Satua Prabu Maruta Aksara Bali-Latin

tut balance
October 05, 2021
 

tutlencBlog - hai adik dan para pembaca setia tutlencBlog. Mari kita mesatua bali lagi. kali ini kita akan mesatua tentang seorang Mahaprabu yang sangat sakti, hingga dewa Indra pun takut padanya.

Satua adalah cerpen dalam kesustraan Bali. Sejak dulu banya ditemukan satua-satua yang mengangkat agama, budaya yang hidup dimasyarakat saat satua tersebut di buat. Biasanya selalu didepannya ada kata "Ada katutran satua atau katuturang" Misalnya di dalam satua ini diawali dengan kata "Katuturang Sang Prabu maruta".

Katuturang Sang Prabu Maruta

Sinopsis Satua Sang Prabu Maruta.

Dikisahkan seorang raja yang sangat sakti mangdra guna, kesaktiannya sudah diakui semesta. Bahkan dewa Indra sekalipun gentar dengan kesaktiannya. dikisahkan Dia ingin mengadu kesaktian, menyerang dan menglahkan dewa Indra. Hal ini diketahu oleh dewa indra, dan Dewa indra mengadu ke Seorang Bagawan yang bernawa Wreaspati untuk mendapatkan pengayoman. Dan hal tersebut disagupi.

Satua Prabu Maruta versi Aksara Bali dan Latin

᭚ᬓᬢᬸᬢᬸᬭᬦ᭄ᬲᬂᬧ᭄ᬭᬪᬹᬫᬭᬸᬢ᭟ 
᭚ᬘ᭄ᬭᬶᬢᬬᬂ ᬲᬂ ᬧ᭄ᬭᬪᬹ ᬫᬭᬸᬢ᭞ ᬓᬮᬶᬯᬢ᭄ᬓᬲᬸᬩ᭄ᬤᬶᬕᬸᬫᬶᬦᬾ ᬩᬵᬦ᭄ᬓ᭄ᬧ᭄ᬭᬚ᭄ᬜᬦᬦᬶᬤᬦᬾ᭟ ᬮᬾᬦᬦ᭄ᬢᭂᬓᬾᬦᭂᬦ᭄ᬢᭀ ᬳᬶᬤ ᬧ᭄ᬭᬪᬹ ᬯᬶᬩᬸᬄ ᬢᬦ᭄ᬧᬢᬦ᭄ᬤᬶᬗᬦ᭄᭟ ᬲᬂᬧ᭄ᬭᬪᬹ ᬫᬭᬸᬢᬦᬾ ᬫᬤᭂᬕ᭄ᬭᬢᬹ ᬓᬜ᭄ᬚᭂᬓᬦ᭄ᬢᬺᬣᬬᬸᬕ᭟ ᬳᬶᬤ ᬫᬸᬮ ᬢᭂᬋᬳᬦ᭄ᬫᬦᬸ᭞ ᬧᬸᬢ᭄ᬭᬦ᭄ᬲᬂᬧ᭄ᬭᬪᬹ ᬅᬯᬶᬓ᭄ᬱᬳᬶᬢ᭄ᬲᬓᬶᬂ ᬦᭂᬕᬵᬭ ᬓᬭᬦ᭄ᬤᬫ᭟ ᬤᬸᬕᬲ᭄ᬲᬂᬧ᭄ᬭᬪᬹ ᬓᬭᬦ᭄ᬤᬫᬦᬾ ᬫᬤᭂᬕ᭄ᬭᬢᬹ ᬕᬸᬫᬶᬦᬾ ᬮᬦ᭄ᬤᬸᬄ᭟ ᬲᬂᬧ᭄ᬭᬪᬹ ᬤᬳᬢ᭄ᬧ᭄ᬭᬚ᭄ᬜᬦ᭄᭞ ᬜᬶᬯᬶᬗᭂᬋᬢ᭄ ᬇᬦ᭄ᬤ᭄ᬭᬶᬬᬦᬶᬤᬦᬾ᭟ ᬳᬶᬤ ᬗᬯᬗᬸᬦ᭄ᬬᬚ᭄ᬜ ᬅᬲ᭄ᬯᬫᬾᬤ ᬜᬦ᭄ᬢᭀᬲ᭄ᬧᬶᬂ ᬲᬢᬸᬲ᭄᭞ ᬳᬦᬾ ᬓᬧᬸᬧᬸᬢ᭄ᬳᭀᬮᬶᬄ ᬪᬕᬯᬵᬦ᭄ ᬅᬗᬶᬭᬲ᭟ ᬓᭂᬯᬶᬩᬸᬳᬦ᭄ᬫᬶᬯᬄ ᬓᬧ᭄ᬭᬚ᭄ᬜᬦᬦ᭄ᬳᬶᬤᬦᬾ ᬫᬲᬳᬶᬄ ᬢᭂᬓᬾᬦ᭄‌ ᬳᬶᬤ ᬪᬝᬵᬭ ᬇᬦ᭄ᬤ᭄ᬭ᭟ ᬬᬾᬦ᭄ᬳᬸᬧᬫ᭄ᬬᬂ ᬓᬓ᭄ᬬᬂ ᬓᬯᬶᬘᬓ᭄ᬱᬦᬵᬦ᭄ᬲᬂᬧ᭄ᬭᬪᬹ ᬓᬭᬦ᭄ᬤᬫᬦᬾ ᬯᬮᬸᬬ ᬪᬕᬯᬵᬦ᭄‌ ᬯᬺᬳᬲ᭄ᬧᬢᬶ᭟ ᬬᬾᬦ᭄ᬳᬸᬦ᭄ᬤᬸᬓ᭄ᬧ᭄ᬭᬪᬵᬯᬦ᭄ᬳᬶᬤᬦᬾ ᬯᬮᬸᬬ ᬢᬾᬚᬦᬶᬤᬲᬂᬳ᭄ᬬᬂᬲᬹᬃᬬ᭟ ᬓᬤᭂᬤᭂᬕᬦ᭄ᬫᬸᬯᬄ ᬓᬓᬸᬓᬸᬳᬦ᭄ᬓᬬᬸᬦᬶᬤᬦᬾᬢᬦ᭄ᬧᬾᬦ᭄ᬤᬄ ᬕᬸᬦᬸᬂᬳᬶᬫᬯᬦ᭄᭟ ᬲᬂᬧ᭄ᬭᬪᬹᬓᬭᬦ᭄ᬤᬫᬓᬮᭀᬓ᭄ᬢᬄ ᬤᬶᬚᬕᬢᬾᬫᬩᬶᬲᭂᬓᬤᬤᬶᬫᬳᬵᬭᬚ᭟ ᬢ᭄ᬭᬶᬓᬬᬧᬭᬶᬰᬸᬤ᭄ᬥᬦᬾᬕᭂᬮᬭᬂᬳᬶᬤᬗᬾᬦ᭄ᬢᭂᬭᬂᬚᬕᬢᬾ᭟ ᬲᬲᬸᬩᬦᬾᬳᬶᬤᬯᬵᬢ᭞ ᬓᬕᭂᬦ᭄ᬢᭀᬲᬶᬦ᭄ᬳᭀᬮᬶᬄᬧᬸᬢ᭄ᬭᬦᬶᬤᬦᬾᬫᬧᬭᬩ᭄‌ᬲᬂᬧ᭄ᬭᬪᬹᬫᬭᬸᬢ᭟ ᬬᬾᬦ᭄ᬳᬸᬦ᭄ᬤᬸᬓ᭄ᬓᬧ᭄ᬭᬚ᭄ᬜᬦᬦ᭄‌ ᬲᬂᬧ᭄ᬭᬪᬹᬫᬭᬸᬢᬦᬾᬮᬸᬯᬶᬳᬦ᭄ᬢᭂᬓᭂᬦ᭄ᬳᬚᬶᬦᬶᬤᬦᬾᬗᬫᭂᬮ᭄ᬚᬕᬢ᭄᭟ ᬬᬦ᭄ᬲᬳᬶᬳᬂᬓᬓ᭄ᬬᬂᬲᬧᬫᬤᭂᬕ᭄ᬳᬶᬤᬦᬾ ᬯᬮᬸᬬᬲᬂᬳ᭄ᬬᬂᬯᬶᬱ᭄ᬡᬸᬜᬼᬯᬤᬶᬓᬫᬺᬘᬧᬤ᭟ ᬳᬶᬤᬲᬂᬧ᭄ᬭᬪᬹᬫᬭᬸᬢᬢᭂᬍᬩ᭄ᬧᭂᬲᬦ᭄ᬫᬬᬚ᭄ᬜᬫᬸᬯᬄᬦᬗᬸᬦ᭄ᬓᭂᬃᬢᬶ᭟ ᬳᬶᬤᬲᬸᬩᬫᬢᬓᬶᬢᬓᬶᬮᬓᬃᬗ᭄ᬮᬓ᭄ᬱᬦᬬᬂᬬᬚ᭄ᬜᬅᬲ᭄ᬯᬫᬾᬤ᭟ ᬧᬜ᭄ᬚᬓᬾᬲᬸᬩᬦᬶᬓᬬᬂᬳᬶᬤ ᬗᬳᬾᬩᭀᬓᭀᬃᬫᬸᬯᬄᬳᬾᬢᬾᬄᬳᬾᬢᬾᬄ ᬧᬲᬸᬘᬶᬬᬦ᭄ᬫᬮᬓᬃᬳᬚᬶᬳᬾᬫᬲ᭄᭟ ᬳᬶᬤᬮᬓᬃᬦᬗᬸᬦ᭄ᬬᬚ᭄ᬜᬤᬶᬧᬸᬜ᭄ᬘᬓ᭄ᬕᬸᬦᬸᬂᬫᬾᬭᬸᬦᬾ᭞ ᬤᬚᬦ᭄ᬕᬸᬦᬸᬂᬳᬶᬫᬯᬦᬾ᭟ ᬯᬢᭂᬓ᭄ᬭᬢᬸᬲᬚᭂᬩᬕ᭄ᬩ᭄ᬭᬢᬯᬃᬱᬦᬾ ᬫᬓᭂᬚᬂᬗ᭄ᬭᭀᬫ᭄ᬩ᭄ᬬᬬᬚ᭄ᬜᬦ᭄ᬲᬂᬧ᭄ᬭᬪᬹᬫᬭᬸᬢᬦᬾ᭟ ᬲᬂᬧ᭄ᬭᬪᬹᬫᬭᬸᬢᬲᬬᬦ᭄ᬯᬶᬩᬸᬄ᭟ ᬳᬧᬓ᭄ᬭᬦᬦᬾᬓᬾᬢᭀ᭞ ᬚᬦᬶᬓᬓ᭄ᬬᬂᬦᬸᬢᬸᬭᬶᬦ᭄ᬘᭂᬦᬶᬂ᭟ ᬲᬸᬩᬓᬮᭀᬓ᭄ᬢᬄᬳᬸᬮᬶᬫᬮᬸᬧᬭᬭᬓ᭄ᬱᬲᬫᬸᬯᬄᬤᬾᬯᬦᬾ᭟ ᬓᭂᬢᭀᬫᬲᬶᬄᬧᬸᬢ᭄ᬭᬦ᭄‌ᬳᬶᬤᬪᬕᬯᬵᬦ᭄ ᬅᬗᬶᬭᬲᬳᬦᬾᬫᬧᭂᬲᬾᬗᬦ᭄‌ᬪᬕᬯᬵᬦ᭄‌ ᬯᬺᬳᬱ᭄ᬧᬢᬶᬫᬸᬯᬄᬪᬕᬯᬵᬦ᭄‌ᬲᬫ᭄ᬯᬃᬢ᭟ ᬪᬕᬯᬵᬦ᭄‌ᬯᬺᬳᬱ᭄ᬧᬢᬶᬢᬸᬲᬶᬂ ᬲᬸᬯᬸᬤ᭄ᬲᬸᬯᬸᬤ᭄ᬜᬸᬗ᭄ᬓᬦᬶᬦ᭄ᬓᬬᬸᬦ᭄‌ ᬪᬕᬯᬵᬦ᭄‌ᬲᬫ᭄ᬯᬃᬢᬦᬾ᭟ ᬳᬶᬤᬮᬯᬸᬢᬦᬶᬗ᭄ᬕᬮᬶᬦ᭄ᬲᬮᬸᬯᬶᬃ ᬧᬤᬺᬩᬾᬦᬶᬤᬦᬾᬳᬦᬾᬫᬭᬸᬧᬅᬃᬢᬩ᭄ᬭᬡ᭞ ᬮᬸᬗᬫᬢᬧᬓᬢᭂᬗᬄᬳᬮᬲᬾ᭟ ᬪᬕᬯᬵᬦ᭄‌ ᬲᬫ᭄ᬯᬃᬢᬗᭂᬮᬭᬂᬬᭀᬕᬢᬦ᭄ᬫᬪᬹᬱᬡ᭟ ᬲᭂᬤᭂᬂᬫᭂᬮᬳᬤᬸᬕᬲᬾᬳᭂᬦ᭄ᬢᭀ ᬲᬂᬳ᭄ᬬᬂᬇᬦ᭄ᬤ᭄ᬭᬫᬭᬧᭂᬲᬦ᭄ᬲᬸᬯᬸᬤ᭄ᬫᬲ᭄ᬬᬢ᭄ᬗᬲᭀᬭᬂ ᬧᬭᬫᭂᬲᭂᬄᬳᬶᬤᬦᬾ᭟ ᬲᬂᬳ᭄ᬬᬂᬇᬦ᭄ᬤ᭄ᬭᬧ᭄ᬭᬲᬶᬤ᭄ᬥᬗᬸᬯᬲᭂᬬᬂᬲ᭄ᬯᬃᬕᬦᬾ᭟ ᬳᬶᬤᬮᬯᬸᬢ᭄ᬗᬤᭂᬕᬂᬲᬂᬯᬺᬳᬲ᭄ᬧᬢᬶᬤᬤᬶ ᬧᬗᭂᬦ᭄ᬢᬃᬧᬦᭂᬕᬭᬚᬚᬳᬦᬶᬤᬦᬾ᭟ ᬪᬕᬯᬵᬦ᭄ᬅᬗᬶᬭᬲᬳᬚᬶᬦ᭄ᬲᬂᬯᬺᬳᬲ᭄ᬧᬢᬶᬦᬾ ᬫᬸᬮᬳᬸᬮᬶᬫᬮᬸᬲᬸᬩᬤᬤᬶ ᬪᬕᬯᬵᬦ᭄ᬓᬮᬸᬯᬃᬕᬦ᭄ᬧ᭄ᬭᬪᬹᬓᬭᬦ᭄ᬤᬫᬦᬾ᭟ ᬲᬂᬧ᭄ᬭᬪᬹᬫᬭᬸᬢᬢᬸᬲᬶᬂᬢᬳᬾᬦ᭄ᬓᬓᬲᭀᬭᬂ ᬳᭀᬮᬶᬄᬲᬂᬳ᭄ᬬᬂᬇᬦ᭄ᬤ᭄ᬭ᭞ ᬭᬢᬹᬦ᭄ᬯᬢᭂᬓ᭄ᬤᬾᬯᬢᬦᬾ᭟ ᬧᬓᬬᬸᬦᬦ᭄ᬲᬂᬧ᭄ᬭᬪᬹᬫᬭᬸᬢ ᬫᬸᬮᬮᬓᬃᬜᭂᬦ᭄ᬢᭀᬓᬂᬲᬂᬳ᭄ᬬᬂᬇᬦ᭄ᬤ᭄ᬭ ᬗᬫᭂᬮ᭄ᬚᬕᬢ᭄᭟ ᬲᬂᬳ᭄ᬬᬂᬇᬦ᭄ᬤ᭄ᬭᬫᬭᬲᬢᬸᬲᬶᬂ ᬮᬓᬃᬜᬶᬤᬬᬂᬦᬦ᭄ᬤᬶᬗᬶᬦ᭄ᬲᬂᬧ᭄ᬭᬪᬹᬫᬭᬸᬢ᭞ ᬮᬯᬸᬢ᭄ᬳᬶᬤᬜᬸᬚᬸᬃᬮᬶᬗ᭄ᬕᬶᬄ ᬳᬶᬤᬪᬕᬯᬵᬦ᭄‌ᬯᬺᬳᬲ᭄ᬧᬢᬶᬦᬾ᭟ ᬲᬲᬸᬩᬦᬾᬫᬘᬸᬦ᭄ᬤᬸᬓ᭄᭞ ᬲᬂᬳ᭄ᬬᬂᬇᬦ᭄ᬤ᭄ᬭᬮᬯᬸᬢ᭄ᬗᬦ᭄ᬤᬶᬓ᭝ᬭᬢᬹᬧ᭄ᬭᬦ᭄ᬥᬅᬕᬸᬂ᭞ ᬲᬦ᭄ᬢᬸᬓᬦ᭄ᬧᬮᬸᬗ᭄ᬕᬸᬄᬧ᭄ᬭᬦ᭄ᬥᬅᬕᬸᬂ ᬗᭂᬦ᭄ᬢᭂᬭᬂᬢᬦᬄᬚᬚᬳᬦ᭄ᬢᬶᬢ᭄ᬬᬗᬾ᭞ ᬲᬦᬾᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬧᬶᬦᬸᬦᬲ᭄ᬢᬶᬢ᭄ᬬᬗᬾ ᬭᬶᬂᬧᬮᬸᬗ᭄ᬕᬸᬄᬧ᭄ᬭᬡ᭄ᬥ᭟ ᬅᬚᬶᬦ᭄ᬧᬮᬸᬗ᭄ᬕᬸᬄᬧ᭄ᬭᬡ᭄ᬥ ᬧᭂᬘᬓ᭄ᬤᬤᭀᬲ᭄ᬩᭂᬕᬯᬢᬦ᭄ᬧ᭄ᬭᬪᬹᬓᬭᬦ᭄ᬤᬫᬦᬾ᭟ ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬦᬸᬦᬲ᭄᭞ ᬲᬫ᭄ᬧᬸᬦᬂᬲᬶᬗ᭄ᬕᬶᬄᬧ᭄ᬭᬡ᭄ᬥ ᬓᬬᬸᬦ᭄ᬤᬤᭀᬲ᭄ᬪᬕᬯᬵᬦ᭄ᬢᬲᬂᬧ᭄ᬭᬪᬹᬫᬭᬸᬢᬦᬾ᭟ ᬲᬶᬗ᭄ᬕᬶᬄᬧ᭄ᬭᬡ᭄ᬥᬅᬕᬸᬂᬚᬕᬶ ᬳᬤᭂᬕᬂᬢᬶᬢ᭄ᬬᬂᬪᬕᬯᬵᬦ᭄ᬢᬭᬶᬂᬇᬦ᭄ᬤ᭄ᬭ ᬮᭀᬓᬗᬩᬶᬄᬢᬶᬢ᭄ᬬᬂᬤᬤᭀᬲ᭄ᬳᬕᬸᬂ᭟ ᬧᬮᬸᬗ᭄ᬕᬸᬄᬧ᭄ᬭᬡ᭄ᬥᬢᬸᬦᬲ᭄ᬢᬶᬢ᭄ᬬᬂ ᬫᬗ᭄ᬤᬗᬲ᭄ᬢᬶᬢ᭄ᬬᬂᬓᬭᬳᬚᭂᬗᬦ᭄ᬧᬭᬤᬾᬯᬢᬦᬾ ᬫᬶᬯᬄᬧᬭᬍᬮᬸᬯᬸᬃᬯᬢᭂᬓ᭄ᬫᬦᬸᬱᬦᬾ᭟ ᬫᬓᬤᬶᬢᬶᬢ᭄ᬬᬂ ᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬧ᭄ᬭᬲᬶᬤ ᬗ᭄ᬯᬲᬬᬂᬚᬕᬢ᭄ᬢᬶᬕᬦᬾ᭟ ᬬᬾᬦᬶᬂᬲᬂᬫᬭᬸᬢᬳᬶᬧᬸᬦ᭄ᬗᬸᬯᬲᬬᬂ ᬫᬺᬘᬧᬤᬦᬾᬓᬯᬦ᭄ᬢᭂᬦ᭟ ᬯ᭄ᬬᬓ᭄ᬢᬶᬢᬯᬄᬧᬶᬲᬦ᭄ᬧᬮᬸᬗ᭄ᬕᬸᬄ ᬳᬶᬭᬢᬹᬓᬬᬸᬦ᭄ᬤᬤᭀᬲ᭄ᬪᬕᬯᬵᬦ᭄ᬢᬦ᭄ᬲᬂᬧ᭄ᬭᬪᬸᬫᬭᬸᬢᬦᬾ᭟ ᬲᬶᬦᬄᬮᬶᬗ᭄ᬕᬶᬄᬧᬮᬸᬗ᭄ᬕᬸᬄᬧ᭄ᬭᬡ᭄ᬥᬧᬘᬂᬲᬸᬭᬸᬤ᭄᭞ ᬲᬦ᭄ᬢᬸᬓᬦ᭄ᬧ᭄ᬭᬡ᭄ᬥ ᬲᬫ᭄ᬧᬸᬦ᭄ᬤᬤᭀᬲ᭄ᬪᬕᬯᬵᬦ᭄ᬢᬯᬢᭂᬓ᭄ᬤᬾᬯᬢᬦᬾ᭟ ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂᬦᬸᬦᬲ᭄ᬫᬗ᭄ᬤᬲᬶᬗ᭄ᬕᬶᬄᬧ᭄ᬭᬡ᭄ᬥ ᬦᬾᬦ᭄ᬢᭂᬦ᭄ᬓᬬᬸᬦ᭄ᬓᬳᬤᭂᬕᬂᬪᬕᬯᬵᬦ᭄ᬢ ᬳᭀᬮᬶᬄᬲᬂᬧ᭄ᬭᬪᬹᬫᬭᬸᬢ᭟ ᬪᬕᬯᬵᬦ᭄‌ᬯᬺᬳᬲ᭄ᬧᬢᬶᬮᬯᬸᬢ᭄ᬗᬦ᭄ᬤᬶᬓ᭞ ᬳᬶᬗᬶᬄᬭᬢᬹᬲᬂᬳ᭄ᬬᬂᬇᬦ᭄ᬤ᭄ᬭ᭞ ᬲᬦᬾᬗᬸᬯᬲᬬᬂᬚᬕᬢ᭄ᬢᬶᬕᬦᬾ᭟ ᬭᬕᬦ᭄ᬧᬮᬸᬗ᭄ᬕᬸᬄᬳᬶᬭᬢᬹᬫᬓᬤᬕᬶᬂᬚᬕᬢᬾᬲᬫᬶ᭟ ᬧᬮᬸᬗ᭄ᬕᬸᬄᬳᬶᬭᬢᬹᬲᬫ᭄ᬧᬸᬦ᭄ᬧ᭄ᬭᬲᬶᬤᬗᬲᭀᬭᬂᬲᬂᬅᬫᬸᬘᬶ᭟ ᬲᬂᬯᬶᬲ᭄ᬯᬭᬸᬧ᭞ ᬫᬶᬯᬄᬲᬂᬯᬮ᭟ ᬯᬦ᭄ᬢᬄᬲᬶᬗ᭄ᬕᬶᬄᬪᬢᬭᬧᬶᬦᬓ᭄ᬭᬓ᭄ᬱᬭᬳᬚᭂᬗᬦ᭄ᬧᬭᬤᬾᬯᬢᬦᬾ᭟ ᬪᬢᬭᬲᬦᬾᬲᬯ᭄ᬬᬓ᭄ᬢ᭄ᬬᬦ᭄ᬜᬦᬾ ᬤᬤᭀᬲ᭄ᬢᭂᬤᬸᬂᬚᬕᬢ᭄ᬭᬯᬸᬄᬲ᭄ᬯᬃᬕᬦᬾ᭟ ᬢᬶᬢ᭄ᬬᬂᬲᬦᬾᬲᬫ᭄ᬧᬸᬦ᭄ᬲ᭄ᬯᬾᬘ ᬳᬶᬤᬪᬢᬭᬧᬘᬂᬫᬮᬶᬄᬫᬜᬸᬯᬶᬢᬭᬶᬂ ᬭᬢᬸᬫᬭᬕᬫᬦᬸᬱᬫᬗ᭄ᬓᬶᬦ᭄ᬧᬶᬋᬗᬂᬳᬢᬸᬃᬢᬶᬢ᭄ᬬᬂ᭟ ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬘᬂᬦᬶᬗ᭄ᬕᬮᬶᬦ᭄ᬧᬮᬸᬗ᭄ᬕᬸᬄᬪᬢᬭ᭟ ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬧᬘᬂᬦᬶᬗ᭄ᬕᬮᬶᬦ᭄ᬲᬦᬾᬫᬯᬱ᭄ᬝᬧᬢᬸᬢ᭄᭟ ᬲᬧᬸᬦᬶᬓᬧᬗᬦ᭄ᬤᬶᬓᬦ᭄ᬪᬕᬯᬵᬦ᭄‌ᬯᬺᬳᬲ᭄ᬧᬢᬶᬦᬾ᭟ ᬳᬶᬤᬲᬂᬳ᭄ᬬᬂᬇᬦ᭄ᬤ᭄ᬭᬤᬳᬢ᭄ᬮᬾᬤᬂ ᬢᬸᬃᬤᬶᬕᭂᬮᬶᬲ᭄ᬫᬯᬮᬶᬮᬸᬗᬓᬇᬦ᭄ᬤ᭄ᬭᬮᭀᬓ᭟
ᬓᭂᬓᭂᬢᬸᬲ᭄ᬲᬓᬶᬂ᭝ᬅᬲ᭄ᬯᬫᬾᬤᬧᬃᬯ᭟

 Katuturang Sang Prabu Maruta

critayang Sang prabu maruta, kaliwat kasub di gumine baan kapradnyan Idane. Lenan teken ento Ida Prabu wibuh tan patadndingan. Sang prabu Marutane madeg artu kanjekan Tretayuga. Ida mula terehan manu, Putran Sang prabu Awiksait saking nagara Karandama. Dugas Sang Prabu Karandamane madeg ratu gumine landuh. Sang Prabu dahat pradnyan, nyiwi ngeret indriyan Idane. Ida ngawangun yadnya Aswameda nyantos ping satus, ane kapuput olih Bagawan Angirasa. kewibuhan miwah  kapradnyanan Idane masih teken Ida Batara Indra. Yen upamiang Kakiang kawicaksanaan  Sang Prabu Karandamane waluya Bagawan Wreaspati. Yen unduk kaprabawan Idane waluya tejan ida Sanghyang Surya. Kadedegan muah kakukuhan kayun Idane tan pendah gunung Himawan. Sang Prabu Karandama kaloktah dijagate mabiseka dadi maharaja. Tri Kaya Parisudane gelarang Ida ngenterang jagate. Sasubane Ida wata, kagentosin olih putran Idane maparab Sang Prabu Maruta. Yen unduk kapradnyanan Sang Prabu Marutane luwihan teken Ajin Idane ngamel jagat. Yen saihang kakiang sapamadeg Idane waluya Sanghyang Wisnu nyewadi ka mrecapada. Ida Sang Prabu maruta teleb pessan mayadnya muwah nangun kerti. Ida suba mataki-taki lakar nglaksanayang yadnya Aswameda. Panjake suba nikayang Ida ngae bokor muwah eteh-eteh pasuciyan malakar aji mas. Ida lakar nangun yadnya di puncak gunung Merune, dajan gunung Himawane. Watek ratu sajebag Brata wartane makejang ngrombia yadnyan Sang Prabu Marutane. Sang Prabu Maruta sayan wibuh. Apa krana keto? Jani kakiang nuturin cening. Suba kaloktah uli malu para raksasa muwah  dewatane. Keto masih putran Ida Bagawan Angirasa ane mapesengan Bagawan Wreaspati muwah Bagawan Samwarta. Bagawan Wreaspati tusing suud-suud nyungkanin kayun Bagawan Samwartane. Ida laut aninggalin saluir padreben Idane ane marupa Artabrana, lunga matapa katengah alase. Bagawan Samwarta ngelarang yoga tanpa busana. Sedeng melaha dugase ento Sanghyang Indra mara pesan suud masiat ngasorang para meseh Idane.

Sanghyang Indra prasida nguwaseyang swargane. Ida laut ngadegang Sang Wreaspati dadi pangentar panegara jajahan Idane. Bagawan Angirasa ajin Sang Wreaspatine mula uli malu suba dadi bagawan kaluargan Prabu Karandamane. Sang Prabu Maruta tusing taen kasorang olih Sanghyang indra, ratun watek dewatane. Pakayun Sang Prabu Maruta mula lakar nyentokang Sanghyang Indra ngamel jagat.

Sanghyang Indra marasa tusing lakar nyidayang nandingin Sang Prabu Maruta, laut Ida nyujur linggih Ida Bagawan Wreaspatine. Sasubane macunduk, Sanghyang Indra laut ngandika: "Ratu pranda Agung, santukan palungguh pranda Agung ngenterang tanah jajahan titiange, sane mangkin wenten pinunas titiange ring palungguh pranda. Ajin palungguh pranda pecak dados bagawatan Prabu Karandama. ne mangkin titiang nunas, sampunang singgih pranda kayun dados bagawanta Sang Prabu Marutane. Singgih pranda Agung jagi adegang titiang bagawanta ring Indra Loka ngabih titiang dados agung. Palungguh pranda tunas titiang mangda ngastitiang karahajegan para dewatane miwah para leluwur watek manusane. Makadi titiang ne mangkin sampun prasida ngwasayang jagat tigane. Yening sang Maruta  ipun nguwasayang mrecapadane kawantena. Wiakti tawah pisan palungguh iratu kayun dados bagawanta Sang Prabu Marunata? Sinah linggih palungguh pranda pacang surud, santukan pranda sampun dados Bagawanta watek dewatane. Ne mangkin titiang nunas mangda singgih pranda nenten kayun kaadegang Bagawanta olih Sang Prabu Maruta." Bagawan Wreaspati laut ngandika: "Inggih ratu Sanghyang Indra, sane nguwasayang jagat tigane. Ragan palungguh iratu maka daging jagate sami. Palungguh iratu sampun prasida ngasorang Sang Amuci. Sang Swarupa, miwah Sang Wala. Wantah singgih Batara minakraksa rahajegangn para dewatane. Batara sane sawyaktiannyane dados tedung jagat rauh swargane. Titiang sane sampun sueca ida Batara pacang malih manyuwita ring ratu maraga manusa mangkin pirengan atur titiang. Titiang nenten pacang ninggalin palungguh Batara. Titiang nenten pacang ninggalin sane mawasta patut." Sapunika pangandikan Bagawan Wreaspatine. Ida Sanghyang Indra dahat ledang tur digelis mawali lungan ka Indra Loka.

keketus saking: Aswameda Parwa.

Semoga penyajian ini bisa dijadikan media pembelajaran buat pembaca tutlenBlog