Kumpulan Pupuh Pucung Meaksara Bali

tutlencBlog  - Masih ingat  dengan Pupuh, atau sering disebut Macepat. Pupuh sendiri adalah gending Bali yang masuk ke bagian Sekar Alit. Didalam pupuh ini biasanya diselipkan pesan-pesan oleh orang tua untuk anak-anak. Diharapkan sambil bernyanyi tutur tentang nilai kebaikan bisa sekalian disampaikan dengan cara bergembira dan bercanda. Tidak jarang juga pupuh digunakan untuk tebak-tebakan yang biasa disebut MECECANGKRIMAN

Nah kali ini kita membagikan beberapa Pupuh Pucung sekalian dengan Aksara Balinya

Contoh Pupuh Pucung Me-Aksara Bali

---

Pupuh Pucung Tutur

Bibi Anu,

Lamun payu luas manjus,

Antenge tekekang,

Yatnain ngaba masui,

Tiuk puntul,

Bawang anggen sasikepan.

ᬩᬶᬩᬶᬳᬦᬸ᭞​

ᬮᬫᬸᬦ᭄ᬧᬬᬸᬮᬸᬯᬲ᭄ᬫᬜ᭄ᬚᬸᬲ᭄᭞​

ᬳᬦ᭄ᬢᭂᬗᬾᬢᭂᬓᭂᬓᬂ᭞​

ᬬᬢ᭄ᬦᬳᬶᬦ᭄ᬗᬩᬫᬲᬸᬯᬶ᭞

​ᬢᬶᬬᬸᬓ᭄ᬧᬸᬦ᭄ᬢᬸᬮ᭄᭞​

ᬩᬯᬂᬳᬗ᭄ᬕᬾᬦ᭄ᬲᬲᬶᬓᭂᬧᬦ᭄᭟​

Cening Ayu,

Melahang menampi tutur,

Pirengang sekenan,

Incepang simpen di hati,

Pang de labuh,

Kasusilaan anggen ngemban.

ᬘᭂᬦᬶᬂᬳᬬᬸ᭞

​ᬫᭂᬮᬳᬂᬫᭂᬦᬫ᭄ᬧᬶᬢᬸᬢᬹᬃ᭞

​ᬧᬶᬋᬗᬂᬲᭂᬓᭂᬦᬦ᭄᭞​

ᬳᬶᬜ᭄ᬘᭂᬧᬂᬲᬶᬫ᭄ᬧᭂᬦ᭄ᬤᬶᬳᬢᬶ᭞​

ᬧᬂᬤᬮᬩᬸᬄ᭞​

ᬓᬲᬸᬲᬶᬮᬵᬦ᭄ᬳᬗ᭄ᬕᬾᬦ᭄ᬗᭂᬫ᭄ᬩᬦ᭄᭟​

Anak Liu,

Bencana dimarga agung,

Bajang ngulu bukal,

Mangisep nyonyo ngulanting,

Mangetekul,

Krana tan pesu empehan.

ᬳᬦᬓ᭄ᬮᬶᬬᬸ᭞​

ᬩᭂᬜ᭄ᬘᬦᬤᬶᬫᬃᬕᬳᬕᬸᬂ᭞​

ᬩᬚᬂᬗᬸᬮᬸᬩᬸᬓᬮ᭄᭞​

ᬫᬗᬶᬲᭂᬧ᭄ᬜᭀᬜᭀᬗᬸᬮᬦ᭄ᬢᬶᬂ᭞

​ᬫᬗᭂᬢᭂᬓᬸᬮ᭄᭞​

ᬓ᭄ᬭᬡᬢᬦ᭄ᬧᭂᬲᬸᬳᭂᬫ᭄ᬧᭂᬳᬦ᭄᭟​

Cening Bagus,

Eda mengantik eda manenun,

Biang idewa lunga ka pasar,

Praya numbas pisang gading,

miwah sentul,

Anggen biang banten kumara.

ᬘᭂᬦᬶᬂᬩᬕᬸᬲ᭄᭞​

ᬳᭂᬤᬫᭂᬗᬦ᭄ᬢᬶᬓ᭄ᬳᭂᬤᬫᬦᭂᬦᬸᬦ᭄᭞​

ᬩᬶᬬᬂᬳᬶᬤᬾᬯᬮᬸᬗᬓᬧᬲᬃ᭞

​ᬧ᭄ᬭᬬᬦᬸᬫ᭄ᬩᬲ᭄ᬧᬶᬲᬂᬕᬤᬶᬂ᭞​

ᬫᬶᬯᬄᬲᭂᬦ᭄ᬢᬸᬮ᭄᭞​

ᬳᬗ᭄ᬕᬾᬦ᭄ᬩᬶᬬᬂᬩᬦ᭄ᬢᭂᬦ᭄ᬓᬸᬫᬭ᭟​

Pupuh Pucung Mecangkriman

Dratdat drutdut,

Bingah binguh liwat inguh,

Nyumbil sisin pagehan,

Pedidi sing dadi ngranjing,

nene catur,

Nyamane suba ditengah.

ᬤ᭄ᬭᬢ᭄ᬤᬢ᭄ᬤ᭄ᬭᬸᬢ᭄ᬤᬸᬢ᭄᭞​

ᬩᬶᬗᬄᬩᬶᬗᬸᬄᬮᬶᬯᬢ᭄ᬳᬶᬗᬸᬄ᭞​ 

ᬜᬸᬫ᭄ᬩᬶᬮ᭄ᬲᬶᬲᬶᬦ᭄ᬧᬕᭂᬳᬦ᭄᭞

​ᬧᭂᬤᬶᬤᬶᬲᬶᬂᬤᬤᬶᬗ᭄ᬭᬜ᭄ᬚᬶᬂ᭞​

ᬦᬾᬦᬾᬘᬢᬸᬃ᭞​

ᬜᬫᬦᬾᬲᬸᬩᬤᬶᬢᭂᬗᬄ᭟​

Kaki pucung,

Awak bunter maretungtung,

Basange anginan,

Asing paek ya ninjakin,

Uber kepung,

I Kaki incang incangan.

ᬓᬓᬶᬧᬸᬘᬸᬂ᭞

​ᬳᬯᬓ᭄ᬩᬸᬦ᭄ᬢᭂᬃᬫᬋᬢᬸᬂᬢᬸᬂ᭞​

ᬩᬲᬗᬾᬳᬗᬶᬦᬦ᭄᭞​

ᬳᬲᬶᬂᬧᬳᬾᬓ᭄ᬬᬦᬶᬜ᭄ᬚᬓᬶᬦ᭄᭞

​ᬳᬸᬩᭂᬃᬓᭂᬧᬸᬂ᭞​

ᬳᬶᬓᬓᬶᬳᬶᬜ᭄ᬘᬂᬳᬶᬜ᭄ᬘᬗᬦ᭄᭟​

Baong pucung,

Ejit engging purus tirus,

Capile mogarang,

Asing nyekuk ngajengitin,

Cening bagus,

Banggi makucar kaciran.

ᬩᬯᭀᬂᬧᬸᬘᬸᬂ᭞​

ᬳᭂᬚᬶᬢ᭄ᬳᭂᬗ᭄ᬕᬶᬂᬧᬸᬭᬸᬲ᭄ᬢᬶᬭᬸᬲ᭄᭞

​ᬘᬧᬶᬍᬫᭀᬕᬭᬂ᭞​

ᬳᬲᬶᬂᬜᭂᬓᬸᬓ᭄ᬗᬚᭂᬗᬶᬢᬶᬦ᭄᭞​

ᬘᭂᬦᬶᬂᬩᬕᬸᬲ᭄᭞​

ᬩᬗ᭄ᬕᬶᬫᬓᬸᬘᬃᬓᬘᬶᬭᬦ᭄᭟​

Pupuh Pucung Tutur Indik Sapta Timira

Peteng pitu,

Sapta timira kawuwus,

Bacakan dursila,

Ne tuara nyandang lakonin,

Cening bagus,

Pirengan jua apang melah.

ᬧᭂᬢᭂᬂᬧᬶᬢᬸ᭞​

ᬲᬧ᭄ᬢᬢᬶᬫᬶᬭᬓᬯᬸᬯᬸᬲ᭄᭞​

ᬩᬘᬓᬦ᭄ᬤᬹᬃᬲᬶᬮ᭞​

ᬦᬾᬢᬸᬯᬭᬜᬦ᭄ᬤᬂᬮᬓᭀᬦᬶᬦ᭄᭞​

ᬘᭂᬦᬶᬂᬩᬕᬸᬲ᭄᭞

​ᬧᬶᬋᬗᬦ᭄ᬚᬸᬯᬳᬧᬂᬫᭂᬮᬄ᭟​

Bacak malu,

Ane maadan peteng pitu,

Besik kasugihan,

Dadua kapradnyanan cening,

Patpat telu,

Kayohanan lan kawangsan.

ᬩᬘᬓ᭄ᬫᬮᬸ᭞

​ᬳᬦᬾᬫᬵᬤᬦ᭄ᬧᭂᬢᭂᬂᬧᬶᬢᬸ᭞

​ᬩᭂᬲᬶᬓ᭄ᬓᬲᬸᬕᬶᬳᬦ᭄᭞​

ᬤᬤᬸᬯᬓᬧ᭄ᬭᬚ᭄ᬜᬦᬦ᭄ᬘᭂᬦᬶᬂ᭞​

ᬧᬢ᭄ᬧᬢ᭄ᬢᭂᬮᬸ᭞​

ᬓᬬᭀᬳᬦᬦ᭄ᬮᬦ᭄ᬓᬯᬗ᭄ᬲᬦ᭄᭟​

Kalistu ayu,

Kasaktian kawirian pitu,

Ne jani tuturang,

Laksanane besik besik,

tan rahayu,

Reh singsal buta pidepan.

ᬓᬮᬶᬲ᭄ᬢᬸᬳᬬᬸ᭞​

ᬓᬲᬓ᭄ᬢ᭄ᬬᬦ᭄ᬓᬯᬶᬃᬬᬦ᭄ᬧᬶᬢᬸ᭞

​ᬦᬾᬚᬦᬶᬢᬸᬢᬸᬭᬂ᭞​

ᬮᬓ᭄ᬱᬦᬦᬾᬩᭂᬲᬶᬓ᭄ᬩᭂᬲᬶᬓ᭄᭞​

ᬢᬦ᭄ᬭᬳᬬᬸ᭞

​ᬋᬄᬲᬶᬗ᭄ᬲᬮ᭄ᬪᬸᬢᬧᬶᬤᭂᬧᬦ᭄᭟​

Wetu ajum,

Kasugihan ngawe begug,

Demen mendog endogan,

Tahu teken dewek sugih,

Tan pasemu,

Ngandapang anake tiwas.

ᬯᭂᬢᬸᬳᬚᬸᬫ᭄᭞​

ᬓᬲᬸᬕᬶᬳᬦ᭄ᬗᬯᬾᬩᭂᬕᬸᬕ᭄᭞​

ᬤᭂᬫᭂᬦ᭄ᬫᬾᬦ᭄ᬤᭀᬕᬾᬦ᭄ᬤᭀᬕᬦ᭄᭞

​ᬢᬳᬸᬢᭂᬓᬾᬦ᭄ᬤᬾᬯᬾᬓ᭄ᬲᬸᬕᬶᬄ᭞​

ᬢᬦ᭄ᬧᬲᭂᬫᬸ᭞

​ᬗᬦ᭄ᬤᬧᬂᬳᬦᬓᬾᬢᬶᬯᬲ᭄᭟​

Nguluk uluk,

Kapradnyan tuna tutur,

Mengkok turin bonggan,

Ngaden dewek paling ririh,

Wastu jumbuh,

Ngaku ngaku nawang swargan.

ᬗᬸᬮᬸᬓ᭄ᬳᬸᬮᬸᬓ᭄᭞​

ᬓᬧ᭄ᬭᬚ᭄ᬜᬦ᭄ᬢᬸᬦᬢᬸᬢᬹᬃ᭞​

ᬫᬾᬗ᭄ᬓᭀᬓ᭄ᬢᬸᬭᬶᬦ᭄ᬩᭀᬗ᭄ᬕᬦ᭄᭞

​ᬗᬤᬾᬦ᭄ᬤᬾᬯᬾᬓ᭄ᬧᬮᬶᬂᬭᬶᬭᬶᬄ᭞​

ᬯᬱ᭄ᬝᬸᬚᬸᬫ᭄ᬩᬸᬄ᭞​

ᬗᬓᬸᬗᬓᬸᬦᬯᬂᬲ᭄ᬯᬃᬕᬦ᭄᭟​

Ngadug adug,

Kayohanan gede bayu,

Wireh enu bajang,

Makejang anak endonin,

Saking tandruh,

Teken dewek pacang tua.

ᬗᬤᬸᬕ᭄ᬳᬤᬸᬕ᭄᭞​

ᬓᬬᭀᬳᬦᬦ᭄ᬕᭂᬤᬾᬪᬬᬹ᭞

​ᬯᬶᬭᬾᬄᬳᭂᬦᬸᬩᬚᬂ᭞​

ᬫᬓᭂᬚᬂᬳᬦᬓ᭄ᬳᭂᬦ᭄ᬤᭀᬦᬶᬦ᭄᭞​

ᬲᬓᬶᬂᬢᬦ᭄ᬤ᭄ᬭᬸᬄ᭞​

ᬢᭂᬓᬾᬦ᭄ᬤᬾᬯᬾᬓ᭄ᬧᬘᬂᬢᬸᬯ᭟​

Babar ngagu,

Kawangsane ngagu agu,

Manyihnayang awak,

madedugan demen gati,

Ngaden dusun,

Kadang brayane andapang.

ᬩᬩᬃᬗᬕᬸ᭞​

ᬓᬯᬗ᭄ᬲᬦᬾᬗᬕᬸᬳᬕᬸ᭞​

ᬫᬜᬶᬳ᭄ᬦᬬᬂᬳᬯᬓ᭄᭞​

ᬫᬤᭂᬤᬸᬕᬦ᭄ᬤᭂᬫᭂᬦ᭄ᬕᬢᬶ᭞

​ᬗᬤᬾᬦ᭄ᬤᬸᬲᬸᬦ᭄᭞​

ᬓᬤᬂᬩ᭄ᬭᬬᬦᬾᬳᬦ᭄ᬤᬧᬂ᭟​

Kalistu ayu,

Ngaden goba jegeg bagus,

Setata metandang,

Nyentokan goba sesahi,

Wetu jumbuh,

Cadcad timpale makejang.

ᬓᬮᬶᬲ᭄ᬢᬸᬳᬬᬸ᭞​

ᬗᬤᬾᬦ᭄ᬕᭀᬩᬚᭂᬕᬾᬕ᭄ᬩᬕᬸᬲ᭄᭞​

ᬲᭂᬢᬢᬫᭂᬢᬦ᭄ᬤᬂ᭞

​ᬜᭂᬦ᭄ᬢᭀᬓᬦ᭄ᬕᭀᬩᬲᭂᬲᬳᬶ᭞

​ᬯᭂᬢᬸᬚᬸᬫ᭄ᬩᬸᬄ᭞​

ᬘᬤ᭄ᬘᬤ᭄ᬢᬶᬫ᭄ᬧᬮᬾᬫᬓᭂᬚᬂ᭟​

Wastu cauh,

Kasktian makada jumbuh,

Tingkahe pramada,

Tahu teken dewek sakti,

Dadi bingut,

Pongah manguncarang mantra.

ᬯᬲ᭄ᬢᬸᬘᬳᬸᬄ᭞

​ᬓᬲᬓ᭄ᬢ᭄ᬬᬦ᭄ᬫᬓᬤᬚᬸᬫ᭄ᬩᬸᬄ᭞​

ᬢᬶᬗ᭄ᬓᬳᬾᬧ᭄ᬭᬫᬟ᭞

​ᬢᬳᬸᬢᭂᬓᬾᬦ᭄ᬤᬾᬯᬾᬓ᭄ᬲᬓ᭄ᬢᬶ᭞​

ᬤᬤᬶᬩᬶᬗᬸᬢ᭄᭞​

ᬧᭀᬗᬄᬫᬗᬸᬜ᭄ᬘᬭᬂᬫᬦ᭄ᬢ᭄ᬭ᭟​

Rencang liu,

Kawiriane dadi begug,

makejang andapang,

Baan kesadianne numadi,

Dadi agung,

Setata demen jungjungang.

ᬭᬾᬜ᭄ᬘᬂᬮᬶᬬᬸ᭞

​ᬓᬯᬶᬃᬬᬦᬾᬤᬤᬶᬩᭂᬕᬸᬕ᭄᭞​

ᬫᬓᭂᬚᬂᬳᬦ᭄ᬤᬧᬂ᭞​

ᬩᬵᬦ᭄ᬓᭂᬲᬤ᭄ᬬᬦ᭄ᬦᬾᬦᬸᬫᬤᬶ᭞​

ᬤᬤᬶᬳᬕᬸᬂ᭞​

ᬲᭂᬢᬢᬤᭂᬫᭂᬦ᭄ᬚᬸᬂᬚᬸᬗᬂ᭟​

---

Banyak pesan yang ingin disampaikan oleh nyanyian diatas, besar harapan penulis Pupuh diatas adalah pesan yang dia sampaikan dapat dicerna dan digunakan oleh mereka baik sebagai pendengar maupun si penuturnya sendiri. Sehingga tidak disebut "teori yes praktek no"

Tapi pada dasarnya ketika tutur kita dengar itu sudah pasti ¹alam memberikan kita pesan bahwa kita memiliki hak untuk menemukan kebenaran tutur tersebut dalam kehidupan ini, karena ²tutur itu sendiri adalah pengalaman dasar untuk kita sebagai bahan refrensi untuk menemukan kebenaran sejati itu sendiri, ³walaupun tidak seratus persen tutur yang kita dengar adalah kebenaran sejati.  ⁴Karena kebenaran sejati untuk kita dikehidupan kita, hanya kitalah yang menentukan dan menemukannya. ⁵Menerima tutur dari seseorang bukan berarti menggantungkan kebenaran sejati hidup ini padanya, mungkin itu adalah sebuah jalan yang harus kita lalui untuk mencapai kebenaran sejati

Indik sesuratan Aksara balinya tiang nunas koreksinya, mangda sempurna