ ᬢᬶᬢ᭄ᬬᬂ ᬫᬧᬶᬦᬸᬦᬲ᭄ᬫᬗ᭄ᬤ ᬤᬤᭀᬲ᭄ᬫᬵᬦᬸᬲ᭟​”
ᬓᬮᬸᬕ᭄ᬭ ᬓᭀᬦᬾ ᬧᬶᬦᬸᬦᬲ᭄ᬦᬾ ᬳᬶ ᬘᬶᬘᬶᬂ ᬕᬸᬤᬶᬕ᭄᭞ ​ᬮᬦ᭄ᬢᬲ᭄ᬳᬶᬬ ᬤᬤᬶ ᬚ᭄ᬮᭂᬫ᭟ ​ᬤᭂᬦᬶᬂ ᬳᬶ ᬘᬶᬘᬶᬂ ᬕᬸᬤᬶᬕ᭄​ ᬢᬸᬲᬶᬂ ᬩᬶᬲ ᬗᬮᬶᬄ ᬕᬳᬾ᭞ ​ᬢᬸᬲᬶᬂ ᬧᬢᬶ ᬓᭀᬦᬾ ᬗᬫᬄ᭟​ ᬫᬭ​ᬫᬭᬵᬦ᭄ᬗᬫᬄ ᬳᬸᬮᬶᬳᬦ᭄ᬫᬵᬦ᭄ᬫᬫᬮᬶᬂ᭟​ ᬧᭂᬧᭂᬲ᭄ᬓᭀᬦᬾ ᬳᬶᬬ ᬓᬢᬭ ᬫᬫᬮᬶᬂ᭟ ᬮᬦ᭄ᬢᬲ᭄ᬩᬸᬯᬶᬦ᭄ᬓᭀᬦᬾ ᬳᬶᬬ ᬫᬩᬓ᭄ᬢᬶ ᬤᬶᬧᬸᬭ ᬤᬍᬫ᭄᭟​ ᬫᭂᬤᬮ᭄ᬮᬦ᭄ᬢᬲ᭄ ᬇᬟ ᬩᬵᬢᬭᬷ ᬟᬹᬃᬖ ᬢᬸᬃ ᬗᬦ᭄ᬤᬶᬓ ᬢᭂᬓᬾᬦ᭄ ​ᬳᬶ ᬘᬶᬘᬶᬂ ᬕᬸᬤᬶᬕ᭄᭞
​“ᬳᬶᬄ ᬳᬶᬩ ᬘᬳᬶ ᬳᬶ ᬘᬶᬘᬶᬂ ᬕᬸᬤᬶᬕ᭄᭞ ​ᬗᬾᬦ᭄ᬓᬾᬦ᭄ᬤᬤᬶ ᬳᬶᬩ ᬩᬸᬯᬶᬦ᭄ᬫᬳᬶ​”
ᬫᬢᬸᬃ ᬳᬶ ᬘᬶᬘᬶᬂ ᬕᬸᬤᬶᬕ᭄᭞
​“ᬳᬶᬗ᭄ᬕᬶᬄ ᬧᬤᬸᬓ ᬩᬵᬢᬭᬷ᭞ ​ᬢᬶᬢ᭄ᬬᬂ ᬢᬦ᭄ᬯᬾᬦ᭄ᬢᭂᬦ᭄ᬤᭂᬫᭂᬦ᭄ᬤᬤᭀᬲ᭄ᬫᬦᬸᬲ ᬧᬜ᭄ᬚᬓ᭄᭟​ ᬬᬦ᭄ᬧᬤᬸᬓ ᬩᬵᬢᬭᬷ ᬍᬤᬂ᭞​ ᬢᬶᬢ᭄ᬬᬂ ᬫᬧᬶᬦᬸᬦᬲ᭄ᬫᬗ᭄ᬤ ᬤᬤᭀᬲ᭄ “ᬧᬢᬶᬄ”᭟
ᬇᬟ ᬩᬵᬢᬭᬷ ᬟᬸᬃᬖ ᬮᬸᬕ᭄ᬭ᭟ ​ᬦᬸᬚ᭄ᬯᬂ ᬧᭂᬲᬦ᭄ᬓᭀᬦᬾ ᬤᬸᬕᬲᬾ ᬳᭂᬦ᭄ᬢᭀ ᬇᬤ ᬲᬂ ᬧ᭄ᬭᬪᬹ ᬗᬺᬋᬄ ᬩᬸᬯᬶᬦ᭄ᬳᬤᬶᬭᬶ᭟​ ᬳᬶ ᬘᬶᬘᬶᬂ ᬕᬸᬤᬶᬕ᭄​ ᬮᬦ᭄ᬢᬲ᭄ᬓᬦ᭄ᬤᬶᬓᬵᬂ ᬤᬤᬶ ᬧᬢᬶᬄ᭞ ​ᬢᬸᬃ ᬳᬶ ᬘᬶᬘᬶᬂ ᬕᬸᬤᬶᬕ᭄ ᬗᬶᬭᬶᬂ᭟​
“ᬩᬾᬄ ᬓᬾᬯᭂᬄ ᬧᭂᬲᬦ᭄ᬳᬶᬤᬾᬯᬾᬓ᭄ᬤᬤᬶ ᬧᭂᬧᬢᬶᬄ᭞​ ᬢᬸᬲᬶᬂ ᬫᬵᬦ᭄ᬗᬾᬦ᭄ᬓᬾᬦ᭄ᬗᬾᬦ᭄ᬓᬾᬦ᭄᭞ ​ᬩᭂᬕ᭄ᬩᭂᬕ᭄ᬧᭂᬲᬦ᭄ᬓᬦ᭄ᬤᬶᬓᬬᬂ ᬢᬗ᭄ᬓᬶᬮ᭄ᬓᬧᬸᬭᬶ᭟​ ᬬᬦ᭄ᬳᬶᬤᬾᬯᬾᬓ᭄ᬤᬤᬶ ᬳᬦᬓ᭄ᬳᬕᬸᬂ᭞ ᬓᬾᬦ᭄ᬓᬾᬦ᭄ᬬ ᬍᬕᬦ᭄ᬜᭂᬢᬾ ᬦᬸᬦ᭄ᬤᬾᬦ᭄ᬦᬸᬦ᭄ᬤᬾᬦ᭄ᬤᭀᬕᬾᬦ᭄᭟​”
ᬓᬾᬢᭀᬓᭂᬦᭂᬳ᭄ᬦᬾ ᬳᬶ ᬘᬶᬘᬶᬂ ᬕᬸᬤᬶᬕ᭄᭟​
ᬜᬦᬦ᭄ᬧᭂᬢᭂᬂᬦᬾ ᬩᬸᬯᬶᬦ᭄ᬓᭀᬦᬾ ᬳᬶᬬ ᬫᬩᬓ᭄ᬢᬶ ᬤᬶᬧᬸᬭ ᬤᬍᬫ᭄᭞​ ᬫᬧᬶᬦᬸᬦᬲᬂ ᬳᬧᬂ ᬤᬤᬶ ᬳᬦᬓ᭄ᬳᬕᬸᬂ᭟​ ᬇᬤ ᬩᬵᬢᬭᬷ ᬟᬹᬃᬖ ᬮᬸᬕ᭄ᬭ᭞ ​ᬮᬦ᭄ᬢᬲ᭄ᬧᬢᬸᬄ ᬧᭂᬲᬦ᭄ᬓᭀᬦᬾ ᬕᭀᬩᬦ᭄​ ᬳᬶ ᬘᬶᬘᬶᬂ ᬕᬸᬤᬶᬕᬾ ᬢᭂᬓᬾᬦ᭄ᬯᬃᬦᬦ᭄ ᬇᬤ ᬲᬂᬧ᭄ᬭᬪᬹ᭟​
ᬓᬘ᭄ᬭᬶᬢ ᬲᭂᬤᭂᬓ᭄ᬤᬶᬦ ᬳᬦᬸ ᬲᬂᬧ᭄ᬭᬪᬹ ᬮᬸᬗ ᬫᬩᭀᬭᭀᬲ᭄ᬓᬳᬮᬲᬾ᭞ ​ᬫᬘᭂᬮᬶᬕ᭄ᬓᭀᬦᬾ ᬳᬶ ᬘᬶᬘᬶᬂ ᬕᬸᬤᬶᬕ᭄ᬓᬧᬸᬭᬶ᭟​ ᬤᬾᬦᬶᬂ ᬧᬢᬸᬄ ᬕᭀᬩᬦ᭄​ ᬳᬶ ᬘᬶᬘᬶᬂ ᬕᬸᬤᬶᬕᬾ ᬢᭂᬓᬾᬦ᭄ ᬇᬤ ᬲᬂᬧ᭄ᬭᬪᬹ᭞​ ᬤᬤᬶ ᬓᬲᭂᬗ᭄ᬕᬸᬄ ᬇᬤ ᬲᬂᬧ᭄ᬭᬪᬹ ᬓᭀᬦᬾ ᬳᬶᬬ ᬩᬵᬦ᭄ ᬇᬧᬢᬶᬄ ᬫᬸᬯᬄ ᬢᭂᬓᬾᬦ᭄ᬧ᭄ᬭᬬᭀᬕᬶᬬᬦᬾ ᬳᬦᬾ ᬮᬾᬦ᭄ᬮᬾᬦᬦ᭄᭟​
ᬫᬢᬸᬃ ᬇᬧᬢᬶᬄ ᬲᬳ ᬪᬓ᭄ᬢᬶ᭞​
“ᬢᬶᬢ᭄ᬬᬂ ᬫᬫᬶᬢᬂ ᬮᬸᬕ᭄ᬭ ᬭᬢᬸ ᬲᬂ ᬧ᭄ᬭᬪᬹ᭞​ ᬧᬸᬦᬧᬶ ᬳᬯᬶᬦᬦ᭄ᬤᬤᭀᬲ᭄ᬘᭀᬓᭀᬃ ᬇᬭᬢᬸ ᬧᬭᬕᬬᬦ᭄ᬢᬸᬮᬓ᭄ᬲᬓᬶᬂ ᬧᬩᬸᬭᬸᬯᬦ᭄​”
ᬫᬲᬳᬸᬢ᭄ ​ᬳᬶ ᬘᬶᬘᬶᬂ ᬕᬸᬤᬶᬕ᭄᭞
​“ᬓᬾᬦᬾ ᬧᬢᬶᬄ᭞​ ᬫᬯᬶᬦᬦ᭄ᬦᬶᬭ ᬢᬸᬮᬓ᭄᭞​ ᬲᬓᬶᬂ ᬦᬶᬭ ᬗᬶᬭᬶᬗᬂ ᬲᬩ᭄ᬤ ᬦ᭄ᬩᬵᬢᬭ᭞​ ᬢᬦ᭄ᬓᬮᬸᬕ᭄ᬭ ᬦᬶᬭ ᬫᬮᬓ᭄ᬲᬦ ᬫᬫᬢᬶ ​ᬫᬢᬶ᭟​ ᬓᬦ᭄ᬤᬶᬓᬬᬂ ᬮᬦ᭄ᬢᬲ᭄ᬦᬶᬭ ᬢᬸᬮᬓ᭄᭟ ​ᬢᭀ ᬚᬸᬭᬸ ᬩᭀᬭᭀᬲᬾ ᬳᬤ ᬧᬶᬦᬸᬦᬲ ᬢᭂᬓᭂᬦ᭄ᬦᬶᬭ᭞​ ᬢᬸᬲᬶᬂ ᬗᬶᬭᬶᬂᬫᬦ᭄ᬢᬸᬓ᭄᭞ ​ᬓ᭄ᬭᬡ ᬓᬤᬸᬗ ᬲᬸᬩ ᬫᬓᭂᬦᬵᬦ᭄᭟​ ᬦᬶᬭ ᬗ᭄ᬮᬸᬕ᭄ᬭᬳᬶᬦ᭄᭞​ ᬫᬯᬦᬦ᭄ᬢᬦ᭄ᬧ ᬳᬶᬭᬶᬗᬦ᭄ᬦᬶᬭ ᬫᬸᬮᬶᬄ᭟​”
ᬓᭂᬢᭀ ᬧᬫᬸᬜᬶᬦ᭄ᬦᬾ ᬳᬶ ᬘᬶᬘᬶᬂ ᬕᬸᬤᬶᬕ᭄᭞​ ᬢᭂᬓ ᬚᬕ᭄ᬗᬸᬕᬸ ᬓᭀᬦᬾ ᬇᬧᬢᬶᬄ ᬫᬸᬯᬄ ᬧᬜ᭄ᬚᬓᬾ ᬳᬦᬾ ᬮᬾᬦ᭄ᬮᬾᬦᬦ᭄᭟​
ᬓᬘ᭄ᬭᬶᬢ ᬲᬳᬶᬲᬳᬶ ᬓᭀᬦᬾ ᬳᬶ ᬘᬶᬘᬶᬂ ᬕᬸᬤᬶᬕ᭄ ​ᬗ᭄ᬭᬳᭀᬲᬶᬦ᭄ᬳᬦᬓ᭄ᬫᬯᬶᬓᬭ᭟​ ᬭᬾᬄ ᬘᬶᬘᬶᬕ᭄ᬕᬸᬤᬶᬕ᭄ ​ᬢᬸᬯᬭ ᬦᬯᬂ ᬮᬸᬤ᭄᭞​ ᬫᬓᭂᬚᬂ ᬯᬶᬓᬭᬦ᭄ᬳᬦᬓᬾ ᬧᭂᬮᬶᬄ ᬩᬵᬦ ᬗᬸᬦ᭄ᬤᬸᬓᬂ᭞​ ᬳᬦᬾ ᬧᬢᬸᬢ᭄ᬫᭂᬦᬂ ᬓᬮᬳᬗ᭞​ ᬳᬦᬓ᭄ᬧᬢᬸᬢ᭄ᬓᬮᬄ ᬫᭂᬦᬗᬗ᭟​ ᬫᬯᬦᬦ᭄ᬓᬳᬸᬧᭂᬢ᭄ᬓᭀᬦᬾ ᬳᬶ ᬘᬶᬘᬶᬂ ᬕᬸᬤᬶᬕ᭄​ ᬤᬤᬶ ᬳᬕᬸᬂ᭞​ ᬲᬯᬳᬶ ᬯᬳᬶ ᬗᭂᬜ᭄ᬘᬦᬶᬦ᭄ᬳᬦᬓ᭄ᬫᬯᬶᬓᬭ ᬤᭀᬕᬾᬦ᭄᭟​
ᬬᬦ᭄ᬳᬶᬤᬾᬯᬾᬓ᭄ᬳᭀᬓᬦ᭄​ ᬳᬦᬓ᭄ᬳᬕᬸᬂ᭞​ ᬓᬾᬦ᭄ᬓᬾᬦ᭄ᬬ ᬤᭂᬫᭂᬦᬾ᭞ ​ᬓᭂᬫ ᬫᬳᬶ ᬫᬮᬮᬶ ᬳᬶᬭᬶᬗᬂ ᬧᬋᬓᬦ᭄᭞​ ᬤᬶᬓᬾᬦ᭄ᬓᬾᬦᬾ ᬫᬕᬦ᭄ᬤᭀᬂ᭞ ​ᬩᬸᬯᬶᬦ ᬢᬸᬲᬶᬂ ᬧᭂᬲᬦ᭄ᬗᬶᬢᬸᬗᬦ᭄ᬳᬧᬦᬧᬦ᭄᭞​ ᬲᬚᬯᬦᬶᬂ ᬗᬫᬄ ᬢᭂᬓᬾᬦ᭄ᬫᬮᬮᬶ ᬤᭀᬕᬾᬦ᭄᭟ ​ᬜᬦᬦ᭄ᬧᭂᬢᭂᬂᬦᬾ᭞​ ᬫᬩᬓ᭄ᬢᬶ ᬓᭀᬦᬾ ᬩᬸᬯᬶᬦ᭄​ ᬳᬶ ᬘᬶᬘᬶᬂ ᬕᬸᬤᬶᬕ᭄​ ᬤᬶᬧᬸᬭ ᬤᬍᬫ᭄᭞​ ᬫᬧᬶᬦᬸᬦᬲ᭄ᬳᬧᬂ ᬤᬤᬶ ᬳᭀᬓᬦ᭄​ ᬳᬦᬓ᭄ᬳᬕᬸᬂ᭟​ ᬇᬤ ᬩᬵᬢᬭᬷ ᬟᬹᬃᬖ ᬮᬸᬕ᭄ᬭ᭟ ​ᬧᬢᬸᬄ ᬮᬦ᭄ᬢᬲ᭄ᬕᭀᬩᬦ᭄ᬦᬾ ᬳᬶ ᬘᬶᬘᬶᬂ ᬕᬸᬤᬶᬕ᭄​ ᬩᬸᬓ ᬯᬃᬦᬦ᭄​ ᬳᬶᬤ ᬭᬤᬾᬦ᭄ᬫᬦ᭄ᬢ᭄ᬭᬷ᭟​
ᬩᬸᬯᬶᬦ᭄ᬫᬦᬶ ᬲᭂᬫᭂᬗᬦ᭄ᬦᬾ᭞​ ᬫᬳᭀᬃᬢ ᬳᬶᬮᬂ ᬓᭀᬦᬾ ᬮᬦ᭄ᬢᬲ᭄ ᬇᬤ ᬭᬤᬾᬦ᭄ᬫᬦ᭄ᬢ᭄ᬭᬷ᭟​ ᬬ ᬲᭂᬤᭂᬂ ᬳᬾᬯᬦ ᬚᭂᬭᭀᬦᬾ ᬗᬶᬩᬸᬓᬂ ᬭᬤᬾᬦ᭄ᬫᬦ᭄ᬢ᭄ᬭᬷ᭞ ​ᬤᭂᬍᬂ​-ᬤᭂᬍᬂ ᬓᭀᬦᬾ ᬮᬦ᭄ᬢᬲ᭄ ​ᬳᬶ ᬘᬶᬘᬶᬂ ᬕᬸᬤᬶᬕ᭄​ ᬗᬧᬸᬭᬶᬬᬂ᭟​ ᬭᬾᬄ ᬘᬶᬘᬶᬂ ᬕᬸᬤᬶᬕ᭄​ ᬓᬲᭂᬗ᭄ᬕᬸᬄ ᬭᬤᬾᬦ᭄ᬫᬦ᭄ᬢ᭄ᬭᬷ᭞​ ᬫᬓᭂᬲᬶᬬᬃ ᬓᭀᬦᬾ ᬓᭂᬦᭂᬄ ᬯᬂ ᬚᭂᬭᭀᬦᬾ ᬫᬓᭂᬚᬂ᭟​
ᬓᬘ᭄ᬭᬶᬢ ᬚᬦᬶ ᬳᬶ ᬘᬶᬘᬶᬂ ᬕᬸᬤᬶᬕ᭄​ ᬓᬧᬸᬭᬸᬓᬂ ᬫᬮᬚᬄ ᬫᬲᬲ᭄ᬢ᭄ᬭ᭟​ ᬤᬾᬦᬶᬂ ᬳᬲᬶᬂ ᬳᬚᬳᬶᬦ ᬫᬸᬯᬄ ᬢᬓᭀᬦᬶᬦ ᬳᬶ ᬘᬶᬘᬶᬂ ᬕᬸᬤᬶᬕ᭄ ​ᬢᬸᬯᬭ ᬓᬭᭀᬯᬦ᭄ᬩᬵᬦ ᬳᬧ᭞​ ᬲᬵᬧᬦ᭄ᬓᭀᬦᬾ ᬮᬦ᭄ᬢᬲ᭄ᬕᬸᬭᬸᬦᬾ ᬗᭂᬫ᭄ᬧ᭄ᬮᬗᬶᬦ᭄​ ᬳᬶ ᬘᬶᬘᬶᬂ ᬕᬸᬤᬶᬕ᭄᭟
​“ᬓᭀᬯᬂ᭞​”
ᬓᭂᬢᭀ ᬓᭀᬦᬾ ᬳᬤᬸᬳᬦ᭄ᬦᬾ ᬳᬶ ᬘᬶᬘᬶᬂ ᬕᬸᬤᬶᬕ᭄᭟ ​ᬤᬾᬦᬶᬂ ᬓᬾᬢᭀ᭞ ​ᬩᬸᬯᬶᬦ᭄ᬓᭀᬦᬾ ᬧᬲᬗᭂᬢᬶᬦ ᬗᭂᬫ᭄ᬧ᭄ᬮᬗᬶᬦ᭄​ ᬳᬶ ᬘᬶᬘᬶᬂ ᬕᬸᬤᬶᬕ᭄᭟​
“ᬓᭀᬯᬂ᭞​”
ᬓᭂᬢᭀ ᬓᭀᬦᬾ ᬩᬸᬯᬶᬦ᭄ᬳᬤᬸᬳᬦ᭄ᬦᬾ᭟​ ᬩᬸᬯᬶᬦ᭄ᬓᭂᬫ᭄ᬧ᭄ᬮᬗᬶᬦ ᬢᬸᬃ ᬧᬲᬗᭂᬢᬶᬦ᭞​ ᬩᬸᬯᬶᬦ᭄ᬓᭀᬦᬾ ᬳᬶ ᬘᬶᬘᬶᬂ ᬕᬸᬤᬶᬕ᭄​ ᬫᬓᭀᬯᬗᬦ᭄᭟​ ᬩ᭄ᬭᬂᬢᬶ ᬓᭀᬦᬾ ᬮᬦ᭄ᬢᬲ᭄ᬕᬸᬭᬸᬦ᭄ᬦᬾ᭞​ ᬮᬦ᭄ᬢᬲ᭄ᬳᬶᬬ ᬜᭂᬫᬓ᭄ᬧᭂᬜᬮᬶᬦ᭄ᬳᬗ᭄ᬕᭀᬦ ᬦᬶᬕ᭄ᬢᬶᬕ᭄ ​ᬳᬶ ᬘᬶᬘᬶᬂ ᬕᬸᬤᬶᬕ᭄᭞ ​ᬓᬦ᭄ᬢᬶ ᬳᬾᬜ᭄ᬘᭂᬄ​-ᬳᬾᬜ᭄ᬘᭂᬄ᭞​ ᬫᬭ ᬓᭀᬦᬾ ᬲᬸᬯᬸᬤᬗ᭟​
ᬓᬘ᭄ᬭᬶᬢ ᬜᬦᬦ᭄ᬧᭂᬢᭂᬂᬦᬾ ᬓᭀᬦᬾ ᬓᬧᬸᬭ ᬤᬍᬫ᭄ᬮᬦ᭄ᬢᬲ᭄​ ᬳᬶ ᬘᬶᬘᬶᬂ ᬕᬸᬤᬶᬕ᭄​ ᬫᬩᬓ᭄ᬢᬶ᭞​ ᬫᬧᬶᬦᬸᬦᬲ᭄ᬳᬧᬂ ᬩᬸᬯᬶᬦ᭄ᬤᬤᬶ ᬘᬶᬘᬶᬂ ᬕᬸᬤᬶᬕ᭄ ​ᬩᬸᬓ ᬚᬢᬶ ᬫᬸᬮ᭟ ​ᬳᬶ ᬘᬶᬘᬶᬂ ᬕᬸᬤᬶᬕ᭄​ ᬮᬦ᭄ᬢᬲ᭄ᬩᬸᬯᬶᬦ᭄ᬤᬤᬶ ᬘᬶᬘᬶᬂ ᬕᬸᬤᬶᬕ᭄᭟​

dari kisah (satua) Cicig Gudig ini kita diajarkan untuk menerima dan mensyukuri apa yang sudah menjadi milik kita termasuk fisik dan kisah yang sudah digariskan oleh beliau sang pencipta. Mungkin saja kita membayangkan menjadi orang lain adalah hal yang menguntungkan, namun ketika menyelami apa yang dialaminya ternyata tidak lebih baik dari apa yang kita alami.

Namun terkadang kita memang harus mencoba untuk menjadi orang yang kita kira lebih baik hidupnya dari kita, agar kita bisa mengalami dan memahami apa yang dia rasakan menjadi dirinya.

Kesimpulan sederhananya adalah "Menjadi diri sendiri itu jauh lebih baik, dibandingkan membandingkan diri dengan orang lain"

selamat membaca